Skip to main content

Ni awklem leh Bible inkungkaihna


August ni 21, 2017 (Thawhtanni) hian America ram atangin Ni awk lem (Solar Esclipe) a hmuh theih dawn, he total solar esclipe hi an buaipui luih luih mai le, mi tam tak an chiai a, thenkhatin Bible nen an hmeh bel bawk. Hemi chungchangah hian keini Pathian ringtute erawh chi ai ve lo ila, kan hriatna erawh i ti pung thung zawk ang u.

Vanah Pathianin chhinchhiahna a dah em ni?

Bible atangin chhanna tam tak a awm thei awm e. A hmasain Luka ziak ami chang khat hi thur chhuak lawk ila, “Tin, ni-ah te, thlaah te, arsi-ah te khian chhinchhiahna mak tak tak a lo awm ang a," Luka 21:25

Zawlneite khan thil lo thleng tur tam tak an sawi lawk zingah vana chhinchhiahna hmangin an sawi thin a nih kha. Genesis-ah pawh vanah chhinchhiahna Pathianin a dah thu a sawi nghe nghe. Hei hi Judate phei chuan vawiin thlengin an la chhut a, keini kristian te erawh chuan kan ngaihven ve lem lo.

Matthaia 8:11-13 ah khan Farisai leh Sadukaite khan Isua hnenah khan Amah fiahna atan vana chhinchhiahna an dil a nih kha. Khami tum khan Isua chuan, "Tûnlai mi, mi sual tak leh uire hmang takte hian chhinchhiahna thil mak an zawng ṭhîn a; nimahsela, Jona chhinchhiahna chauh lo chu chhinchhiahna thil mak rêng entîr an ni lo vang,” a ti a.

Enge chhinchhiahna Isuan a sawi chu? Jona hun laia chhinchhiahna a sawi chu enge ni ta ang?

Nghapuiin a dawlh Jona chanchinah khan ni awklem chungchang hian awmzia thuk tak a nei nia sawi a ni thin. Jona'n Ninevi khuaah chanchintha a hril hma chiah khan Ni awklem a thleng nia sawi a ni a. Bible-ah hemi chungchang hi ziak lo mahse lehkhabu tam takah ni awklem avanga chhiatna an pumpelh chungchang ziahlan a ni hlawm.

Ninevi kha vawiinah chuan Mosul tih a ni a, Ashur-Dan III lal lai, June ni 15, 763 BC khan total solar eclipse a thleng. Bible-ah heng zawng zawng hi inziak lo mahse Mosul lehkhabu hluiah a chuang kalh a, ni awklem thlen hnu khan an khaw pum inchhirin Pathian lam an hawi thu ziahlan a ni bawk. History chhui tute pawhin an sawi danin khami tuma ni awklem kha History-a ni awklem hriatreng tawh tur a nih thu an sawi nghe nghe.

Ni awklem hi kan hmu ve nual tawh anga, a lem pum tak erawh hmu kan la tam kher lo maithei. Thla (Moon)-in a hliah tih kan hre chung hian mahniah hian engemaw riau hi a awm tlat a ni. Hmanlai phei kha chuan ni awklem hi engtin nge a thlen tih an la hriat hma kha  chuan a mak dangdai tur zia mai chu. Khatiang khawpa misual khua nisi, ni khat leka an han sim vek thei kha sign an hmuh vang niin Bible zirtute chuan an ngai hlawm. Lal Isua sawi chhinchhiahna chu Ni awklem kha a ni thei angem? A nih a rinawm tak em emna chhan chu a thihni-ah khan chu chhinchhiahna ngei chu vanah a rawn lang ve leh chiah mai le.

Isua khenbeh a nih pawh khan khua a thim a, lir a nghing bawk.

Farisai ten an dil ang chiah chuan Isua khenbeh a nih niah chuan ni a thim ta a. Ziak hrang hrangah khawvel thim chhung hi a inang lova, a thenin darkar thum vel an ti a, a thenin darkar 6 vel an tih laiin ziak dangah phei chuan darkar 9 vel tih a ni hial.

Matthaia ziak hi ring dawn ta ila, "Dâr sâwm leh pahnih aṭanga tlai dâr thum thlengin khawvêl pum pui a thim ta vek a. Tlai dâr thum vêlah chuan Isua chu ring takin a au chhuak a, “Eli, Eli, lema sabakthani” a ti a; chu chu, ‘Ka Pathian, ka Pathian, engah nge mi kalsan?” tihna a ni. Matthaia 15:45-46.

