Skip to main content

Bible hi a rintlak tak zet em?


Roman Catholic chuan Bible-ah hian bu 73 an nei a, keini chuan 66 chiah kan nei. Tobit, Judith, Esther, Maccabees 1&2, Baruch, Wisdom leh Sirach te hi Apocrypha tiin kan sawi thin a, heng hi Bible atangin Martin Luther khan a paih nia sawi a ni.

Thuthlunghlui lam an ni a, 16th Century khan Luther khan a ngaihdanin a paih a ni deuh ber mai. 90 AD-a Jewis Council of Jamnia khan heng lehkhabute kha Canon bible zingah an pawm loh avangin Luther hian a pawm lo an ti bawk. Mahse 300 AD vela  Council of Nicea khan Bible atan a pawm a, chutih laiin keini Protestant hian kan pawm ve ta lo a ni. Daniel-a buah pawh chapter 2 leh Esther bua chapter 7 ngawt paih a ni bawk.

"21st century christian believe the word of God is a book edited in the 17th century from 16th century translations of 8000 contradictory copies of 4th century scrolls that claim to be copies of lost letters written in the 1st century," Hei hi atheist tena tunlaia Protestant ten kan rin ber KJV Bible an sawiselna a ni a, KJV kha nasa taka phuahchawp nia sawi a ni nghe nghe.

Heng Bible history tawite kan han tarlan atangte pawh hian Bible hi nasa taka siksawi a lo ni tawh tih a hriat a, chhui nasat phei chuan thenkhat tan chuan han pawm bur pawh hi a har maithei a ni. History chhui nan leh Science nena hmehbel tum phei chuan he lehkhabu hi hman tlak a ni lova, Queen Mary II lawng lian khan mihring 4,309 a phur thei, kha lawng lian Queen mary II hmun thuma thena hmun khat chiah vela lian Nova lawngin khawvela thilnung chi hrang hrang chi nuai 70 chuang a phur thei kha chu thil mak tak a ni thlawt. Civilization hrang hrang chanchin a ziah danah pawh Hebrai ho kamchhuak a nih avangin thenkhat chuan a bias an ti nghe nghe thin bawk.

Bible chungchang, a lo chhuah dan leh an remkhawm dan leh an paih then dante i chhui a; i chhiar nasa a nih chuan; a chang chuan Kristiante Bible hi a rintlak dawn em ni le? I ti vawng vawng thin maithei a ni. A ziaktute hi mihring ve mai an ni hlawm a, an tawng hman lah tawng hlui Hebrai leh Greek tawngte a la ni zui, an han let kual chho a, leh fuh tawk loh leh famkim tawk lohna chu a awm chiang ang le. Chutih laiin hei hi han ngaihtuah ta la, Sakhaw lian dang lehkhabu thenkhat Quran leh Mahabarata/Vedas te hi an hal dur dur chang chanchintharah i hmuin i chhiar ngai em? Bible aia hal hnem lehkhabu hi khawvelah a awm kher lo maithei a ni.

Tin, sakhuana history hi chhiar ila, Kristiante leh kan Pathian ringtute aia nghaisak tawk nasa sakhaw dang hi an vang khawp a nia. Keini ai hian kan rinna leh kan lehkhabu thianghlim hi sakhaw dang ho hian a ropui zia an lo hre chiang daih zawk niin a lang tlat mai. Hengte atanga lang chiang tak chu kan Bible hi 'Pathian inpuanna leh Pathian thawkkhuma ziak a ni' tih hi a ni.

Bible-ah hian hmanlai chanchin mak deuh deuh a tam khawp mai, thenkhat chuan hengte hi chhui chiangin science nena hrilhfiah an tum thin. Hei hi thil pawimawh ber erawh a ni hauh lo mai. Bible-in puanchhuah a tum ber zawk chu, Lal Isua Krista chhandamna thu leh mihringte inhmangaih tlang taka nung tura Pathianin min duhna thuziak dahkhawmna a ni a, chumi chu hre reng chungin chhiar ila, zawm bawk ila.

