Skip to main content

Mi Judge zung zung tur hi kan ni em?


Bike exhaust ring tawk nen chak tawkin min rawn tlanpel, a la leu kual zuai zuai zui bawk. Rilru chhungril takah chuan, "Han thal zawr se aw," kan ti ru vawng vawng thin. Han thal tak tak se; pui dawn mah ila kan rilru tak chuan, "I chawh hle mai," kan ti ngei bawk ang le. Kan tan harsatna lian tak thlen chuang lo mahse kan huat hi a tling em em thin.

Hei hi mihring rilru put hmang a ni a, hmeichhe tawngkam takin; kan 'ei' loh zawng tute emaw an han che chhia a, internet leh social networking velah kan han dem rawn luih luih a. Hemi chungchang hi ngun taka kan ngaihtuah a ngai tlat mai.

Kum hnih liamta vel atang khan social networking Mizo community-ah hian kan tawngkam hman hi a danglamin kan duhtui ta lo sawt khawp mai. Hman deuh deuh hovin tutute emaw an rawn thur chhuak a, kan hmelhriat em em pawh ni lo, kan chhungkaw khawsak pawh nghawng miahlote pawh ni mahse kan tawngkam thiam ang tawkin kan han sawisel luih luih bawk a. Cyberbullying te hi sap hovin hrat mahse Mizote tan hi chuan tih em em chi pawh a la ni hrih lo.

Sap ho chu an tam a, maktaduai engemaw zat fe an ni, keini erawh nuai 10 kan pel awrh chauhva, mualpho taka kan siamte hi Zoram mipui hian khawi khua leh veng nge? Tunge a nu leh pa? Tih thlengin kan inhriatsak nghal vek thei bawk si, a tuartu tan chuan a na ngawih ngawih thin reng a ni.

Tlema society nunphung pel leh over deuh han sawisel leh zilh hi chu ram leh hnam hmangaihna atang chuan a tur a ni, hetih lai hian kan hmangaiha; kan zilh duh a nih pawhin a rukin an hnenah sawi thin ni mai se. Inkhel.com-ah pawh hian tihsual leh nuihzattlak deuh deuha ziah sual kan neih chang a awm thin, chungah chuan min hmangaihtu tak takte chuan private message hmangin a dik loh thu min rawn hrilh thin a, kan haw ngai lo, kan lawm em em thin zawk.

Tu pawh hian nungchang tha lo emaw tlema lo che over deuhte emaw hi zilh vek kan tum emaw tih mai tur hian kan sel rawn luih luih a, rilru thianghlim taka miin thil an sawi pawh lakkawih hram kan tum thin bawk. Hei hi tunlai Mizo thalaite nunphung a ni chho ta mek a, a ngaimawhawm khawp mai. Hetih lai hian mipui rilru sukthlek hi thlak a har, he kan rilru puthmang tha lo hi thlak mai chu har deuh mahse thil pakhat tarlang lawk teh ang.

In chhungkaw zingah pakhat hremhmun tla tur nise, a bak zawng vanram kai tur. Chu hremhmun tla tur chu nangma select tur ni bawk se. Tuge hremhmun tla turin i thlan ang?

Kan chhungte; a tupawh mai hi hremhmun tla turin kan duh lo vek. Ka u hi ruihhlo khawih mahse hremhmun tlar tur em chuan ka phal lo, ka nau hian dawtin min bum reng pawh nise ani pawh hremhmun tla turin ka phal lo. Ka farnu hi lepchiahin sawn pali lai pawm tawh pawh nise hremhmun tla tur chuan ka phal lo. Ka pa hi zu heh em em leh mi vuak ching pawh nise ani pawh hremhmun tla tur chuan ka phal bik lo.

Eng ang pawhin sual mahse hremhmun tla tur thutlukna siamtu tur ni ila. Tumah hi tla turin ka duh dawn lo. A chhan chu ka chhungte, ka thisen zawmpui te hi ka hmangaih vang a ni. Chhungte an tlak ai chuan mahni pawh hremhmun tla turin kan in select zawk vek ngei ang.

Miin tual an that a, "Thi ve nghal rawh se," kan ti. Chhiat an tawk a, "An suahsual vang a ni e, Pathian hremna an chungah a thleng ta e,"  kan ti bawk. Mi hi kan judge zung zung thin, mahse Pathian hmangaihna thinlung atang chuan a judgement erawh a dang si. Mizo kan ni, Kristian kan inti vek bawk. Kan nungchang leh kan ngaihtuahna leh kan tawngkam chhuak reng reng hi hmangaihtu Pathian duhzawng a ni em? Tih hi kan ngaihtuah zel tur a ni.

ISUA fiah nân ṭum khat chu Pharisai pakhat chuan: “Zirtîrtu, dân thuah chuan eng thupêk hi nge ropui ber?” tiin a zâwt a. Isua chuan: “Lalpa i Pathian chu i thinlung zawng zawngin, i thlarau zawng zawngin i rilru zawng zawngin i hmangaih tûr a ni,” tih chu “thu pêk ropui leh pawimawh ber,” a ni tih a hrilh a. “A dawttu, a anpui chu hei hi a ni, ‘Nangmah i inhmangaih angin i vêngte pawh i hmangaih tûr a ni,’ tih hi,” tiin a sawi belh bawk a ni.—Mt. 22:34-39.

