Skip to main content

Oil avanga Nuclear bomb puah tur thu Bible-in a sawi?



Thupuan bung 18 chho hi, Kan Mizo bible hian a leh dan hi hriatthiam a har deuh hlek a, a saptawng hian dah phawt ila :

18:3 - "All the nations have drunk the wine of the passion of her immorality. The kings of the earth were immoral with her, and the merchants of the earth have grown wealthy through the extravagance of her luxury.”

"A mi ngaih chîn vânga thinurna uain chu hnam zawng zawngin an in tawh si a. Lei lalte chuan ani chu an ngai ṭhîn a, leia sumdâwngtute chuan a nawmsak bâwlna thiltihtheihna chu an hausak phah ṭhîn.” tiin a au va.

A saptawng nen hian enmil ula, a sawi tum chu kan hrechiang thei turah ka ngai. Tichuan, ka heading pek khi ngaituah ta ila.. Wine tak tak chu a ina in chi hi nge? OIL hi ni zawk ang?

Oil hi khawvel hian kan rui tlang chu a nih si a, Oil inchuh avanga indona tam tak a chhuah tawh zia chhut peih chuan an hria ang. Indona tam tak hi Terrorism te an han chhuanlam hlawm a, a nihna takah chuan Oil vang niin a ngaih theih.

Oil tel lovin ram khawi mah a awm thei tawh lo, nitin kan mamawh a, oil man san leh san loh hian ram economy a nghawng bawk. Mizoramah ngei pawh Petrol pump an nawrh emaw, kawng a chhiat avanga petrol a awm loh emaw chuan, kan vaiin kan buai a, thil man a sang chhunzawm bawk a. Keini North East India daikil kara awm mai mai pawh hetiang khawpa buaina min thlen theitu OIL hi khawvel ram changkang tan chuan indo phahna tham a va ni dawn chiang tak em.

Oil avangin khawvela mihringte hian rilru thianghlim kan pu thei tawh lo chu a ni a, hei hi thupuanin Wine rui a tih chu a ni thei angem? Thupuanin wine a tih hi Oil lo ni ta se, khawilai nge Babulon thar chu ni ta ang?

Chang khata a sawi chu, “Babulon khaw ropui chu a tlâwm ta, a tlâwm ta," tih a ni a, Babulon ram chu khawi lai nge? Iraq ram kha kan ngaihtuahnaah a awm a ni maithei a, mahse Babulon thar Thupuanin a sawi erawh khulai middle east-a oil ngah ram hrang hrang zing ami khu a ni thei mai angem?

Thupuan bung 18 kan chhiar chhoh zel chuan, chu Babulon thar chu ni khatah, vawileh khatah a kang ral dawn!

‘Babulon khawpui ropui, khawpui nghet chu a chung a pik e, a pik e. Dârkâr khat chauhvah i chunga rorêlna chu a lo thleng ta si,’ 18:10

Darkar khat chhung lekin engkim a ral vek dawn. Tunlai nen hmehbel ta zel ila, darkar khat leka khawpui kang fai vek thei ralthuam chu Nuclear bomb hi a ni a, Babulon thar chu Nuclear hmanga beih a ni dawn tihna a ni thei angem?

Chu Babulon thar chu khawi hmun nge ni ta ang le? 

 “He khawpui ropui tluk hi eng khawpui nge awm ang?” tiin an au va. Tin, ṭap leh chiau vak vak chungin, “A muk avânga tuifinriata lawng neitute hausakna khawpui ropui chu a chung a pik e, a pik e! Dârkâr khat chauhvah engmah lo a lo nih tâk hi!” tia auvin an lû ah vaivut an phul a. 18:18-19

Thupuan 18:18,19 atanga kan ngaihtuah chuan, Babulon thar chu tuifinriat atanga hmuh theih a ni dawn niin a lang tlat mai. Oil avanga anmahni dawr thintu sumdawngte lawng liana kal te chuan chutia an dawr ber thin ram han kang ta chu an ui lutuk a, an tap bawk a. Khawi lai nge ni ta ang oil ngah ram chu? Saudi Arabia? Iran? Iraq? Khulai bawr vel khu chu han ring ve mai mai ta ila.

