digimalt

Let There be love

2012-02-12T05:32:00.000-08:00

Valentines day chu naktip lawk a ni ta a, kum dang ang bawkin dam taka kan awm chuan Mizoramah pawh kan hmang leh ngei ang. Engtik atang chiah khan nge V.Day hi Mizoramah kan hman ve tan tih erawh sawi a har angreng khawp mai. A rawn chhuah dan leh hnampui lamten engtin nge an hman tih lam chu kum tin deuh tho hian daily newspaper ah an rawn ziak thin, ziah nawn angai tawh awm love. V. Day hi tute tan nge ? Engtia hman tur nge ? Tih lam hi kan hre khingbai deuh tlat niin alang. Tute tan nge ? Engtia hman tur nge ?Hemi ni hian Enge kan sawi ang ? Tih te tarlang ta ila.

Mizoramah chuan a mi nawlpui ngaihdan chu V.Day hi inngaizawng, nula leh tlangval leh tleirawlte tan chauh niin kan ngai niin a lang. La urhsun tak tak chu anni age group ho hi chu an ni chiang khawp. Kumtinin, V.Day thlen hma atangin Archies leh Hallmark card te chu hralh a kal em em a, rose sen leh present eng engemaw neuh neuh hralh a kal thin khawp mai. Henga phusa ber hi kan sawi zawh tak nula, tlangval leh tleirawlte an ni tlangpui. Hengte avang hian anni tan hian V.Day hi siam a ni e,..te pawh ti ila kan sawi sual tam lovang.

V.Day kan hriat dan a chunga kan tarlan dan hi a mi nawlpui hriat dan a ni a, hei hi paih a tha ka ti khawp mai. V.Day hi a nihna takah chuan Hmangaih neite tan leh neilote tan pawh hmangaihna lanchhuah tirna Ni a ni. Nulat tlangval laia hmangaih thu inhrilh chamchi a, an han innei ta cheng a, hmangaih thu inhlan tawh ngailo nupa an awm teuh mai. Hei hi a nih dan tur a ni lo. Chuvang chuan V.Day ah hian nupa pawhin an inhmangaih thu inhlan nawn leh se, tin, kan Pathian thuin, Thu chauhva inhmangaih loh tur min tih angin thil pek inpekte hi a va mawi dawn tak em.

Ngaihzawngte chauh hi hmangaih tur emaw kan ti thin, Bible in min zirtir dan chuan keimahni kan inhmangaih ang bawkin kan vengte pawh kan hmangaih tur a ni tih min hrilh. Chuvang chuan V.Day ah hian kan thiante, kan unau te leh kan thenawm khawvengte V.Day duhsakna tawngkam emaw message hlan hi kan tih tur a ni.

Kan hnathawhna, nitin kan office ah, kohhrana kan rawngbawl puite leh kan hmelma te hnenah V.Day hian kan hmangaihna kan hlan tur a ni. Hmangaihna chauh lo chu tuma engmah ba lo turin kan Bible chuan min hrilh a, Kristian tum reng, Kirstian kawm nuam lo an awm tur a ni lo. chuvangin V.Day -ah hi chuan mite tana hnawksak nih tum lo ila, mite tanpui nan leh thlamuan nan hun kan hmang tur a ni.

Mizo hi kan mak khawp mai a, ka nu ka hmangaih che, ka pa ka hmangaih che, bawiha ka hmangaih che. Unua nu, unau pa, ka hmangaih che.. thianpa, thian nu ka hmangaih che tih tawngkam hi kan chhak chhuak khat khawp mai. Hetah hian Mizo ten zirtur pawimawh tak kan nei. Sap ho chu an zin tur inthlah te hi an inhmangaih thu an inhrilh mawlh mawlh thin a, mizote hi engatinge kan sawi zah tlat thin aw..kan tih than loh vang ni maiah ka ngai. Practise ila, kan ti chho ve thei mai ang. Thu chauhva inhmangaih loh tur kan ti a, hmangaihna thu pawh kan sawi chhuah loh phei phei chuan engtin nge kan inhmangaih theih ang.

A tawp berah chuan, Valentines Day hi mizawng zawng tan a ni a, kan ngaihzawng, thian, unau, rawngbawlpui, hnathawhpui , hmelma leh thenawm khawvengte laka hmangaihna kan lantirna ni a ni. V.Day hlim takin i hmang dawn nia.

Virus Clean Hmasa phawt la

2012-01-14T10:22:00.001-08:00

Computer lam hi chu risk huai ve tak ka ni thin a,kan thianpa sawi hi ka bengah a cham reng a, "Computer ah chuan a pawimawh lai hriat i duh chuan han delete pup pup la, a pawimawh i delete chuan a thi hmuk mai ang," tih hi a ni a. Rawn tur hi khang hun lai kha chuan an tam lo ve em bawk a, kan rawn ber pawhin khang chauh kha min hrilh a nih chuan a mangan thlak a, mahnia inhai tak tak a ngai thin. Windows set up a ngaih te khan dawra Rs 800 chuang sen ai chuan mahnia Boot disc/start up disk neiha tih ve mai kha a tha zawk... tiin kan risk ve nasa a nih kha.

