Skip to main content

Matt Hammitt dam takin le


Contemporary Christian band zinga ka ngainat em em Sanctus Real zaitupa Matt Hammitt chuan nikum July thla khan band a chhuahsan thu a sawi a nih kha. Khami tum khan ka ui viau nain, singer thar an lak hun ka nghakhlel hle.


Tichuan January ni  25, 2016 khan Sanctus Real chuan an  lead vocals thar Dustin Lolli hovin  'This Is Love' tih hla chu an rawn tichhuak ta a. Dustin Lolli hi a zaithiam ka ti lutuk, mahse ka benga Sanctus Real kha a ni thei ta lo. A pawi ka ti a, Matt Hammitt-a aw mawi tak kha ka bengah a la cham reng zawk tlat mai.


Sanctus Real dintu zing ami Matt Hammitt hi hla phuah thiam em em a ni bawk a, 'Lead Me' tih hla khan min hneh khawp mai. 'Say It Loud' album kha ka ngaina a, tun hnaia an tihchhuah 'Run' album kha ngaihthlak a nuam ka ti hle bawk. An album hi chu ka nei kim vek a, zinnaah hian ka ngaithla thin a, Pathian awmpuina ka chan phah thin. An hla thu a ril a, chutah Matt Hammitt-a aw mawi tak nen mittui hi a far thei hial thin a ni.


Pathian hman em em Sanctus Real hi ka la ngaithla chhunzawm zel dawn, Dustin Lolli-a aw hi a PA khawp mai a, hla mawi tak tak rawn siam teuh teh se. Church singer a nihnaah ka ngaisang a, Grammy nominated ni mai lovin, lawmman dawng khawp hialin Dustin Lolli hian rawn vawrh teh se. Pathianin an rawngbawlna malsawm se, mi tam takin an hlate hmangin Pathian lo hmu se tih chu ka tawngtai sakna a ni.

Comments

Popular posts from this blog

Mi hi hmusit ngawt thei kan ni em?

Vawi khat chu lehkha pawimawh pein in pakhatah ka lut a, pa ber chuan an fapa naupang zawk chu a la hau mek. "I nu leh pain hna kan thawk ve ve, i duh duhna hmunah pawh i zir thei, sang tak zir turin kan duh che a, i mamawh chu kan pe vek chein kan hria, mahse hei enge i rawn zirchhuah hi? Degree pawh nei lovin hei nileng lengin game i khel a, i u hi chuan kan thu a awih a, tunah chuan dortor niin hlawh tam tak a nei tawh a nih hi, nang ve chu," a lo ti mawlh mawlh a. Lehkha ka pek zawh chuan ka chhuak lehnghal vat a.

Chumi tuk chu inrinni a ni a, chhungte in sa ka pui a, chhunah thingpui in chawlh kan hmang. Hnathawk ho nen chuan kan inrual tlang, kan thu hova, kan titi malh malh a. Labour hna chu a hahthlak thu leh security tha ve deuha thawh an chak thu an sawi liam liam. Pakhat chuan, "Pawl 12 thleng lehkha ka zir, Accountancy te leh Company Accounts te kha chu a thiam ber ka ni thin kan class-ah kha chuan. Company Secretary te kha zir zawm ka tum ve nasa, migratio…

Football manager leh player te inkungkaihna

Football manager-te hi club chhungah chuan an thu thin hle a, game an khelh dan tur zawng zawng an ruahman thin bakah club thenkhatah chuan player transfer chungchangah pawh thuneihna an nei thin bawk. Club thenkhatah chuan manager te hian nipui bazara player an duhzawng an sawi a, chung player te chu club hotuten lak tumin theihtawp an chhuah thin.

Football manager hna chungchang hi ram a hrang angin tihdan pawh a hrang ve deuh thin a. England-ah chuan manager te hi club enkawlna kawnga a fung pawimawh tak chelhtu an nih thin laiin ram dangah erawh manager ni lovin football coach pangngai angin an inchhawr mai a, team an practice pui a, game khelh dan tur an ruahman leh a, football game chungchangah chauh an thu a ni deuh mai.

England-ah chuan football manager te hi an thu thin khawp a, team management zawng zawng an buaipui bawk a, player zingah hmasawn lo leh an thawhpui theih lohte chu an thehchhuak hmiah hmiah thei bawk. Player te pawhin team-a tel ve ziah an duh a nih chuan man…

Mi Judge zung zung tur hi kan ni em?

Bike exhaust ring tawk nen chak tawkin min rawn tlanpel, a la leu kual zuai zuai zui bawk. Rilru chhungril takah chuan, "Han thal zawr se aw," kan ti ru vawng vawng thin. Han thal tak tak se; pui dawn mah ila kan rilru tak chuan, "I chawh hle mai," kan ti ngei bawk ang le. Kan tan harsatna lian tak thlen chuang lo mahse kan huat hi a tling em em thin.

Hei hi mihring rilru put hmang a ni a, hmeichhe tawngkam takin; kan 'ei' loh zawng tute emaw an han che chhia a, internet leh social networking velah kan han dem rawn luih luih a. Hemi chungchang hi ngun taka kan ngaihtuah a ngai tlat mai.

Kum hnih liamta vel atang khan social networking Mizo community-ah hian kan tawngkam hman hi a danglamin kan duhtui ta lo sawt khawp mai. Hman deuh deuh hovin tutute emaw an rawn thur chhuak a, kan hmelhriat em em pawh ni lo, kan chhungkaw khawsak pawh nghawng miahlote pawh ni mahse kan tawngkam thiam ang tawkin kan han sawisel luih luih bawk a. Cyberbullying te hi sap hovi…