Duhtawk phawt ila, Bible hi a ngaihnawm a, sakawlh kan tihte pawh hi chutia rapthlak lutuka rawn thlawk nul nul tura kan ngaih chuan kan lo chang sual duai thei reng a nia. 

Comments

Post a Comment

Popular posts from this blog

Bible thuruk ngaihnawm

Kumin Good Friday zan khan kan kohhran upa pakhat sermon chuan, " Setana leh a ho ten Isua chu an han kheng bet ta a, Lal Isua a thih chiah khan Setana leh a hote chu hlimin an lam a," a ti a. A dik lo chhiava lutuk khan thil tam tak min ngaihtuah tir ta zawk a. La Isua kha setanate khen beh a ni awkawng lo, setana khan a tir atanga a tawp thlenga dan a tum zawk kha a ni si a. Tichuan Pathian leh setana inbeihna hi khawvel pian hma atangin ka chhiar chho ta a, Bible chhung pawh a hma aiin ka hriat phah ta zawk a. Tichuan keima tawkah Bible thu tluang pangai kara thu ril leh ropui inthupte chu ka hmu thiam ve chho ta zel a.
Khawvel siam hma chanchin thlir kual zuai ila.
Bible chang hrang hrangah hmuhtur a awm a, Isaia 14 : 3-23 kan chhiar chuan chiang takin a inziak. Varparh, zing lam fapa (Lucifer) chu vantirhkoh te zingah chungnung ber ni mahse Pathian anga awm kha  chak ve avangin Vanah indona a ti chhuak a, tichuan chak lo zawkah tangin leiah paih thlak a ni ta a.  Khami za…

Taxi driver nen kan inkawm a

Ruah a sur nasat avangin taxi ka la a, tlan kawngah chuan taxi driver nen chuan kan inkawm ta a.

Two wheeler taxi hian a vawchhe dawn che u em? Tia ka zawhna chu, "Vawchhe khawp ang, a buaithlak dawn khawp mai," tiin min chhang.

Kei chuan heti hian ka sawi ta a, "Office kal nan two wheeler ka hmanna chhan chu taxi fare hi a to em a, hetia mahni motor ka ken hian sum kan saved hnem daih asin.

"Mahse taxi fare hi tlawm deuh selang chuan taxi hi ka hmang nasa ang. Parking vela buai buai hi ka ning a," tiin.

Taxi fare hi tlawm ta se tun ai hian in tlan tam zawk ang em? Tia ka zawhna chu, "Nia, kan tlan tam zawk ang. Tun ai hian kan hlawk zawk pawh ka ring bawk," tiin min chhang.

Kan ti ti chho zel a, kan ngaihdan inang ta em em chu, 'Taxi fare hi tlawm se, mipui hian public transport kan hmang nasa anga, mahni motor hawlchhuah tum kan tlem sawt bawk ang, hei hian traffic jam pawh nasa takin a ti ziaawm dawn a ni,' tih hi a ni.

Pathian hi a awm tak tak em?

Damdawi inah damlo kan awmpui a, ka thianpa nen chuan verandah-ah chhuakin hrisel hlutziate kan sawi dun a. Chutia kan titi mawlh mawlh lai chuan ka thianpa chuan, "A nih leh, Pathian awmpuina hi i tawng tak tak tawh em? Nangmahah Pathianin a awmpui ngei che tih hriatna engemaw thil tawn i nei tawh em?" tiin min zawt thut.

Ka nu hi tawngtai mi a ni a, awlsam takin kei chuan, "Aw tawng tawh e, ka nuin ka dam loh chang hian min tawngtai sak thin a, ka dam thin," tiin ka chhang. A ngawi vang vang a, "A nih leh damdawi a eitir thin tho che em?" Tiin min zawt leh, kei chuan min eitir thin thuin ka chhang. Chutah ka thianpa chuan, "Nachhawkna khan a chhawk lawk lo che a, tichuan i nuin a tawngtai che a, a tawngtai zawh rual chein nachhawkna chuan a chhawk ta thin che a nih chu," min ti a.

A nih duh hmel hi ka ti ta khawp mai a, a dang ka ngaihtuah leh a, "Lungleia ka kal dawnin car ka khalh a, tawngtaina hmunah keimahin ka tawngtai. Chutih lai c…