Skip to main content

Favang thla eng hnuhnung ber

Lonely Mountian luhchhuah tumin Thorin Oakenshield leh a hote chuan Laketown an chhuahsan a. Tlang kulh lian tak chhunga Dragon lian Smaug luhchhuah an tum.

Smaug hi an hnawt bo emaw an that emaw a nih chuan Dale lal inthlahchhawnga a hnuhnung ber Bard chu lal a ni thei dawn a. Tin, Dwarve-te hian Laketown mipuite chu dragon kulh chhunga rohlu tam tak pek an tiam bawk a.

Tin, heti hi a ni a, lehkha zialah chuan Lonely mountian luh rukna kua awmna a inziak. 'Favanga eng hnuhnung berin chumi lai chu a chhun chuan chabi rawlh luhna tur kua a lang dawn,' tiin.
Tlang lal Thrain-a fapa Thorin II chuan chumi chabi chu a hum ran mai. Tlang panga milim lian takah chuan an lawn chhova, chutah kulh luh rukna chu an thleng ta. Tlai a ni a, ni a tla tep. Favang eng hnuhnung berin chumi lai bang chu a rawn chhun chuan chabi rawlhluhna tur a lang dawn niin an ngai.
Ni a hniam tual tual, chabi rawlh luhna kua a lang thei mai si lo, a thim chuan kum khat an nghah a ngai dawn si. An hriamhrei neih ang ang chuan bang chu an chek a, mahse ni a tla ta, favanga ni eng hnuhnung ber a en laiin chabi rawlhluhna kua an hmu hman ta lo.
Beidawng takin Thorin chuan a chabi ken lai leiah a paih a, kham koh takah chuan an chhukthla leh ta hlawm a. Hetih lai hian Bilbo Baggins erawh a la beidawng lo.
Lung bang bulah chuan lehkha zial bih chungin a ngaihtuahna a la seng a, kawng engemaw a la awm takin tiin a hawi a hawi a.
Ani pawh a beidawng tep, beisei erawh tlemte a la nei. Van lam a hawi a, favang thla eng hnuhnung ber tur chu a lo lang a. Thla eng no mawi tak chuan lung bang chu a rawn em a, lung bang chu a rawn eng tle ta suar suar mai. Chutah chabi rawlhluhna tur kua chu chiang fahran hian a rawn lang ta kalh mai a.
'Favang eng hnuhnung ber' tih kha ni eng emaw an tih laiin thla eng chu a lo ni a. Chutah Bilbo Baggins chuan midang kham panga chhukthla mekte chu ko let lehin an chabi paih tawh chu chhar lehin, kulh luh rukna kawngka chu an hawng ta a, an lut thei ta a ni.
Kan thianpa Dina aka DinaGrafix nen inneihnaah kan inhmu hlawl a, "Digi.. lo kal teh, The Hobbit: The Desolation of Smaug kha i en tawh em?," min ti a, kei chuan, "En tawh e, ka movie ngainat ber pakhat a ni," tiin ka chhang.

Ani chuan, "Lonely Mountain an luhchhuah dawn vel lai kha uluk takin ennawn leh rawh," min ti a. Min rawn angin ngeiin kei chuan uluk takin ka ennawn leh, he Pathian thu ropui leh entirna fiah tak inphum ru hi ka hmu thiam ve ta chauh a ni.

A chang hi chuan Pathian min hruai dan hi kan hrethiam thin lo. "Hei hi Pathian min hruai dan a ni thei angem?" tih roh roh chang kan nei thin. Hei hi a chhan chu  dwarve-te'n Favang eng hnuhnung ber kha ni eng nia an ngai ang khan mihringin Pathian kan beisei thin dan hi A remruat dan a lo ni vek thin si lova. A chang hi chuan kan duhdanin Pathian hi inkaihhruai tir kan tum thin nitein a lang bawk.

Beidawnna ruamah beiseina zawng zawng a bo hnu pawha Pathiana rinna la nghat tlat mite chu Pathianin a kaihhruai dan a hrilhfiah thin a, Pathian awmpuina ropui leh nuam tak chu an chang ta thin a ni. Hetiang tawng tawh ringtute chuan, "Ka dil loh zawk malsawmna," tiin Pathian an fak ta thin a ni.

