Skip to main content

Football manager leh player te inkungkaihna


Football manager-te hi club chhungah chuan an thu thin hle a, game an khelh dan tur zawng zawng an ruahman thin bakah club thenkhatah chuan player transfer chungchangah pawh thuneihna an nei thin bawk. Club thenkhatah chuan manager te hian nipui bazara player an duhzawng an sawi a, chung player te chu club hotuten lak tumin theihtawp an chhuah thin.

Football manager hna chungchang hi ram a hrang angin tihdan pawh a hrang ve deuh thin a. England-ah chuan manager te hi club enkawlna kawnga a fung pawimawh tak chelhtu an nih thin laiin ram dangah erawh manager ni lovin football coach pangngai angin an inchhawr mai a, team an practice pui a, game khelh dan tur an ruahman leh a, football game chungchangah chauh an thu a ni deuh mai.

England-ah chuan football manager te hi an thu thin khawp a, team management zawng zawng an buaipui bawk a, player zingah hmasawn lo leh an thawhpui theih lohte chu an thehchhuak hmiah hmiah thei bawk. Player te pawhin team-a tel ve ziah an duh a nih chuan manager-in dan a zam te theihtawpa an zawm a ngai thin. Manager thenkhat chu an strict em em a, mobile phone khawih inkhap chang te pawh an nei hial thin.

Practice hun an nei a, chutah chuan a hun takah kim takin an thleng thin tur a ni. Zan lama khawilai zu inna hmun vela lo lam tlaivar an awm a nih chuan an inhrem thin bawk a. Zial zu an mante pawh na takin an hrem thin bawk. "Kan manager hi kan veng pa a ni a, engang pawhin club-in dan a zam te bawhchhe mah ila kan team-ah hian player tha ber ka ni bawk, chuvang chuan min hnawl thei lo hrim hrim," a tih ngawt theih loh.

Chutiang chuan han ti vaih teh se, anni ang sumdawnna lian club-ah chuan an veng pa pawh manager ni raw sek sek, player tha ber pawh ni raw sek sek, club kalphung a zawm theih loh chuan transfer window a awm hmasak berah an pet chhuak nghal nal nal chiang khawp ang le. Chutianga player tha tak tak pet chhuah tak sawi tur an tam hle. Hetih lai hian player naran thenkhat te, engatinge club liana an tel ve reng theih? Tih zawhna hi a awm thin. An thiamna ngaihtuah chuan kha club ropui-a khelh kha an phu thlawt lo. Mahse an cham ve reng bawk si.

Player naran ni mahse manager-in tihtur a tuk te tha tak takin an hlenchhuak thin a, club-in dan a zamte theih tawpin an zawm bawk, coach in tactic a zam te pawh a nihna ang thlapin ti thei lo mahse an lakah manager a lungawi tlat. Club dan pawh tihsual palh avangin zawm vek loh chang an nei zauh thin bawk ang, an nungchang a that bakah coach-in tihtur a ruat te theih tawpa tihhlawhtlin tum mi an nih avangin chetsual chang nei ve thin mahse an lakah manager ten zahngaihna an lantir thin.

Zoram Kristian te hi Pathianin amah zuitute tana zawm tura a tih zawm peih si lova, Pathian chu hmangaihna a nih thu la vawng hi kan tam lutuk avangin tunah hian kan ramin hma a sawn hleithei lo. Tisual thei lo tawp chu kan ni lo, mihring kan ni a, Pathianin thil tha a sawi, zawm tura min tihte chu kan zawm famkim thei lo. Kan zawm famkim theih loh avanga zawm tum loh tawp erawh a dik bik lo. Theih tawpin zawm kan tum anga, theihtawp kan chhuahna kha Pathian tan rimtui a lo ni dawn a ni.

Zoramah hian Kristian tam hle mah ila Pathian tihna tak tak erawh kan tlachham mek niin a lang. A hmangaihna a nasat em avangin a dan thute chu kan palzam ta ni berin a lang a. Hei hi a pawi em em, kan rin phak bakin a pawi thei tlat a ni. AIDS a darh chak em em a, Pathian hi tih tak tak ilang chuan hetiang em em hian India rama HIV+ darh chakna ram hi kan ni hauh lovang le.

