Skip to main content

ASUS E402MA 14 Inch REVIEW


Asus UX305FA kha Rs. 50,000 chunglam man a ni a. Lei tumin ka inkhawl ve nasa, mahse ka tlin ta ngang lo. Tichuan Rs. 16,199 man Asus Eeebook E402MA-WX0001T 14-inch Laptop ka lei ta zawk a. Cheng sing 5 atanga sing 1-a tlak thlak chu ka tlathla nasa duai duai hle mai.

Rei ngial Eeebook E402MA hi ka bih chiang a, a tawpah chuan ka thlang ta nge nge a ni. Ka mamawhna min phuhru tur ber nia ka hriat vang a ni. A man ngaihtuah chuan a tlawm hle, tablet leh phone thenkhat man ang vel a ni a, mahse a tawk tek tawk hle mai.

Specification hi tarlang ve hrim hrim ila.

2.16GHz Intel Celeron N2840 processor
2GB DDR3 RAM
32GB eMMC storage
14-inch screen, Integrated Graphics
Windows 10, 64Bit operating system
Easy HDD Upgrade Window
3X Battery Life

Storage chungchang :

Storage hi 32GB a pe a, mahse SSD a nih avangin a chak phat phat hle. 1TB thlenga extend theih a ni. Tin, online storage tha tak tak a awm tawh avangin web management lam hna thawk leh media lamte tan chuan a hman tlak dawn khawp mai. Zirlaite tan pawh thu chhut nan a hmantlak thlawt bawk. Cloud computing erawh Mizoram chhungah chuan Aizawl atang lo chuan stable takin a hman theih loh maithei.

A chak tha em?

A chak tha em han tih tawp mai chu zawhna mawlmang tak a ni. Mahse hriatthiam awl zawnga sawi hi a tha zel e. A processor leh RAM chu ka rawn tarlan ang khian game khelh nan chuan beisei sang em em suh. Mahse asphalt 8 erawh zo takin a khelh theih.

Photo Edit nan a hman tlak em?

Ka beisei aiin a lo hmantlak a. Photoshop CS 3 leh CS 4 pawh zo takin a khawih theih. Thlalak lian ve pangai 9 mega pixels/3MB vela lian pawh a rualin 6 chu a lakluh theih a, hei hi rang tak takin a process theih bawk a ni.


Battery a daih rei em?

Web browse hian darkar 5 a daih a, DTP tools hmanga thu chhut nan ringawta hman chuan darkar 7 lai pawh a daih a ni.

A sa hma em?

A sa thei lo. Icecool a hmang a, rei tak pawh hmang ila a dai dak mai a ni.

Sound a tha em?

Speaker hi dinglam leh veilam hnuaiah a awm a, a ri chu a clear mawi tha, mahse ka duhthu a sam lo, ring deuh hleka ngaihthlak ka duh chuan ka chawi deuh zauh thin.

A pian hmang lam te?

A zang tha a, a pan thler thlawr bawk. Phone thenkhat nen pawh a chhah zawng chu a intiat vel hial ang.

Screen a tha em?

Screen hi 14inch a ni a, a tawk hle. Display erawh a zia ve e. A sir zawng atanga en chuan a color a dik lo. Rs. 16,000 man -ah chuan a tha tawk hle.

Eng eng nge connect theih?

USB port pahnih a awm a, pakhat hi 2.0 a ni a, pakhat hi 3.0 a ni thung. Output lamah VGA leh HDMI pawh a awm bawk. Tin, SD card vuahna tur pawh a awm bawk a, audio jack microphone leh earphone vuahna tur pawh a awm bawk.

Keyboard hman a nuam em?

A nuam thawkhat e. Key leh key inkar a inhlat ve deuh a, hei hian hman a tih nawm phah hle.

Track Pad a hman tlak em?

Track Pad hi a man ngaihtuah chuan ka beisei aiin an rawn siam tha a, trackpad  Multi-Touch gestures an rawn dah ve a, hei hi a work tha hle a ni.


Operating System lam 

Windows 10 64 bit an rawn dah a, track pad nen phei chuan hman a nuam khawp mai. A zo tha veh vawh a, duhthusam a ni e.

Sawiselna

Memory hi a te hret a, 32 GB a ni a, OS-in space a luah nual a, free space tak chu 15GB-19BG vel lek a ni tawh a, movie khawl thin leh hla tam tak dahkhawm thin tan chuan hman chi a ni lo. Hetih lai hian he harsatna hi awlsam takin a sut kian theih thova, hard disk hi 1TB thleng tih lenna tur an rawn dahtel nghal a ni.