Isua khenbeh a nih lai khan ni awklem a awm ngei nia hriat a ni. NASA-in ni leh thla awklem an chhinchhiahna kan keu chuan, AD 33 April ni 3 khan ni awklem a thleng, Israel ram atanga lang thei niin, chawhnu herah a thleng a, Ni awklem hi a rei berah minute 7 emaw vel lek a ni thin a, hetih lai hian AD 33-a thleng erawh  darkar 2 leh minute 50 lai a ni.

Engpawh nise thil chiang tak lang thei ta chu, ni leh thla leh arsi te hi Pathian chuan hun chhinchhiah nan min hman tir a, chu chu Juda te chuan an ngaihven hle. Farisai te hnena Isuan chhinchhiahna a sawi kha ni awklem hi a nih ngei a rinawm tlat a ni.

Total Solar Eclipse a thlen tum hian thil lian tham khawvelah a thleng nual thin, lir te a nghing a, revolution te a chhuak a, indopui te pawh a chhuak thin bawk. Hetih lai hian thil thleng lian tham sawi tur a awm loh kumte pawh a awm ve bawk.

Kumin hi engatinge an ngaihven em em?

August ni 21 -ah America ram atangin ni awklem a hmuh theih dawn, mipuiin an ngaihven em em, hetiang em ema an ngaihvenna chhan chu Bible hrilhlawkna nia ngaih a nih vang a ni kan ti thei awm e. Ni awklem hi a zawh chiahin Jerusalem atang chuan ni a tla chiah dawn tihna a ni a, chu chu tlai dar 7:16 PM a ni tihna a ni dawn. Ni tlak atangin Juda te chuan  Rosh Chodesh Elul an hmang tan dawn. 'ELUL' chu 'Harvest' tihna a ni a, Harvest hrilhfiahna hrang hrang chu, Thlai thar seng khawm, seng khawm, man khawm, tiin kan sawi thei awm e.

Elul 2017 hi Hebrai te kum 5777 -na thla hnuhnung ber a ni a, kum 2017 leh 5777 hi Hebrai te chuan hrilhlawkna nen an hmeh bel mawi em em a, (Keini Kristiante erawh chuan kan ngai thutak lem lo).

Kum 800 liamta khan Rabbi pakhat Judah ben Samuel chuan hrilhlawkna a nei a, Rabbi Meir Halevi Horowitz pawhin kum 2017 hrilhlawkna a nei ve bawk. (Hemi chungchang hi comment kan nei lawk anga, keini Kristian te chuan kan ring lem lo)

Hetih lai hian thil pakhat chu Thupuan bung 12 hrilhlawkna kha September thla hian a rawn thleng dawn niin heng Rabbi te hian an sawi. Elul hi Hebrai kum 5777 thla tawpna ber a nih chuan September thla hian kum 5778 kum thar a intan dawn tihna a ni a, America rama solar eclipse a thlen atanga ni 33 na chiahah (Chu chu September ni 23) ni leh thla leh arsi bawrkhawmah chhinchhiahna a lang dawn nia sawi a ni.

Van lam chhui mite chuan September ni 23, 2017-ah Virgo arsi bawrkhawm, Sun, Mercury, Mars, Venus, Leo arsi bawrkhawm,  Jupiter leh thla te chuan kum 2000 chuang liam tawha Bible lo sawi lawkte kha an thlen tir dik dawn nia sawi a ni. (Hemi hrilhlawkna chungchang hi vana lang tur a nih chuan hei bak hi sign beisei tur a awm thei lovang, chiang tak a ni e, vana lang tur a ni lo a nih erawh chuan thil dang kan la beisei thei ang). Hun hnuhnung chhinchhiahna atana Pathian hun ruat chu a rawn thleng mek nia sawi a ni bawk.

Hun hnuhnungah chuan Enge rawn thleng dawn? Bible-ah chiang takin a inziak, hei hi chu kan hre vek ang.

