Skip to main content

Hmangaih ka ni


Gym kil sirah chuan chau em em hian a lo thu a. "Ka thei tawh lo a ni, ka nerve hi tha selang chuan hetiang em em hian ka thau lo tur a ni a.

"Ka pasal chuan ka taksa a mawi tawh loh avangin min kalsan a, hetia office ban apianga ka gym hian ka cher ve ka inbeisei. Ka cher chuan a lo kir leh duh ang tih hi ka beisei tlat a ni. Aw.. ka nih ang anga min pawmtu hi ka va mamawh tak em! " tiin lungngai takin zawi sap chuan a sawi a.

Mual hmun reh leh biru laiah chuan amah hian a lo thlir kerh kerh a, a lo rui tawh khawp mai. A ruih avang chuan a rilru a hahdam phah hauh lo, a thil tawn chuan nasa takin a ti lungngai a.

"Aw.. tlemin kan khawsakte hi ziaawm ve deuh selang chuan ka nupui nih a duh ngei ang mawle. Kan retheih luat avangin lehkha pawh ka zir zo thei lo, hetia mi hnena inhlawhfak mai loh chu tih theih ka nei lo.

"Min hmangaih ve chuan ka hria, mahse ka hrethiam thei lo a ni hetia lung min her san hi. Khawsak pangngai ve deuh hlek chu ni ilang chuan ka hmangaih em em hi nupuiah ka neih ngei ka ring a ni. Ka thil tihthat avangte leh ka talent neih that avangtea min hmangaih ni lo, ka nih ang anga min pawma min hmangaihtu hi ka va mamawh tak em!" tiin mittui tlar pur chuan a lo phun bul bul a.

AR Lammualah zan inkhel an en zo, an hawng dum dum a, chutah a thiante hnenah chuan, "Hawh u, khawilaiah emaw i kal leh ang u khai, party-na hmun a awm ang," tiin a sawm. Mahse a thiante chuan a tlai tawh tiin an haw san ta a.

Stadium light an off mek, mipui an haw zo tawh, ani erawh Lammual chhaklam tlangah chuan amah chauhvin a thu a, "Aw.. ka va han haw peih lo tak em. Kan in ai chuan hetilai tlang reh tak pawh hi a nuam daih zawk si a. Ka nu leh pate kha inthen lovin; nuhrawn hrawn lo ilang chuan tunahte hian kan inah hlim takin ka awm tur a ni a. Ka nu lah chuan pasal a nei tawh bawk nen, min hmangaihtu ka mamawh a ni," tiin ama hriat tham lek chuan thim thamah a phun a.

Khawtlangin kut an thlak rawn, kawrah chuan chau takin an hnutchhiah. A thi dawn a ni tih a inhria, a naupan laia a nuin a hrilh thin Pathian an tih hnenah chuan a tawngtai ve ta a. "Aw Pathian, i awm a nih chuan khawngaihin min ngaidam rawh, misual ka ni min ngaidam rawh," tiin.

Chutah Pathian chuan a thinlungah a rawn be ta. "Misual i ni a, tualthattu i ni. I naupan tet ata hmangaihna dawnglo i ni a, mahse ngun takin lo ngaithla teh khai. I sualna tam tak avang hian ka hmangaih lo che emaw i lo inti ange, eng ang pawhin sual mah la, i pian tirh ata ka hmangaih tawh che a, vawiin thlengin ka la hmangaih reng che a ni.

"Tunah inchhirin ka hnenah i lo kir leh a, ka ngaidam che a, i hriat ngai reng reng loh hmangaihna chuan ka ang chhungah ka lo hmuak che a nia," tiin. Thlamuang takin tualthattu chu a chawl ta a ni.

Comments

Popular posts from this blog

Bible thuruk ngaihnawm

Kumin Good Friday zan khan kan kohhran upa pakhat sermon chuan, " Setana leh a ho ten Isua chu an han kheng bet ta a, Lal Isua a thih chiah khan Setana leh a hote chu hlimin an lam a," a ti a. A dik lo chhiava lutuk khan thil tam tak min ngaihtuah tir ta zawk a. La Isua kha setanate khen beh a ni awkawng lo, setana khan a tir atanga a tawp thlenga dan a tum zawk kha a ni si a. Tichuan Pathian leh setana inbeihna hi khawvel pian hma atangin ka chhiar chho ta a, Bible chhung pawh a hma aiin ka hriat phah ta zawk a. Tichuan keima tawkah Bible thu tluang pangai kara thu ril leh ropui inthupte chu ka hmu thiam ve chho ta zel a.
Khawvel siam hma chanchin thlir kual zuai ila.
Bible chang hrang hrangah hmuhtur a awm a, Isaia 14 : 3-23 kan chhiar chuan chiang takin a inziak. Varparh, zing lam fapa (Lucifer) chu vantirhkoh te zingah chungnung ber ni mahse Pathian anga awm kha  chak ve avangin Vanah indona a ti chhuak a, tichuan chak lo zawkah tangin leiah paih thlak a ni ta a.  Khami za…

Taxi driver nen kan inkawm a

Ruah a sur nasat avangin taxi ka la a, tlan kawngah chuan taxi driver nen chuan kan inkawm ta a.

Two wheeler taxi hian a vawchhe dawn che u em? Tia ka zawhna chu, "Vawchhe khawp ang, a buaithlak dawn khawp mai," tiin min chhang.

Kei chuan heti hian ka sawi ta a, "Office kal nan two wheeler ka hmanna chhan chu taxi fare hi a to em a, hetia mahni motor ka ken hian sum kan saved hnem daih asin.

"Mahse taxi fare hi tlawm deuh selang chuan taxi hi ka hmang nasa ang. Parking vela buai buai hi ka ning a," tiin.

Taxi fare hi tlawm ta se tun ai hian in tlan tam zawk ang em? Tia ka zawhna chu, "Nia, kan tlan tam zawk ang. Tun ai hian kan hlawk zawk pawh ka ring bawk," tiin min chhang.

Kan ti ti chho zel a, kan ngaihdan inang ta em em chu, 'Taxi fare hi tlawm se, mipui hian public transport kan hmang nasa anga, mahni motor hawlchhuah tum kan tlem sawt bawk ang, hei hian traffic jam pawh nasa takin a ti ziaawm dawn a ni,' tih hi a ni.

Premier League vs Inkhawm

Thenkhat tan chuan Zu leh damdawite, sum leh nula te hi an chaklohna a ni. Kei erawh chu Football hi Pathian ka biak min tibuaitu a ni thin.  Kohhran Inkhawm pawimawh Inrinni zan leh Pathian ni zanah hian English Premier League khelh a ni thin. Mizoramah pawh kan buaipui a, kan atchilh a, inkhawm a awm lai chiah chiah hian inkhel hmuhnawm a awm thin bawk si a.

Football atchilh