Skip to main content

Ka pil hman, hming sawisual channawn


PlayStation leh mobile phone tih vel kha la awm hek lo, kan infiamna nuam ber zing ami pakhat chu inbiruksiak kha a ni a. Mawia a chang, number 15 thleng a chhiar, chumi chhung chuan kan lo biru ta thin a ni.

Rules-ah chuan a hmu kim vek tur a ni, a hmu kim lo a nih chuan a hmuh kim hma chu a zawng tur a ni. A zawn laia pakhatin a lo 'Dapa' a nih erawh chuan a chang nawn tur a ni. Tin, hming a sawisual pawhin a changnawn bawk tur a ni.

Ring takin,"Kima," a rawn ti a, "Ka pil hman," a tih kha chuan han sawi buai vak theih a ni lo, a pil hman miauva. "Pil hman" tactic hi thian zinga huai deuh ten an hmang nasa a, 'Inrallemchan'-ah phei chuan, "U Biaka Theng," kan ti a, "Ka pil hman," a tih chuan a thi ngai lo hrim hrim. A nihna takah chuan kan hmu hman a, kan hmuh hman avangin kan sawi/kan kap a, chuta, "Ka pil hman," an tih hi chuan kan hawi lawl lawl thin.

Inbiruksiaka tactic thing zet kan hman thin chu, a huhovin kan awm a, a chang-a kha a rawn kal hnai, chutah a lam hawiin dapa tumin kan han um ta tak tak thin mai a(h). "Thanga, Mala, Biaka, ih ih ih," a tih chhung khan a tu emaw tal hi chuan a va dapa hman leh nge nge thin.

In-Capstan kha kan ti ve hman a, Bitter chhia khan a hnawl chhuak hnem thin hle. Sikulah rubber hmangin kan 'inpak' thin, sikul dawhkanah hmawlhte kan vit phun a, chutah chuan chhem/pak luh kan tum. Kan chhem luh zat zat kha kan man a ni a, hmuipawrh nih kan chak thei hle nghe nghe a ni.

Kan boss pakhatin vawi khat chu min ko khawm a, "Hei tunah chuan ka lo tlangval chho tan ta a, nula rimte pawh ka duh ve tawh. Chuvang chuan inzingah hun ka hmang tam thei tawh dawn lova, boss thar ka ruat anga, kei chuan ka ho tawh lovang che u," a'n ti mai chu(h), kan tah hi a chhuak a nia, kan men lawih lawih mai a ni.

Ka'n sawi kual ve duah a, ka sawi tum tak zawk chu kan naupan laia Mizoram technology la sang lem lo kha vawiin thleng hian ka lawm a ni. Mihring inkungkaihna awmzia kan hrethiam ve hman niin ka ngai. Vawiinah chuan thian inkawm khawm ang u; tiin dine out te kan han huaihawt a, kan thu khawm, mahse kan rilru erawh kan phone-a kan thianteah a awm si.

Mobile phone hi a tangkai em em a, chutih laiin chhungkua inpawh lohna a thlen thei hial niin kei chuan ka hria. Tun hma deuh kha chuan zanriah kan eikhamte hian TV kan en hova, kan ti ti tlang thin. Vawiinah erawh zanriah kan kil zo kan thukhawmte hi mahni phone theuh kan sik neuh neuhva, a then an nui leh huk bawk a.  Sawi peih tawh lo. Next-ah chuan leivung tawlh ka sawi ang. Hahah.

Comments

Popular posts from this blog

Bible thuruk ngaihnawm

Kumin Good Friday zan khan kan kohhran upa pakhat sermon chuan, " Setana leh a ho ten Isua chu an han kheng bet ta a, Lal Isua a thih chiah khan Setana leh a hote chu hlimin an lam a," a ti a. A dik lo chhiava lutuk khan thil tam tak min ngaihtuah tir ta zawk a. La Isua kha setanate khen beh a ni awkawng lo, setana khan a tir atanga a tawp thlenga dan a tum zawk kha a ni si a. Tichuan Pathian leh setana inbeihna hi khawvel pian hma atangin ka chhiar chho ta a, Bible chhung pawh a hma aiin ka hriat phah ta zawk a. Tichuan keima tawkah Bible thu tluang pangai kara thu ril leh ropui inthupte chu ka hmu thiam ve chho ta zel a.
Khawvel siam hma chanchin thlir kual zuai ila.
Bible chang hrang hrangah hmuhtur a awm a, Isaia 14 : 3-23 kan chhiar chuan chiang takin a inziak. Varparh, zing lam fapa (Lucifer) chu vantirhkoh te zingah chungnung ber ni mahse Pathian anga awm kha  chak ve avangin Vanah indona a ti chhuak a, tichuan chak lo zawkah tangin leiah paih thlak a ni ta a.  Khami za…

Taxi driver nen kan inkawm a

Ruah a sur nasat avangin taxi ka la a, tlan kawngah chuan taxi driver nen chuan kan inkawm ta a.

Two wheeler taxi hian a vawchhe dawn che u em? Tia ka zawhna chu, "Vawchhe khawp ang, a buaithlak dawn khawp mai," tiin min chhang.

Kei chuan heti hian ka sawi ta a, "Office kal nan two wheeler ka hmanna chhan chu taxi fare hi a to em a, hetia mahni motor ka ken hian sum kan saved hnem daih asin.

"Mahse taxi fare hi tlawm deuh selang chuan taxi hi ka hmang nasa ang. Parking vela buai buai hi ka ning a," tiin.

Taxi fare hi tlawm ta se tun ai hian in tlan tam zawk ang em? Tia ka zawhna chu, "Nia, kan tlan tam zawk ang. Tun ai hian kan hlawk zawk pawh ka ring bawk," tiin min chhang.

Kan ti ti chho zel a, kan ngaihdan inang ta em em chu, 'Taxi fare hi tlawm se, mipui hian public transport kan hmang nasa anga, mahni motor hawlchhuah tum kan tlem sawt bawk ang, hei hian traffic jam pawh nasa takin a ti ziaawm dawn a ni,' tih hi a ni.

Pathian hi a awm tak tak em?

Damdawi inah damlo kan awmpui a, ka thianpa nen chuan verandah-ah chhuakin hrisel hlutziate kan sawi dun a. Chutia kan titi mawlh mawlh lai chuan ka thianpa chuan, "A nih leh, Pathian awmpuina hi i tawng tak tak tawh em? Nangmahah Pathianin a awmpui ngei che tih hriatna engemaw thil tawn i nei tawh em?" tiin min zawt thut.

Ka nu hi tawngtai mi a ni a, awlsam takin kei chuan, "Aw tawng tawh e, ka nuin ka dam loh chang hian min tawngtai sak thin a, ka dam thin," tiin ka chhang. A ngawi vang vang a, "A nih leh damdawi a eitir thin tho che em?" Tiin min zawt leh, kei chuan min eitir thin thuin ka chhang. Chutah ka thianpa chuan, "Nachhawkna khan a chhawk lawk lo che a, tichuan i nuin a tawngtai che a, a tawngtai zawh rual chein nachhawkna chuan a chhawk ta thin che a nih chu," min ti a.

A nih duh hmel hi ka ti ta khawp mai a, a dang ka ngaihtuah leh a, "Lungleia ka kal dawnin car ka khalh a, tawngtaina hmunah keimahin ka tawngtai. Chutih lai c…