Skip to main content

Selfie


A bik takin hmeichhia hian an lawm fal bik niin ka hria. An han thle no a, biang sum neilo chung an hmui eng tin tin emaw ti kualin biang sum an siam chawp a. An duhthusam effect an hman hnuah an click ta.

"Umm, ka lang tha lo," tiin an click nawn leh a, vawi sawm chuang lai an click, "Hetah chuan ka hmai bawl a lang deuh.. delete ang.. hetah chuan ka hmui a sexy tawk lo, delete ang," tiin an delete leh malh malh a, a tawpah an lan thatna ber nia an ngaih chu 'DP' ah emaw, Pro pic-ah emaw an hmang ta thin a ni.

Tu pawhin kan lan chhiatna ai chuan kan lan thatna hmuh nuam kan ti zawk thin. Vawi khat chu thian hovin khawi khawiah emaw kan leng kual a. Phul nuam tak takahte chuan thla kan la chur chur a, nilenga hun hman chuan thlalak a tam duh kher mai.

Camera chu kan thianpa ta niin, kan hawng tur chu kan thiannu pakhat chuan, "Khawi maw ka lo en chhuak vek teh ang," tiin a lak sak a. Hawn kawng tluan chuan a en malh malh a, a tuka kan thianpain thlalak a'n enchian chuan a lo kim lo nasa mai chu niin. Kan thiannu pakhat khan ama lanchhiatna kha Social networking vela midang post a hlauh avang khan a lo delete vek chu niin.

Kan lan chhiatna hi midangin hmu lo se kan duh a, chutih rualin kan lan thatna erawh mi zawng zawngin hmu se kan ti emaw tih mai tur khawpin facebook velah kan phochhuak nasa thin.

Midang thatna aiin an thatlohna kan hmu hnem thin, ruihhlo khawih, zu heh leh nawhchizuarte hi misual niin kan ngai thin. Mahse "LALPA chuan mihring en dan angin a en ve si lova; mihring chuan pawn lama lan dan a en thin a, LALPA erawh chuan thinlung lam a en zawk thin a ni," (1Samuela 16:7).

Eng anga sual pawh ni la 'Selfie' kan sawi anga lan chhiatna lai zawng zawng paiha, lan thatna lai chiah i phochhuah ang khan; Pathian chuan i sualna zawng zawng en kanin Atana thil tha i lo tih ve zauhte kha a hre kar thin.

Pharisai Simona ina Lal Isua chaw a ei tum khan hmeichhe sual (Nawhchizuar a ni mai ang chu) chu rawn lut vein alabasta hriak rimtu chu Lal Isua keah a chulh a nih kha. Khami tum khan Lal Isua khan kha hmeichhe sual tam tak kha ngaidamin; a tih that ve chhun chu a fak ta zawk a nih kha. (Luka 7:36-50).

Pathian hian kan lan chhiatna en kanin, kan lan thatna ber a en thin a ni.

Comments

Post a Comment

Popular posts from this blog

Bible thuruk ngaihnawm

Kumin Good Friday zan khan kan kohhran upa pakhat sermon chuan, " Setana leh a ho ten Isua chu an han kheng bet ta a, Lal Isua a thih chiah khan Setana leh a hote chu hlimin an lam a," a ti a. A dik lo chhiava lutuk khan thil tam tak min ngaihtuah tir ta zawk a. La Isua kha setanate khen beh a ni awkawng lo, setana khan a tir atanga a tawp thlenga dan a tum zawk kha a ni si a. Tichuan Pathian leh setana inbeihna hi khawvel pian hma atangin ka chhiar chho ta a, Bible chhung pawh a hma aiin ka hriat phah ta zawk a. Tichuan keima tawkah Bible thu tluang pangai kara thu ril leh ropui inthupte chu ka hmu thiam ve chho ta zel a.
Khawvel siam hma chanchin thlir kual zuai ila.
Bible chang hrang hrangah hmuhtur a awm a, Isaia 14 : 3-23 kan chhiar chuan chiang takin a inziak. Varparh, zing lam fapa (Lucifer) chu vantirhkoh te zingah chungnung ber ni mahse Pathian anga awm kha  chak ve avangin Vanah indona a ti chhuak a, tichuan chak lo zawkah tangin leiah paih thlak a ni ta a.  Khami za…

Taxi driver nen kan inkawm a

Ruah a sur nasat avangin taxi ka la a, tlan kawngah chuan taxi driver nen chuan kan inkawm ta a.

Two wheeler taxi hian a vawchhe dawn che u em? Tia ka zawhna chu, "Vawchhe khawp ang, a buaithlak dawn khawp mai," tiin min chhang.

Kei chuan heti hian ka sawi ta a, "Office kal nan two wheeler ka hmanna chhan chu taxi fare hi a to em a, hetia mahni motor ka ken hian sum kan saved hnem daih asin.

"Mahse taxi fare hi tlawm deuh selang chuan taxi hi ka hmang nasa ang. Parking vela buai buai hi ka ning a," tiin.

Taxi fare hi tlawm ta se tun ai hian in tlan tam zawk ang em? Tia ka zawhna chu, "Nia, kan tlan tam zawk ang. Tun ai hian kan hlawk zawk pawh ka ring bawk," tiin min chhang.

Kan ti ti chho zel a, kan ngaihdan inang ta em em chu, 'Taxi fare hi tlawm se, mipui hian public transport kan hmang nasa anga, mahni motor hawlchhuah tum kan tlem sawt bawk ang, hei hian traffic jam pawh nasa takin a ti ziaawm dawn a ni,' tih hi a ni.

Pathian hi a awm tak tak em?

Damdawi inah damlo kan awmpui a, ka thianpa nen chuan verandah-ah chhuakin hrisel hlutziate kan sawi dun a. Chutia kan titi mawlh mawlh lai chuan ka thianpa chuan, "A nih leh, Pathian awmpuina hi i tawng tak tak tawh em? Nangmahah Pathianin a awmpui ngei che tih hriatna engemaw thil tawn i nei tawh em?" tiin min zawt thut.

Ka nu hi tawngtai mi a ni a, awlsam takin kei chuan, "Aw tawng tawh e, ka nuin ka dam loh chang hian min tawngtai sak thin a, ka dam thin," tiin ka chhang. A ngawi vang vang a, "A nih leh damdawi a eitir thin tho che em?" Tiin min zawt leh, kei chuan min eitir thin thuin ka chhang. Chutah ka thianpa chuan, "Nachhawkna khan a chhawk lawk lo che a, tichuan i nuin a tawngtai che a, a tawngtai zawh rual chein nachhawkna chuan a chhawk ta thin che a nih chu," min ti a.

A nih duh hmel hi ka ti ta khawp mai a, a dang ka ngaihtuah leh a, "Lungleia ka kal dawnin car ka khalh a, tawngtaina hmunah keimahin ka tawngtai. Chutih lai c…