Skip to main content

Tu langtat maw par?


Nikum kum tawp lama Triau Trackx hla 'Lungtat Par' tih chuan kum 2017 kum tir lamah pawh 'hit' a la kai chho zel a, he hla avang hian thangtharte pawhin 'lungtat par' awmzia kan hriatthiam phah bawk a ni.

Lungtat hi a par ngai lova, Triau Trackx pawh hian chu chu hlathuah an rawn chantir a. Nula leh tlangval an inngaizawng a, a mipa zawk chuan, "Run lui a leh luan hma loh leh kan lungtat a par loh chuan, i tan ka rinawm ang i ti,"tiin a hmeichhia hnenah a hmangaih zia a hrilh.

Run lui hi a lehluan dawn lo, chutiang chiahin lungtat pawh a par dawn lo kumkhua, "Chatuan pawhin ka hmangaih ang che," a tihna a ni a. Chutih laiin tlangval hian a then ta si a, nula chuan, "Chatuan tawi, i lungtat a par ami?" a ti a nih kha.

Hun a lo vei a, tlangval chuan a ngaihzawng hlui chu a va be leh, "Ka thiam loh a ni, ka hmangaih ber che alawm," tih a va tum ni ngei tur a ni. Mahse chu nula chuan, "Run lui a leh luan hma loh leh kan lungtat a par hma loh chuan, ka ngaidam thei lo che, kan lungtat a par ve lo," tiin a lo chhang ta a ni.

Eden huan bawhchhiatna avangin Pathian chuan lungtat a par hman loh chu inzawmna awm tawh lo turin chatuan atan mihring chu min then ta. Mahse khawngaihna leh hmangaihna avangin Pathian chuan a rilru a thlak, Amah ngei rawn kalin Kalvari kross-ah inzawmna rawn siam lehin a rawn thi a nih kha.

Van angel leh vantirhkohte chuan, "Aw Pathian, chatuan atan mihringte i hnawl tawh si a, mahse hei tunah inzawmna thar i siam leh ta chu a ni a, i lungtat a par ami?" an ti.

Pathian chuan hmangaihna avang chuan a lungtat tih par mai pawh a hnial lo, a thu a sut mai a ni lo, Amah ngei mihringah rawn changin Kross-ah tlanna siamin a rawn thi, hmangaihnaa bual atin kan Pathian meuh pawh a awm a nih hi. Heti ema min hmangaihtu Pathian hi kan hmangaih let ve dawn lovem ni?

Comments

  1. A tha hle mai. Chutih rual chuan a spelling-a mistake awm khi tidik teh :P

    ReplyDelete

Post a Comment

Popular posts from this blog

Mi hi hmusit ngawt thei kan ni em?

Vawi khat chu lehkha pawimawh pein in pakhatah ka lut a, pa ber chuan an fapa naupang zawk chu a la hau mek. "I nu leh pain hna kan thawk ve ve, i duh duhna hmunah pawh i zir thei, sang tak zir turin kan duh che a, i mamawh chu kan pe vek chein kan hria, mahse hei enge i rawn zirchhuah hi? Degree pawh nei lovin hei nileng lengin game i khel a, i u hi chuan kan thu a awih a, tunah chuan dortor niin hlawh tam tak a nei tawh a nih hi, nang ve chu," a lo ti mawlh mawlh a. Lehkha ka pek zawh chuan ka chhuak lehnghal vat a.

Chumi tuk chu inrinni a ni a, chhungte in sa ka pui a, chhunah thingpui in chawlh kan hmang. Hnathawk ho nen chuan kan inrual tlang, kan thu hova, kan titi malh malh a. Labour hna chu a hahthlak thu leh security tha ve deuha thawh an chak thu an sawi liam liam. Pakhat chuan, "Pawl 12 thleng lehkha ka zir, Accountancy te leh Company Accounts te kha chu a thiam ber ka ni thin kan class-ah kha chuan. Company Secretary te kha zir zawm ka tum ve nasa, migratio…

Football manager leh player te inkungkaihna

Football manager-te hi club chhungah chuan an thu thin hle a, game an khelh dan tur zawng zawng an ruahman thin bakah club thenkhatah chuan player transfer chungchangah pawh thuneihna an nei thin bawk. Club thenkhatah chuan manager te hian nipui bazara player an duhzawng an sawi a, chung player te chu club hotuten lak tumin theihtawp an chhuah thin.

Football manager hna chungchang hi ram a hrang angin tihdan pawh a hrang ve deuh thin a. England-ah chuan manager te hi club enkawlna kawnga a fung pawimawh tak chelhtu an nih thin laiin ram dangah erawh manager ni lovin football coach pangngai angin an inchhawr mai a, team an practice pui a, game khelh dan tur an ruahman leh a, football game chungchangah chauh an thu a ni deuh mai.

England-ah chuan football manager te hi an thu thin khawp a, team management zawng zawng an buaipui bawk a, player zingah hmasawn lo leh an thawhpui theih lohte chu an thehchhuak hmiah hmiah thei bawk. Player te pawhin team-a tel ve ziah an duh a nih chuan man…

Mi Judge zung zung tur hi kan ni em?

Bike exhaust ring tawk nen chak tawkin min rawn tlanpel, a la leu kual zuai zuai zui bawk. Rilru chhungril takah chuan, "Han thal zawr se aw," kan ti ru vawng vawng thin. Han thal tak tak se; pui dawn mah ila kan rilru tak chuan, "I chawh hle mai," kan ti ngei bawk ang le. Kan tan harsatna lian tak thlen chuang lo mahse kan huat hi a tling em em thin.

Hei hi mihring rilru put hmang a ni a, hmeichhe tawngkam takin; kan 'ei' loh zawng tute emaw an han che chhia a, internet leh social networking velah kan han dem rawn luih luih a. Hemi chungchang hi ngun taka kan ngaihtuah a ngai tlat mai.

Kum hnih liamta vel atang khan social networking Mizo community-ah hian kan tawngkam hman hi a danglamin kan duhtui ta lo sawt khawp mai. Hman deuh deuh hovin tutute emaw an rawn thur chhuak a, kan hmelhriat em em pawh ni lo, kan chhungkaw khawsak pawh nghawng miahlote pawh ni mahse kan tawngkam thiam ang tawkin kan han sawisel luih luih bawk a. Cyberbullying te hi sap hovi…