Israel fate pawhin Mesia kha tharum hmanga ram la turin an beisei a nih kha. Mahse an chan loh khanah, Mesia chuan hmangaihna leh tawrhna hmangin khawvel a hneh ta zawk si a. Pathianin keimahah enge tih a tum tih hi tawngtaina nen hmanhmawh miah lova ngaihchang thin mite hi mi nihlawh an lo ni zel dawn a nih hi.

Comments

Post a Comment

Popular posts from this blog

Bible thuruk ngaihnawm

Kumin Good Friday zan khan kan kohhran upa pakhat sermon chuan, " Setana leh a ho ten Isua chu an han kheng bet ta a, Lal Isua a thih chiah khan Setana leh a hote chu hlimin an lam a," a ti a. A dik lo chhiava lutuk khan thil tam tak min ngaihtuah tir ta zawk a. La Isua kha setanate khen beh a ni awkawng lo, setana khan a tir atanga a tawp thlenga dan a tum zawk kha a ni si a. Tichuan Pathian leh setana inbeihna hi khawvel pian hma atangin ka chhiar chho ta a, Bible chhung pawh a hma aiin ka hriat phah ta zawk a. Tichuan keima tawkah Bible thu tluang pangai kara thu ril leh ropui inthupte chu ka hmu thiam ve chho ta zel a.
Khawvel siam hma chanchin thlir kual zuai ila.
Bible chang hrang hrangah hmuhtur a awm a, Isaia 14 : 3-23 kan chhiar chuan chiang takin a inziak. Varparh, zing lam fapa (Lucifer) chu vantirhkoh te zingah chungnung ber ni mahse Pathian anga awm kha  chak ve avangin Vanah indona a ti chhuak a, tichuan chak lo zawkah tangin leiah paih thlak a ni ta a.  Khami za…

Taxi driver nen kan inkawm a

Ruah a sur nasat avangin taxi ka la a, tlan kawngah chuan taxi driver nen chuan kan inkawm ta a.

Two wheeler taxi hian a vawchhe dawn che u em? Tia ka zawhna chu, "Vawchhe khawp ang, a buaithlak dawn khawp mai," tiin min chhang.

Kei chuan heti hian ka sawi ta a, "Office kal nan two wheeler ka hmanna chhan chu taxi fare hi a to em a, hetia mahni motor ka ken hian sum kan saved hnem daih asin.

"Mahse taxi fare hi tlawm deuh selang chuan taxi hi ka hmang nasa ang. Parking vela buai buai hi ka ning a," tiin.

Taxi fare hi tlawm ta se tun ai hian in tlan tam zawk ang em? Tia ka zawhna chu, "Nia, kan tlan tam zawk ang. Tun ai hian kan hlawk zawk pawh ka ring bawk," tiin min chhang.

Kan ti ti chho zel a, kan ngaihdan inang ta em em chu, 'Taxi fare hi tlawm se, mipui hian public transport kan hmang nasa anga, mahni motor hawlchhuah tum kan tlem sawt bawk ang, hei hian traffic jam pawh nasa takin a ti ziaawm dawn a ni,' tih hi a ni.

Pathian hi a awm tak tak em?

Damdawi inah damlo kan awmpui a, ka thianpa nen chuan verandah-ah chhuakin hrisel hlutziate kan sawi dun a. Chutia kan titi mawlh mawlh lai chuan ka thianpa chuan, "A nih leh, Pathian awmpuina hi i tawng tak tak tawh em? Nangmahah Pathianin a awmpui ngei che tih hriatna engemaw thil tawn i nei tawh em?" tiin min zawt thut.

Ka nu hi tawngtai mi a ni a, awlsam takin kei chuan, "Aw tawng tawh e, ka nuin ka dam loh chang hian min tawngtai sak thin a, ka dam thin," tiin ka chhang. A ngawi vang vang a, "A nih leh damdawi a eitir thin tho che em?" Tiin min zawt leh, kei chuan min eitir thin thuin ka chhang. Chutah ka thianpa chuan, "Nachhawkna khan a chhawk lawk lo che a, tichuan i nuin a tawngtai che a, a tawngtai zawh rual chein nachhawkna chuan a chhawk ta thin che a nih chu," min ti a.

A nih duh hmel hi ka ti ta khawp mai a, a dang ka ngaihtuah leh a, "Lungleia ka kal dawnin car ka khalh a, tawngtaina hmunah keimahin ka tawngtai. Chutih lai c…