Tlipna

A man atanga chhut chuan laptop tha tak a ni e. 4.5/5 ka pe e.

Comments

  1. A man leh i review na en chuan a awihawm loh zawk a lawm.

    Kumin chhung a er ve chi a nih khi. 👍

    ReplyDelete
  2. Storage tih lenna hi engtin nge an dah tel a?
    A ṭhat hmel khawp mai mahse Processor hi ka duhthu sam lo.

    ReplyDelete

Post a Comment

Popular posts from this blog

Bible thuruk ngaihnawm

Kumin Good Friday zan khan kan kohhran upa pakhat sermon chuan, " Setana leh a ho ten Isua chu an han kheng bet ta a, Lal Isua a thih chiah khan Setana leh a hote chu hlimin an lam a," a ti a. A dik lo chhiava lutuk khan thil tam tak min ngaihtuah tir ta zawk a. La Isua kha setanate khen beh a ni awkawng lo, setana khan a tir atanga a tawp thlenga dan a tum zawk kha a ni si a. Tichuan Pathian leh setana inbeihna hi khawvel pian hma atangin ka chhiar chho ta a, Bible chhung pawh a hma aiin ka hriat phah ta zawk a. Tichuan keima tawkah Bible thu tluang pangai kara thu ril leh ropui inthupte chu ka hmu thiam ve chho ta zel a.
Khawvel siam hma chanchin thlir kual zuai ila.
Bible chang hrang hrangah hmuhtur a awm a, Isaia 14 : 3-23 kan chhiar chuan chiang takin a inziak. Varparh, zing lam fapa (Lucifer) chu vantirhkoh te zingah chungnung ber ni mahse Pathian anga awm kha  chak ve avangin Vanah indona a ti chhuak a, tichuan chak lo zawkah tangin leiah paih thlak a ni ta a.  Khami za…

Taxi driver nen kan inkawm a

Ruah a sur nasat avangin taxi ka la a, tlan kawngah chuan taxi driver nen chuan kan inkawm ta a.

Two wheeler taxi hian a vawchhe dawn che u em? Tia ka zawhna chu, "Vawchhe khawp ang, a buaithlak dawn khawp mai," tiin min chhang.

Kei chuan heti hian ka sawi ta a, "Office kal nan two wheeler ka hmanna chhan chu taxi fare hi a to em a, hetia mahni motor ka ken hian sum kan saved hnem daih asin.

"Mahse taxi fare hi tlawm deuh selang chuan taxi hi ka hmang nasa ang. Parking vela buai buai hi ka ning a," tiin.

Taxi fare hi tlawm ta se tun ai hian in tlan tam zawk ang em? Tia ka zawhna chu, "Nia, kan tlan tam zawk ang. Tun ai hian kan hlawk zawk pawh ka ring bawk," tiin min chhang.

Kan ti ti chho zel a, kan ngaihdan inang ta em em chu, 'Taxi fare hi tlawm se, mipui hian public transport kan hmang nasa anga, mahni motor hawlchhuah tum kan tlem sawt bawk ang, hei hian traffic jam pawh nasa takin a ti ziaawm dawn a ni,' tih hi a ni.

Pathian hi a awm tak tak em?

Damdawi inah damlo kan awmpui a, ka thianpa nen chuan verandah-ah chhuakin hrisel hlutziate kan sawi dun a. Chutia kan titi mawlh mawlh lai chuan ka thianpa chuan, "A nih leh, Pathian awmpuina hi i tawng tak tak tawh em? Nangmahah Pathianin a awmpui ngei che tih hriatna engemaw thil tawn i nei tawh em?" tiin min zawt thut.

Ka nu hi tawngtai mi a ni a, awlsam takin kei chuan, "Aw tawng tawh e, ka nuin ka dam loh chang hian min tawngtai sak thin a, ka dam thin," tiin ka chhang. A ngawi vang vang a, "A nih leh damdawi a eitir thin tho che em?" Tiin min zawt leh, kei chuan min eitir thin thuin ka chhang. Chutah ka thianpa chuan, "Nachhawkna khan a chhawk lawk lo che a, tichuan i nuin a tawngtai che a, a tawngtai zawh rual chein nachhawkna chuan a chhawk ta thin che a nih chu," min ti a.

A nih duh hmel hi ka ti ta khawp mai a, a dang ka ngaihtuah leh a, "Lungleia ka kal dawnin car ka khalh a, tawngtaina hmunah keimahin ka tawngtai. Chutih lai c…