Skip to main content

Vanramah kal ila; Pathian ka zawh chak deuh deuh te chu


Whatsapp Message a rawn ri a, ka'n hawn chuan, "Tunah hian vanramah kal ta la, Pathian chuan i hriat chak zawng zawng hrilh dawn ta che selang, eng nge i zawh ang?" tih ringawt hi ka thianpa chuan min lo thawn. Mut ka tum mek lai a ni a, nula min good night-na message mawi tak a nih ka rin vei nen, chhang lem lo chuan ka khup chhunzawm ta mai a.

Muthilh ka tum mek lai chuan chu zawhna chuan ka rilru a luah ta tlat mai.  Phone notepad ka hawng a, Pathian ka zawh chak deuh deuh list ka chhu tan ta mawlh mawlh a. Chung zawhna te chu khawvel mithiamte pawhina an chhan theih loh thil vek a ni. Ka list ziah dan indawtin :


1. Big bang hi i thlen tir tak tak em? Universe hi engtia upa nge?
2. Universe hian tawp chin a nei em?
3. Khawvel hi engtia upa nge? Dinosaur te hi Bible-ah a inziak tel mang bawk si lova, mahse a ruhro vel kan hmu teuh sia, mihring i siam hma hian khawvelah hian heng thilnungte hi rei tak an lo awm tawh tihna ami?
4. Mars-ah hian hman laiin nunna a lo awm tawh thin em?
5. Khawvel hmun dangah hian nunna i siam em?

Ziah zawm zel ka tum lai chuan ka ngaihtuahnaah hei hi a rawn lang thut mai. Heng zawhna ka neih zawng zawngte hi ka hriat chak em em vek ni mahse heng zawng zawng aia hriat chak pakhat ka nei, chu chu hei hi a ni.

"Nang Pathian ropui leh engkim siamtu, a bul leh a tawp i ni a, keini erawh mihring i siamte mai chauh kan ni. Engvangin nge heti fako a min hmangaih ni?" tih hi.

Comments

Popular posts from this blog

Bible thuruk ngaihnawm

Kumin Good Friday zan khan kan kohhran upa pakhat sermon chuan, " Setana leh a ho ten Isua chu an han kheng bet ta a, Lal Isua a thih chiah khan Setana leh a hote chu hlimin an lam a," a ti a. A dik lo chhiava lutuk khan thil tam tak min ngaihtuah tir ta zawk a. La Isua kha setanate khen beh a ni awkawng lo, setana khan a tir atanga a tawp thlenga dan a tum zawk kha a ni si a. Tichuan Pathian leh setana inbeihna hi khawvel pian hma atangin ka chhiar chho ta a, Bible chhung pawh a hma aiin ka hriat phah ta zawk a. Tichuan keima tawkah Bible thu tluang pangai kara thu ril leh ropui inthupte chu ka hmu thiam ve chho ta zel a.
Khawvel siam hma chanchin thlir kual zuai ila.
Bible chang hrang hrangah hmuhtur a awm a, Isaia 14 : 3-23 kan chhiar chuan chiang takin a inziak. Varparh, zing lam fapa (Lucifer) chu vantirhkoh te zingah chungnung ber ni mahse Pathian anga awm kha  chak ve avangin Vanah indona a ti chhuak a, tichuan chak lo zawkah tangin leiah paih thlak a ni ta a.  Khami za…

Taxi driver nen kan inkawm a

Ruah a sur nasat avangin taxi ka la a, tlan kawngah chuan taxi driver nen chuan kan inkawm ta a.

Two wheeler taxi hian a vawchhe dawn che u em? Tia ka zawhna chu, "Vawchhe khawp ang, a buaithlak dawn khawp mai," tiin min chhang.

Kei chuan heti hian ka sawi ta a, "Office kal nan two wheeler ka hmanna chhan chu taxi fare hi a to em a, hetia mahni motor ka ken hian sum kan saved hnem daih asin.

"Mahse taxi fare hi tlawm deuh selang chuan taxi hi ka hmang nasa ang. Parking vela buai buai hi ka ning a," tiin.

Taxi fare hi tlawm ta se tun ai hian in tlan tam zawk ang em? Tia ka zawhna chu, "Nia, kan tlan tam zawk ang. Tun ai hian kan hlawk zawk pawh ka ring bawk," tiin min chhang.

Kan ti ti chho zel a, kan ngaihdan inang ta em em chu, 'Taxi fare hi tlawm se, mipui hian public transport kan hmang nasa anga, mahni motor hawlchhuah tum kan tlem sawt bawk ang, hei hian traffic jam pawh nasa takin a ti ziaawm dawn a ni,' tih hi a ni.

Pathian hi a awm tak tak em?

Damdawi inah damlo kan awmpui a, ka thianpa nen chuan verandah-ah chhuakin hrisel hlutziate kan sawi dun a. Chutia kan titi mawlh mawlh lai chuan ka thianpa chuan, "A nih leh, Pathian awmpuina hi i tawng tak tak tawh em? Nangmahah Pathianin a awmpui ngei che tih hriatna engemaw thil tawn i nei tawh em?" tiin min zawt thut.

Ka nu hi tawngtai mi a ni a, awlsam takin kei chuan, "Aw tawng tawh e, ka nuin ka dam loh chang hian min tawngtai sak thin a, ka dam thin," tiin ka chhang. A ngawi vang vang a, "A nih leh damdawi a eitir thin tho che em?" Tiin min zawt leh, kei chuan min eitir thin thuin ka chhang. Chutah ka thianpa chuan, "Nachhawkna khan a chhawk lawk lo che a, tichuan i nuin a tawngtai che a, a tawngtai zawh rual chein nachhawkna chuan a chhawk ta thin che a nih chu," min ti a.

A nih duh hmel hi ka ti ta khawp mai a, a dang ka ngaihtuah leh a, "Lungleia ka kal dawnin car ka khalh a, tawngtaina hmunah keimahin ka tawngtai. Chutih lai c…