Comment : Hrilhlawkna tam tak a awm, thenkhat chuan thil lo thleng tur te nen an hmehbel zung zung bawk a, khawvel tawp hun pawh hi an ring dik lo thin khawp mai. Tun hnai thil lo thleng tur leh hrilhlawkna nena an hmeh bel chungchangah hian 'ka ring e, ring lo e' tih sawi theih ka nei lo. Hemi chungchang ka rawn thur chhuah nachhan ber chu, tunlai titi a ni a, kan ngaihtuahna ti zau atan a nih bakah engtik lai pawha chhiatna emaw Pathian hun ruat emaw tawng thei kan nih avangin mitin ten Pathian thuawih lamah tan i la zual ang ka ti ve mai mai a nih chu.

Thil pakhat mai mai chu Thlarau mite hian thil mak pui pui an rawn puang thin, keini pawla awm ve lem lote tan chuan hriatthiam hi a har thin a, lo nuih emaw mai te hi a awl thin. Bible kan nei a, hetah hian engkim a tarlang, chumi nen chuan en mil zel hi a fuh a ni. September thlaah khawvel a tawp dawn tihna em ni? Tawp awm lo em mai. Heng hrilhlawkna te hi a lo dik tak tak a nih erawh chuan bible-in hun hnuhnung tak tak a tih chu a intan tih kan hre thei dawn tihna a ni zawk.

Comments

Popular posts from this blog

Bible thuruk ngaihnawm

Kumin Good Friday zan khan kan kohhran upa pakhat sermon chuan, " Setana leh a ho ten Isua chu an han kheng bet ta a, Lal Isua a thih chiah khan Setana leh a hote chu hlimin an lam a," a ti a. A dik lo chhiava lutuk khan thil tam tak min ngaihtuah tir ta zawk a. La Isua kha setanate khen beh a ni awkawng lo, setana khan a tir atanga a tawp thlenga dan a tum zawk kha a ni si a. Tichuan Pathian leh setana inbeihna hi khawvel pian hma atangin ka chhiar chho ta a, Bible chhung pawh a hma aiin ka hriat phah ta zawk a. Tichuan keima tawkah Bible thu tluang pangai kara thu ril leh ropui inthupte chu ka hmu thiam ve chho ta zel a.
Khawvel siam hma chanchin thlir kual zuai ila.
Bible chang hrang hrangah hmuhtur a awm a, Isaia 14 : 3-23 kan chhiar chuan chiang takin a inziak. Varparh, zing lam fapa (Lucifer) chu vantirhkoh te zingah chungnung ber ni mahse Pathian anga awm kha  chak ve avangin Vanah indona a ti chhuak a, tichuan chak lo zawkah tangin leiah paih thlak a ni ta a.  Khami za…

Taxi driver nen kan inkawm a

Ruah a sur nasat avangin taxi ka la a, tlan kawngah chuan taxi driver nen chuan kan inkawm ta a.

Two wheeler taxi hian a vawchhe dawn che u em? Tia ka zawhna chu, "Vawchhe khawp ang, a buaithlak dawn khawp mai," tiin min chhang.

Kei chuan heti hian ka sawi ta a, "Office kal nan two wheeler ka hmanna chhan chu taxi fare hi a to em a, hetia mahni motor ka ken hian sum kan saved hnem daih asin.

"Mahse taxi fare hi tlawm deuh selang chuan taxi hi ka hmang nasa ang. Parking vela buai buai hi ka ning a," tiin.

Taxi fare hi tlawm ta se tun ai hian in tlan tam zawk ang em? Tia ka zawhna chu, "Nia, kan tlan tam zawk ang. Tun ai hian kan hlawk zawk pawh ka ring bawk," tiin min chhang.

Kan ti ti chho zel a, kan ngaihdan inang ta em em chu, 'Taxi fare hi tlawm se, mipui hian public transport kan hmang nasa anga, mahni motor hawlchhuah tum kan tlem sawt bawk ang, hei hian traffic jam pawh nasa takin a ti ziaawm dawn a ni,' tih hi a ni.

Premier League vs Inkhawm

Thenkhat tan chuan Zu leh damdawite, sum leh nula te hi an chaklohna a ni. Kei erawh chu Football hi Pathian ka biak min tibuaitu a ni thin.  Kohhran Inkhawm pawimawh Inrinni zan leh Pathian ni zanah hian English Premier League khelh a ni thin. Mizoramah pawh kan buaipui a, kan atchilh a, inkhawm a awm lai chiah chiah hian inkhel hmuhnawm a awm thin bawk si a.

Football atchilh