Skip to main content

Ronaldo hian kum 18 mi a nih laiin Ballon d'Or a dawng lo


Euro 2016 a zo a, Portugal an champion. Hming langsar ber chu Cristiano Ronaldo a ni. Kumina Champions League leh Euro trophy a la a, club-a hlawhchhuah theih zawng zawng a hlawhchhuah hnuah a ram chu Euro-ah a champion pui ta a ni.

Final-ah minute 15 chiah khel mahse qualifying atanga group stage leh final an luhna kawnga a thawh hlawk zia khawvelin a hriatpui, chuvang chuan 2016 Ballon d'Or pawh hi Ronaldo kutah a awm tawh thu mi chi hrang hrang leh a football khelhpuite ngei pawhin an sawi mek a nih hi.

Tun dinhmun a thlen theih nana a thawhrim zia chu chanchin ngaihnawm tak a ni chhunzawm bawk a. Kum 18 mi lek a nih laiin Sporting Lisbon atangin United-in an la. Sir Alex Ferguson-a hnuaiah khawvela footballer tha ber pakhat a nih theih phah ta a.

Complete footballer kan ti a, a hlawhtlinna pawh a ropui ta hle mai. Heng zawng zawng a hlawhchhuah theihna chhan chu a thawhrimna vang chauh a ni. Man Utd-a a team-mate thin ten a chanchin an sawi thin, training hun pangngai hi a awm a, chutah chuan coach-in tih tur a tih ang zelin training neih thin a ni.

Ronaldo chuan chu chu duhkhawp lovin midang aiin a bang har bik thin a, ball a pet a, a dinglam leh vei lamin ball pet dik a zir. Tin, mi bum thiamna leh tlanchak dan thlengin amahin a zir ngat ngat thin niin a thian ten an sawi thin. Heng an sawi hi a dik zia Sir Alex Ferguson pawhin a sawi chhuak a, Man Utd a enkawl laia player thawk rim ber leh hmasawn nasa ber chu Cristiano Ronaldo a nih thu a sawi a nih kha.

Anih leh Ronaldo hian kar khatah vawi khat chiah football practice thin se tun dinhmun hi a thleng angem? Kar khatah vawi khat chiah chaw ei ta se tun ang hian a tlan chak angem?

Ringtute pawh hian thlarau chaw kan ei ve reng a ngai a, hmasawn zel tur kan ni a, kar khatah vawi khat chiah Pathian biak in kan thleng a nih chuan coach hnuaiah training kan nei khat dawn raih raih khawp mai. Tin, Bible chhiar leh tawngtai hi ringtu thanlenna kawnga tangkai tak pakhat a ni a, nitin chaw kan ei angin nitin Bible chhiar leh tawngtaina hun kan nei lo a nih chuan rinna kawngah hmasawn a har khawp ang le.

Vawilehkhatah a puitlin nghal thut theih loh. Ronaldo pawh kha kum 18 mi a nih lai khan Ballon d'Or winner a ni hauh lo a nia. Nang pawh vawiinah Isua zui tan la, vawiin la lain i puitling nghal thei lo. Hmasawn zel tur kan ni a, chutah chuan kan chin tha lo sim chhoh zel a pawimawh bawk. Ronaldo khan zial zu pawt pawt thin se tun dinhmun hi a thlen a rinawm loh, taksa tana tha lo tur kha chu a thlah hmak mai. Chutiang chiah chuan Pathian kan zuina kawnga min tibuai thei thil hi vawilehkhatah kan thlah vek thei lo a nih pawhin kan thlah chho zel tur a ni.

Tun dinhmunah chuan Footballer naupang zawkte nih chak ber pakhat chu Ronaldo hlawhtlinna ang neih chhoh a ni ngei ang. Ronaldo chuan a thlen chin tur a thleng tawh nitea ngaih a nih laiin amah Ronaldo chuan a la duhtawk mai lo, tun aia tha zawk nih zel a la tum. Pathian thu sawitu; Pathian thu awih deuh deuh nia kan ngaihte rinna ang tal hi nei ila kan ti vawng vawng thin, mahse anni pawh an induhkhawp lo ve hle thin, hmasawn zel an tum thin a ni. Puitling tawh a awm theih lova, Mario game ka chhuak vek tawh tih ang kha a ni lo. Bu let tawh lovin, kan thlen chin atanga hmasawn zel tur kan lo ni zawk a ni.

Tin, heta zeh leh hram ka la duh chu; thenkhatte hi chuan training kan la tha khawp a, mahse kan thil zirte a taka hmanchhuahna kawngah training neilo ang mai kan ni thin.