Ni tin zan tin inkhawm thinna ramah hian sawrkar project lian tak tak hlawhchham ta sawi tur a va tam tak em! Sawrkar hnathawk; a te ber atanga a lian ber thlengin mahni phak tawka eiruk kan tum vek emaw tih mai tur a ni a, sumdawng lahin uchuak takin an thil zawrh man an chhiar bawk. Pathian hi zahngaihna ngah tak nia kan sawi lai hian thikthuchhia leh tihbaiawm a nih zia kan hre tha leh duh hauh si lova. Hetiang renga kan kal a nih chuan kan hmabak hi a eng lem lo a ni.

Comments

Popular posts from this blog

Mi Judge zung zung tur hi kan ni em?

Bike exhaust ring tawk nen chak tawkin min rawn tlanpel, a la leu kual zuai zuai zui bawk. Rilru chhungril takah chuan, "Han thal zawr se aw," kan ti ru vawng vawng thin. Han thal tak tak se; pui dawn mah ila kan rilru tak chuan, "I chawh hle mai," kan ti ngei bawk ang le. Kan tan harsatna lian tak thlen chuang lo mahse kan huat hi a tling em em thin.

Hei hi mihring rilru put hmang a ni a, hmeichhe tawngkam takin; kan 'ei' loh zawng tute emaw an han che chhia a, internet leh social networking velah kan han dem rawn luih luih a. Hemi chungchang hi ngun taka kan ngaihtuah a ngai tlat mai.

Kum hnih liamta vel atang khan social networking Mizo community-ah hian kan tawngkam hman hi a danglamin kan duhtui ta lo sawt khawp mai. Hman deuh deuh hovin tutute emaw an rawn thur chhuak a, kan hmelhriat em em pawh ni lo, kan chhungkaw khawsak pawh nghawng miahlote pawh ni mahse kan tawngkam thiam ang tawkin kan han sawisel luih luih bawk a. Cyberbullying te hi sap hovi…

Bible thuruk ngaihnawm

Kumin Good Friday zan khan kan kohhran upa pakhat sermon chuan, " Setana leh a ho ten Isua chu an han kheng bet ta a, Lal Isua a thih chiah khan Setana leh a hote chu hlimin an lam a," a ti a. A dik lo chhiava lutuk khan thil tam tak min ngaihtuah tir ta zawk a. La Isua kha setanate khen beh a ni awkawng lo, setana khan a tir atanga a tawp thlenga dan a tum zawk kha a ni si a. Tichuan Pathian leh setana inbeihna hi khawvel pian hma atangin ka chhiar chho ta a, Bible chhung pawh a hma aiin ka hriat phah ta zawk a. Tichuan keima tawkah Bible thu tluang pangai kara thu ril leh ropui inthupte chu ka hmu thiam ve chho ta zel a.
Khawvel siam hma chanchin thlir kual zuai ila.
Bible chang hrang hrangah hmuhtur a awm a, Isaia 14 : 3-23 kan chhiar chuan chiang takin a inziak. Varparh, zing lam fapa (Lucifer) chu vantirhkoh te zingah chungnung ber ni mahse Pathian anga awm kha  chak ve avangin Vanah indona a ti chhuak a, tichuan chak lo zawkah tangin leiah paih thlak a ni ta a.  Khami za…

Taxi driver nen kan inkawm a

Ruah a sur nasat avangin taxi ka la a, tlan kawngah chuan taxi driver nen chuan kan inkawm ta a.

Two wheeler taxi hian a vawchhe dawn che u em? Tia ka zawhna chu, "Vawchhe khawp ang, a buaithlak dawn khawp mai," tiin min chhang.

Kei chuan heti hian ka sawi ta a, "Office kal nan two wheeler ka hmanna chhan chu taxi fare hi a to em a, hetia mahni motor ka ken hian sum kan saved hnem daih asin.

"Mahse taxi fare hi tlawm deuh selang chuan taxi hi ka hmang nasa ang. Parking vela buai buai hi ka ning a," tiin.

Taxi fare hi tlawm ta se tun ai hian in tlan tam zawk ang em? Tia ka zawhna chu, "Nia, kan tlan tam zawk ang. Tun ai hian kan hlawk zawk pawh ka ring bawk," tiin min chhang.

Kan ti ti chho zel a, kan ngaihdan inang ta em em chu, 'Taxi fare hi tlawm se, mipui hian public transport kan hmang nasa anga, mahni motor hawlchhuah tum kan tlem sawt bawk ang, hei hian traffic jam pawh nasa takin a ti ziaawm dawn a ni,' tih hi a ni.