Skip to main content

Isua hmel kan ngaihruat dan hi a lo dik lo duai ve thei tlat mai


Isua hmel lan dan nia kan hriat hi khawvela Kristiante chuan ngaihdan thuhmun kan nei vek ang. Sang lam, sam sei leh sual neilo hmel niin kan hria.

Rome-a Santa Pudenziana church-a Isua lem ziah kha vawiina  Isua hmel lan dan nia kan hriat tarlanna hmasa ber pawl nia ngaih a ni a. Isua chu rangkachak kawrfual hak tir a ni a, lei leh vana roreltu a ni tih a lem atangin a lang thei. Hetih lai hian a lan dan erawh Olympian Zeus nen Isua lem hi an inang hle a. Zues kha sam sei, hmuihmul/khabehmul nei a ni a. Tin, sun god Apollo leh Sol Invictus te pawh a ang hle bawk a ni.


Isua sam kha a sei em? Hmuihmul leh khabehmul sei a nei em? Tih hi zawhna lian tak a ni a. Isua kha a tir lamah kha chuan lei leh vana roreltu angin an tarlang chiah lo. Isua lem ziak hmasa ber pawl an hmuhchhuah theih pakhat chu khawram tawh Dura-Europos-a Biak in pakhat ami a ni a. AD 3rd Century hunlai ami nia ngaih a ni. Chumi lem ziakah chuan Isua chu mihring pangngai angin an tarlang a, hmuihmul leh khabehmul nei lo leh sam tawi angin a lem ziaktute chuan an tarlang.


Khang hunlai khan Lu mettu an awm angem? An awm loh chuan Isua sam kha a sei a rinawm. Mahse 1st Century-ah khan Roman ho ram awp huamchhung amite khan lu meh leh hmuihmul/khabehmul meh an ching a. An pathiante erawh sam sei leh hmuihmul/khabehmul zuah niin an ngai thung. Philosopher te pawhin an lu an met thin bawk a ni.

Hetih lai hian Juda te erawh an hmuihmul/khabehmul zuah thian an ni a, Isua hian hmuihmul leh khabehmul a neih a rinawm. Mahse a sam erawh a sei kher lo maithei a ni. Isua ringtu hmasate khan Isua kha lei leh vana Lal ber a nih zia tarlan an tum luatah Greek leh Roman pathian lan dan ang deuhin an tarlang thin niin a lang.

Tin, Isua hmel lan dan chiang taka tarlangtu nia an sawi thin chu Letter of Lentulus kha a ni a. Hetih lai hian Letter of Lentulus kha fake document a ni an ti tlat mai. Kha letter kha Rome  governor pakhat Publius Lentulus-a ziak niin, Roman Senate hnena a thawn nia sawi a ni.

Kha lehkhaah khan Isua hmel lan dan tarlan a ni a, "Mipa sang lam, sualna neilo hmel pu a nih bakah sam sei deuh hlek a ni bawk," tiin.

Mahse Isua hmel hmu phak nia insawi ten an sawichhawn danin kha letter kha a lem mai niin an sawi. Khang hunlai khan governor Lentulus a awm lo a, a thuziak nia an sawi pawh Roman ho thuziak kalphung pawh an i lo bawk niin an sawi.

Vawiina Isua hmel lan dan nia kan hriat hi kha fake document vang nia sawi a ni. Paula lehkhathawnah te, Hebrai leh Luka ziakahte Isua kha Juda mi a nih thu tarlan a ni a. Kum 30 mi Juda mi landan tur ang nia a ngaih forensic anthropologist Richard Neave chuan kum 2001 khan a tichhuak a, Isua hmel ni thei awma lang nia a hriat chu a hnuai ami ang hi a ni.


Sources : Lutz, C., The Letter of Lentulus describing Christ, Tufts University; Jesus,  BBC documentary; Son of God.

Comments

Post a Comment

Popular posts from this blog

Mi hi hmusit ngawt thei kan ni em?

Vawi khat chu lehkha pawimawh pein in pakhatah ka lut a, pa ber chuan an fapa naupang zawk chu a la hau mek. "I nu leh pain hna kan thawk ve ve, i duh duhna hmunah pawh i zir thei, sang tak zir turin kan duh che a, i mamawh chu kan pe vek chein kan hria, mahse hei enge i rawn zirchhuah hi? Degree pawh nei lovin hei nileng lengin game i khel a, i u hi chuan kan thu a awih a, tunah chuan dortor niin hlawh tam tak a nei tawh a nih hi, nang ve chu," a lo ti mawlh mawlh a. Lehkha ka pek zawh chuan ka chhuak lehnghal vat a.

Chumi tuk chu inrinni a ni a, chhungte in sa ka pui a, chhunah thingpui in chawlh kan hmang. Hnathawk ho nen chuan kan inrual tlang, kan thu hova, kan titi malh malh a. Labour hna chu a hahthlak thu leh security tha ve deuha thawh an chak thu an sawi liam liam. Pakhat chuan, "Pawl 12 thleng lehkha ka zir, Accountancy te leh Company Accounts te kha chu a thiam ber ka ni thin kan class-ah kha chuan. Company Secretary te kha zir zawm ka tum ve nasa, migratio…

Football manager leh player te inkungkaihna

Football manager-te hi club chhungah chuan an thu thin hle a, game an khelh dan tur zawng zawng an ruahman thin bakah club thenkhatah chuan player transfer chungchangah pawh thuneihna an nei thin bawk. Club thenkhatah chuan manager te hian nipui bazara player an duhzawng an sawi a, chung player te chu club hotuten lak tumin theihtawp an chhuah thin.

Football manager hna chungchang hi ram a hrang angin tihdan pawh a hrang ve deuh thin a. England-ah chuan manager te hi club enkawlna kawnga a fung pawimawh tak chelhtu an nih thin laiin ram dangah erawh manager ni lovin football coach pangngai angin an inchhawr mai a, team an practice pui a, game khelh dan tur an ruahman leh a, football game chungchangah chauh an thu a ni deuh mai.

England-ah chuan football manager te hi an thu thin khawp a, team management zawng zawng an buaipui bawk a, player zingah hmasawn lo leh an thawhpui theih lohte chu an thehchhuak hmiah hmiah thei bawk. Player te pawhin team-a tel ve ziah an duh a nih chuan man…

Mi Judge zung zung tur hi kan ni em?

Bike exhaust ring tawk nen chak tawkin min rawn tlanpel, a la leu kual zuai zuai zui bawk. Rilru chhungril takah chuan, "Han thal zawr se aw," kan ti ru vawng vawng thin. Han thal tak tak se; pui dawn mah ila kan rilru tak chuan, "I chawh hle mai," kan ti ngei bawk ang le. Kan tan harsatna lian tak thlen chuang lo mahse kan huat hi a tling em em thin.

Hei hi mihring rilru put hmang a ni a, hmeichhe tawngkam takin; kan 'ei' loh zawng tute emaw an han che chhia a, internet leh social networking velah kan han dem rawn luih luih a. Hemi chungchang hi ngun taka kan ngaihtuah a ngai tlat mai.

Kum hnih liamta vel atang khan social networking Mizo community-ah hian kan tawngkam hman hi a danglamin kan duhtui ta lo sawt khawp mai. Hman deuh deuh hovin tutute emaw an rawn thur chhuak a, kan hmelhriat em em pawh ni lo, kan chhungkaw khawsak pawh nghawng miahlote pawh ni mahse kan tawngkam thiam ang tawkin kan han sawisel luih luih bawk a. Cyberbullying te hi sap hovi…