Ronaldo chuan training rim taka a neihte chu a tak taka inkhelhnaah a lanchhuah tir a. Chutih laiin Biak Ina hun hmang hnem tak, mahse kan kristianna a taka hman huna hmang ta lo hi kan tam a. Thenawm khawveng nun hona leh hnathawhnaa hrawn hrehawm tak takte hian Biak Ina kan training ang kha khelmualah kan lan chhuah tir lo thin tihna a ni. Chuvang chuan kan thlenchin atanga hmasawn zel tur an ni.

“Hmu tawh reng inti ka ni lo va, famkim tawh reng inti pawh ka ni hek lo; “Krista mi man chhan chu ka man thei dah law maw,” tiin, a ûmin ka ûm zâwk a ni. Unaute u, manah ka inngai lo. Amaherawhchu, he thil pakhat hi ka ti ṭhîn – hnung lama thil awmte chu theihnghilha, hma lama thil awmte chu banin, Krista Isuaa Pathian chung lam koh chhan lâwmman hmu tûrin, tiam chin lam chu ka pan ṭâlh ṭâlh a ni. Chutichuan, puitling apiang chutiang rilru puin i awm ang u; tin, eng kawngah pawh rilru danglam pu in lo nih chuan, chu pawh chu Pathianin a la hriattîr ang che u. Eng pawh ni sela, kan thlen chin aṭang khân hma i sâwn zêl ang u.” Philipi 3:12-16

Comments

Popular posts from this blog

Bible thuruk ngaihnawm

Kumin Good Friday zan khan kan kohhran upa pakhat sermon chuan, " Setana leh a ho ten Isua chu an han kheng bet ta a, Lal Isua a thih chiah khan Setana leh a hote chu hlimin an lam a," a ti a. A dik lo chhiava lutuk khan thil tam tak min ngaihtuah tir ta zawk a. La Isua kha setanate khen beh a ni awkawng lo, setana khan a tir atanga a tawp thlenga dan a tum zawk kha a ni si a. Tichuan Pathian leh setana inbeihna hi khawvel pian hma atangin ka chhiar chho ta a, Bible chhung pawh a hma aiin ka hriat phah ta zawk a. Tichuan keima tawkah Bible thu tluang pangai kara thu ril leh ropui inthupte chu ka hmu thiam ve chho ta zel a.
Khawvel siam hma chanchin thlir kual zuai ila.
Bible chang hrang hrangah hmuhtur a awm a, Isaia 14 : 3-23 kan chhiar chuan chiang takin a inziak. Varparh, zing lam fapa (Lucifer) chu vantirhkoh te zingah chungnung ber ni mahse Pathian anga awm kha  chak ve avangin Vanah indona a ti chhuak a, tichuan chak lo zawkah tangin leiah paih thlak a ni ta a.  Khami za…

Taxi driver nen kan inkawm a

Ruah a sur nasat avangin taxi ka la a, tlan kawngah chuan taxi driver nen chuan kan inkawm ta a.

Two wheeler taxi hian a vawchhe dawn che u em? Tia ka zawhna chu, "Vawchhe khawp ang, a buaithlak dawn khawp mai," tiin min chhang.

Kei chuan heti hian ka sawi ta a, "Office kal nan two wheeler ka hmanna chhan chu taxi fare hi a to em a, hetia mahni motor ka ken hian sum kan saved hnem daih asin.

"Mahse taxi fare hi tlawm deuh selang chuan taxi hi ka hmang nasa ang. Parking vela buai buai hi ka ning a," tiin.

Taxi fare hi tlawm ta se tun ai hian in tlan tam zawk ang em? Tia ka zawhna chu, "Nia, kan tlan tam zawk ang. Tun ai hian kan hlawk zawk pawh ka ring bawk," tiin min chhang.

Kan ti ti chho zel a, kan ngaihdan inang ta em em chu, 'Taxi fare hi tlawm se, mipui hian public transport kan hmang nasa anga, mahni motor hawlchhuah tum kan tlem sawt bawk ang, hei hian traffic jam pawh nasa takin a ti ziaawm dawn a ni,' tih hi a ni.

Premier League vs Inkhawm

Thenkhat tan chuan Zu leh damdawite, sum leh nula te hi an chaklohna a ni. Kei erawh chu Football hi Pathian ka biak min tibuaitu a ni thin.  Kohhran Inkhawm pawimawh Inrinni zan leh Pathian ni zanah hian English Premier League khelh a ni thin. Mizoramah pawh kan buaipui a, kan atchilh a, inkhawm a awm lai chiah chiah hian inkhel hmuhnawm a awm thin bawk si a.

Football atchilh