Skip to main content

Contra


Kan naupan lai kha khawvel hun inthlak chhoah chuan hun duhawm ber a ni ka ti lo thei lo. Technology-ah khawvel nasa takin a thang a, Television en hmasa pawl kan ni ve hman a, telephone hmang hmasa pawl kan ni. Video khel hmasa generation kan ni a. Computer khawih hmasa ber generation kan ni bawk.

Sap ramah Arcade game kha an khel nasa hle, Arcade game kha chu kan khel ve hman chiah lo, Nintendo GameBoy kan khelh hnu lawkah 8 bit console game kan khel chho kha a ni a.

Thil engkim kha a thar a ni a, a mak a, a ropui a, a nuam bawk. Tunlai Console tha PlayStation leh Xbox te erawh changkang hle mahse 8 bit game kalhmang zulzui chho deuh kha an nih avangin thil thar a ni lem lova, a graphic a ang tawh a ni deuh mai a. Virtual Reality Game rawn chhuak tur erawh 8 bit game anga thil thar hlak a rawn nih dawn avangin ka nghakhlel hle a ni.

Konami game Contra kha video game ka khelh tawha nuam ka tih ber a la ni hial awm e. A music tang tak kha ka bengah hian a la cham a, stage zawng zawng pawh ka la mitthla thei vek bawk.

Ka thlenchhuah hma chiah kha ka la theihnghilh thei lo. Alien's Lair-a misual pa kha ka bei a, Spread Gun ka neih loh avangin alien te neuh neuh rawn chhuak khan mi ti thi kha a ni a, khatah khan kan GAME OVER thin. Pawi ka ti lutuk, ka hnual ruih mai. Chutih laiin, "Ka Restart leh thei alawm mawle," tiin rilru thar ka pu a, chutah chuan strategy thar ka nei.


"Silai rawn thlawk ka kahthlakin Spread chiah ka la tawh ang, 'R' pawh ka mamawh bawk. Silai dang ka lak apiangin ka buai a, ka indaih lo bawk thin. Waterfall-a misual pa ka beihin a hnuai laiah ka awm tawh lovang, khatah khan nunna ka hloh thin. Snowfield-a motor lian kha, screen veilam atanga hnai teah ka ding anga, ka kap tawh bawk ang. Khami hmunah khan min kap fuh thei lo bawk," tiin game plan fel tak ka siam. Tichuan ka restart a, ka chhuak chhunzawm ta a ni.


Restart a lo awm hi a va lawmawm thin tak em! Kan GAME OVER a, kan hnual ruih mai, mahse bul tan that leh theih a ni tih kan hriat hian kan lawm thin. Mahni duh dan danin kan khawvel zinkawng kan zawh thin. Pathian mamawh pawhin kan inhre thin lo. Sual kawng thui tak kan zawh hnuah kal ngaihna kan hre ta lo, harsatna lian tak kan tawk a, beidawnna ruamah kan lut ta a. Sual chuan min hneh ta, kan GAME OVER ta thin a ni.

Mahse hetah hian hnual mai suh, thil zawng zawng bul hi a la tan that leh theih vek asin. Eng anga thui pawh sualah ke pen tawh mah la Pathian hnen i hawikir chuan nun bul i tan thar lehnghal dawn a ni. Pathian chuan i dam chhung chu engtik lai pawhin Restart a phalsak reng che a ni.

Comments

  1. Tha lutuk.. Thalai inkhawm leh huna sermon tur ka nei leh ta. 😁😂

    ReplyDelete

Post a Comment

Popular posts from this blog

Bible thuruk ngaihnawm

Kumin Good Friday zan khan kan kohhran upa pakhat sermon chuan, " Setana leh a ho ten Isua chu an han kheng bet ta a, Lal Isua a thih chiah khan Setana leh a hote chu hlimin an lam a," a ti a. A dik lo chhiava lutuk khan thil tam tak min ngaihtuah tir ta zawk a. La Isua kha setanate khen beh a ni awkawng lo, setana khan a tir atanga a tawp thlenga dan a tum zawk kha a ni si a. Tichuan Pathian leh setana inbeihna hi khawvel pian hma atangin ka chhiar chho ta a, Bible chhung pawh a hma aiin ka hriat phah ta zawk a. Tichuan keima tawkah Bible thu tluang pangai kara thu ril leh ropui inthupte chu ka hmu thiam ve chho ta zel a.
Khawvel siam hma chanchin thlir kual zuai ila.
Bible chang hrang hrangah hmuhtur a awm a, Isaia 14 : 3-23 kan chhiar chuan chiang takin a inziak. Varparh, zing lam fapa (Lucifer) chu vantirhkoh te zingah chungnung ber ni mahse Pathian anga awm kha  chak ve avangin Vanah indona a ti chhuak a, tichuan chak lo zawkah tangin leiah paih thlak a ni ta a.  Khami za…

Taxi driver nen kan inkawm a

Ruah a sur nasat avangin taxi ka la a, tlan kawngah chuan taxi driver nen chuan kan inkawm ta a.

Two wheeler taxi hian a vawchhe dawn che u em? Tia ka zawhna chu, "Vawchhe khawp ang, a buaithlak dawn khawp mai," tiin min chhang.

Kei chuan heti hian ka sawi ta a, "Office kal nan two wheeler ka hmanna chhan chu taxi fare hi a to em a, hetia mahni motor ka ken hian sum kan saved hnem daih asin.

"Mahse taxi fare hi tlawm deuh selang chuan taxi hi ka hmang nasa ang. Parking vela buai buai hi ka ning a," tiin.

Taxi fare hi tlawm ta se tun ai hian in tlan tam zawk ang em? Tia ka zawhna chu, "Nia, kan tlan tam zawk ang. Tun ai hian kan hlawk zawk pawh ka ring bawk," tiin min chhang.

Kan ti ti chho zel a, kan ngaihdan inang ta em em chu, 'Taxi fare hi tlawm se, mipui hian public transport kan hmang nasa anga, mahni motor hawlchhuah tum kan tlem sawt bawk ang, hei hian traffic jam pawh nasa takin a ti ziaawm dawn a ni,' tih hi a ni.

Pathian hi a awm tak tak em?

Damdawi inah damlo kan awmpui a, ka thianpa nen chuan verandah-ah chhuakin hrisel hlutziate kan sawi dun a. Chutia kan titi mawlh mawlh lai chuan ka thianpa chuan, "A nih leh, Pathian awmpuina hi i tawng tak tak tawh em? Nangmahah Pathianin a awmpui ngei che tih hriatna engemaw thil tawn i nei tawh em?" tiin min zawt thut.

Ka nu hi tawngtai mi a ni a, awlsam takin kei chuan, "Aw tawng tawh e, ka nuin ka dam loh chang hian min tawngtai sak thin a, ka dam thin," tiin ka chhang. A ngawi vang vang a, "A nih leh damdawi a eitir thin tho che em?" Tiin min zawt leh, kei chuan min eitir thin thuin ka chhang. Chutah ka thianpa chuan, "Nachhawkna khan a chhawk lawk lo che a, tichuan i nuin a tawngtai che a, a tawngtai zawh rual chein nachhawkna chuan a chhawk ta thin che a nih chu," min ti a.

A nih duh hmel hi ka ti ta khawp mai a, a dang ka ngaihtuah leh a, "Lungleia ka kal dawnin car ka khalh a, tawngtaina hmunah keimahin ka tawngtai. Chutih lai c…