Comments

Popular posts from this blog

Bible thuruk ngaihnawm

Kumin Good Friday zan khan kan kohhran upa pakhat sermon chuan, " Setana leh a ho ten Isua chu an han kheng bet ta a, Lal Isua a thih chiah khan Setana leh a hote chu hlimin an lam a," a ti a. A dik lo chhiava lutuk khan thil tam tak min ngaihtuah tir ta zawk a. La Isua kha setanate khen beh a ni awkawng lo, setana khan a tir atanga a tawp thlenga dan a tum zawk kha a ni si a. Tichuan Pathian leh setana inbeihna hi khawvel pian hma atangin ka chhiar chho ta a, Bible chhung pawh a hma aiin ka hriat phah ta zawk a. Tichuan keima tawkah Bible thu tluang pangai kara thu ril leh ropui inthupte chu ka hmu thiam ve chho ta zel a.
Khawvel siam hma chanchin thlir kual zuai ila.
Bible chang hrang hrangah hmuhtur a awm a, Isaia 14 : 3-23 kan chhiar chuan chiang takin a inziak. Varparh, zing lam fapa (Lucifer) chu vantirhkoh te zingah chungnung ber ni mahse Pathian anga awm kha  chak ve avangin Vanah indona a ti chhuak a, tichuan chak lo zawkah tangin leiah paih thlak a ni ta a.  Khami za…

Taxi driver nen kan inkawm a

Ruah a sur nasat avangin taxi ka la a, tlan kawngah chuan taxi driver nen chuan kan inkawm ta a.

Two wheeler taxi hian a vawchhe dawn che u em? Tia ka zawhna chu, "Vawchhe khawp ang, a buaithlak dawn khawp mai," tiin min chhang.

Kei chuan heti hian ka sawi ta a, "Office kal nan two wheeler ka hmanna chhan chu taxi fare hi a to em a, hetia mahni motor ka ken hian sum kan saved hnem daih asin.

"Mahse taxi fare hi tlawm deuh selang chuan taxi hi ka hmang nasa ang. Parking vela buai buai hi ka ning a," tiin.

Taxi fare hi tlawm ta se tun ai hian in tlan tam zawk ang em? Tia ka zawhna chu, "Nia, kan tlan tam zawk ang. Tun ai hian kan hlawk zawk pawh ka ring bawk," tiin min chhang.

Kan ti ti chho zel a, kan ngaihdan inang ta em em chu, 'Taxi fare hi tlawm se, mipui hian public transport kan hmang nasa anga, mahni motor hawlchhuah tum kan tlem sawt bawk ang, hei hian traffic jam pawh nasa takin a ti ziaawm dawn a ni,' tih hi a ni.

Pathian hi a awm tak tak em?

Damdawi inah damlo kan awmpui a, ka thianpa nen chuan verandah-ah chhuakin hrisel hlutziate kan sawi dun a. Chutia kan titi mawlh mawlh lai chuan ka thianpa chuan, "A nih leh, Pathian awmpuina hi i tawng tak tak tawh em? Nangmahah Pathianin a awmpui ngei che tih hriatna engemaw thil tawn i nei tawh em?" tiin min zawt thut.

Ka nu hi tawngtai mi a ni a, awlsam takin kei chuan, "Aw tawng tawh e, ka nuin ka dam loh chang hian min tawngtai sak thin a, ka dam thin," tiin ka chhang. A ngawi vang vang a, "A nih leh damdawi a eitir thin tho che em?" Tiin min zawt leh, kei chuan min eitir thin thuin ka chhang. Chutah ka thianpa chuan, "Nachhawkna khan a chhawk lawk lo che a, tichuan i nuin a tawngtai che a, a tawngtai zawh rual chein nachhawkna chuan a chhawk ta thin che a nih chu," min ti a.

A nih duh hmel hi ka ti ta khawp mai a, a dang ka ngaihtuah leh a, "Lungleia ka kal dawnin car ka khalh a, tawngtaina hmunah keimahin ka tawngtai. Chutih lai c…