Thupek ropui ber chu kan zawng zawnga Pathian hmangaih a ni a, a dawttu leh  a tlukpui (equal) chu 'Vengte' hmangaih a ni. Kan vengte chu kan thenawma cheng, kan Mizopui, Mizorama cheng leh kan mihringpui, mifel leh misual thlengin an ni. Kan hmangaihte chu tihmualpho aiin an thatna turin hma kan la zawk thin. Pathian nung ringtu kan nih chuan mite sawisel leh tihmualpho hi kan tihtur a ni ve miah lo tih hi kan hriat a tul. Kan hmuh theih kan unau, kan chenpui leh kan mihringpuite kan hmangaih thei lo a nih chuan 'Pathian ka hmangaih' ti mah ila dawheh mai kan lo ni dawn tihna a ni.


Comments

  1. I blog hi upgrade i duh chuan kan siam sak thei che. Contact: mizolife17@gmail.com

    ReplyDelete

Post a Comment

Popular posts from this blog

Bible thuruk ngaihnawm

Kumin Good Friday zan khan kan kohhran upa pakhat sermon chuan, " Setana leh a ho ten Isua chu an han kheng bet ta a, Lal Isua a thih chiah khan Setana leh a hote chu hlimin an lam a," a ti a. A dik lo chhiava lutuk khan thil tam tak min ngaihtuah tir ta zawk a. La Isua kha setanate khen beh a ni awkawng lo, setana khan a tir atanga a tawp thlenga dan a tum zawk kha a ni si a. Tichuan Pathian leh setana inbeihna hi khawvel pian hma atangin ka chhiar chho ta a, Bible chhung pawh a hma aiin ka hriat phah ta zawk a. Tichuan keima tawkah Bible thu tluang pangai kara thu ril leh ropui inthupte chu ka hmu thiam ve chho ta zel a.
Khawvel siam hma chanchin thlir kual zuai ila.
Bible chang hrang hrangah hmuhtur a awm a, Isaia 14 : 3-23 kan chhiar chuan chiang takin a inziak. Varparh, zing lam fapa (Lucifer) chu vantirhkoh te zingah chungnung ber ni mahse Pathian anga awm kha  chak ve avangin Vanah indona a ti chhuak a, tichuan chak lo zawkah tangin leiah paih thlak a ni ta a.  Khami za…

Taxi driver nen kan inkawm a

Ruah a sur nasat avangin taxi ka la a, tlan kawngah chuan taxi driver nen chuan kan inkawm ta a.

Two wheeler taxi hian a vawchhe dawn che u em? Tia ka zawhna chu, "Vawchhe khawp ang, a buaithlak dawn khawp mai," tiin min chhang.

Kei chuan heti hian ka sawi ta a, "Office kal nan two wheeler ka hmanna chhan chu taxi fare hi a to em a, hetia mahni motor ka ken hian sum kan saved hnem daih asin.

"Mahse taxi fare hi tlawm deuh selang chuan taxi hi ka hmang nasa ang. Parking vela buai buai hi ka ning a," tiin.

Taxi fare hi tlawm ta se tun ai hian in tlan tam zawk ang em? Tia ka zawhna chu, "Nia, kan tlan tam zawk ang. Tun ai hian kan hlawk zawk pawh ka ring bawk," tiin min chhang.

Kan ti ti chho zel a, kan ngaihdan inang ta em em chu, 'Taxi fare hi tlawm se, mipui hian public transport kan hmang nasa anga, mahni motor hawlchhuah tum kan tlem sawt bawk ang, hei hian traffic jam pawh nasa takin a ti ziaawm dawn a ni,' tih hi a ni.

Pathian hi a awm tak tak em?

Damdawi inah damlo kan awmpui a, ka thianpa nen chuan verandah-ah chhuakin hrisel hlutziate kan sawi dun a. Chutia kan titi mawlh mawlh lai chuan ka thianpa chuan, "A nih leh, Pathian awmpuina hi i tawng tak tak tawh em? Nangmahah Pathianin a awmpui ngei che tih hriatna engemaw thil tawn i nei tawh em?" tiin min zawt thut.

Ka nu hi tawngtai mi a ni a, awlsam takin kei chuan, "Aw tawng tawh e, ka nuin ka dam loh chang hian min tawngtai sak thin a, ka dam thin," tiin ka chhang. A ngawi vang vang a, "A nih leh damdawi a eitir thin tho che em?" Tiin min zawt leh, kei chuan min eitir thin thuin ka chhang. Chutah ka thianpa chuan, "Nachhawkna khan a chhawk lawk lo che a, tichuan i nuin a tawngtai che a, a tawngtai zawh rual chein nachhawkna chuan a chhawk ta thin che a nih chu," min ti a.

A nih duh hmel hi ka ti ta khawp mai a, a dang ka ngaihtuah leh a, "Lungleia ka kal dawnin car ka khalh a, tawngtaina hmunah keimahin ka tawngtai. Chutih lai c…