Tichuan virus eng eng emaw a rawn chhuak thar zel a, Windows load that a ngai ta thin. Chung hunah chuan main drive kan han format pawp a, kan load ta thin kha a ni a. Mahse kan load that hnu rei loteah a rawn muang leh emaw virus khan eng tin tin emaw a lo tibuai leh thin a. Virus luhna turin engmah kan input si lova, a mak kan ti thin em em.

Drive dang ami kha kan format telve si lova, main dirve pawh kha load tha mah ila, drive dangami kha reilote hnuah a rawn lut leh thin kha a lo ni a. Kan hriatchhuah hnuah kha chuan Virus kha Antivirus -in kan clean hmasa ta phawt a, Windows lo corrupt a nih chuan kan load tha ta chauhva. Tichuan Virus kan clean thin ta a ni.

Hetiang chiah hi a ni a, Kan pianthar changte hian simna tel lovin, kan piang thar (Windows kan load tha) ve ringawt zel a. Keimahnia sual paipawn (Virus) kha tifai hmasa lovin piangthar inti chuan Biak inah te kan inkhawm a, kan zaikhawm a. Mahse rei kan daih thei lo. Drive danga virus la awmin Windows system 32 a rawn luchilh leh tho tho ang khan kan sual paipawn chuan kan nun chu reiloteah a rawn thlak leh ta a. Computer a muang ruih a, a hmantlak loh ta hial ang khan kan chauva, kan tlu leh ta mai thin a ni.

Chuvang chuan Isua kan zui duh a nih chuan keimahniah sual thlauhthlakna/ hnawlna a awm tur a ni.

Bible thuruk ngaihnawm

2011-12-23T03:22:00.000-08:00

Kumin Good Friday zan khan kan kohhran upa pakhat sermon chuan, " Setana leh a ho ten Isua chu an han kheng bet ta a, Lal Isua a thih chiah khan Setana leh a hote chu hlimin an lam a," a ti a. A dik lo chhiava lutuk khan thil tam tak min ngaihtuah tir ta zawk a. La Isua kha setanate khen beh a ni awkawng lo, setana khan a tir atanga a tawp thlenga dan a tum zawk kha a ni si a. Tichuan Pathian leh setana inbeihna hi khawvel pian hma atangin ka chhiar chho ta a, Bible chhung pawh a hma aiin ka hriat phah ta zawk a. Tichuan keima tawkah Bible thu tluang pangai kara thu ril leh ropui inthupte chu ka hmu thiam ve chho ta zel a.

Khawvel siam hma chanchin thlir kual zuai ila.

Bible chang hrang hrangah hmuhtur a awm a, Isaia 14 : 3-23 kan chhiar chuan chiang takin a inziak. Varparh, zing lam fapa (Lucifer) chu vantirhkoh te zingah chungnung ber ni mahse Pathian anga awm kha chak ve avangin Vanah indona a ti chhuak a, tichuan chak lo zawkah tangin leiah paih thlak a ni ta a. Khami zawhah khan Pathian leh setana inbeihna hi chu la tawp mai lova, a intan dawn chauh zawk a ni.

Mihring siam a nih chhan

Van angelte chu Pathian fak tur hrim hrima siam, Programed an ni a, an nin an fak khan Pathian ropuina a la famkim lo. Chutah rilru nei, chhia leh tha hriatna nei, mahni duh thua fak a, duh loh chuan sawi chhe bawng bawng thei thlarau hrang nei Mihring a siam ta a. Chutah chiah chuan Pathian ropuina chu tihfamkimin a lo awm ta a ni. Kan hriat tel mai mai tur chu mihring hi alo ropui thlawt a ni, thlarau hrang nei kan ni a, kan chhia leh tha hriatna hi Pathian leh setana pawhin min zahsak a, min ti lui ngai lo a ni.

Mihring sualah a tlu

Kan hre theuhva, Eden huanah Evi leh Adama te khan Pathian duh loh zawng an ti a, Pathian leh mihring inkar chu a lo chat ta a nih kha. Engatinge Setana kha khalai hmunah khan a lo awm ve theih ? tih zawhna hi kei ngei pawhin ka zawt thin. Setana kha Van khawpui atanga paih chhuah anih hnu khan zalenna pek a ni a, kan universe ah hian a duh duhnaah a kal kual thei a ni. Khawvelah pawh khan a rawn kal ta ngei a, a tum ber chu Pathian rilru tihnat a ni. Chutah Pathian khan mihring a siam danah khan chhia leh tha hriatna, duh thlan theihna kha a dah kher kher bawk si a, kha vang khan setana pawh kha paih chhuak lovin, duhthlanna hmang mai turin Evi leh Adama kha a dah a ni.

Khawvel hi Setana Lalram a ni

Engtik lai atang chiah khan nge khawvel hi setana ta a ni tih sawi a har khawp mai. Van indoa chaklo zawka a tan khan, leia paih a nih thu kan hmu a, khata tang khan nge ? Evi leh Adama a tlem zawh a, Pathian leh mihring inkar chhutchah a nih atang zawk khan ?. Engpawh nise thuthlung hlui hun chhung kha chu khawvel hi setana lal ram ani kan ti thei awm e. Isua pawh khan a pawm thlap tlap.

Johana 18:36 ah khan Pilata khan Isua kha Lal i ni em ? tiin a zawt a, Isua chuan chhangin," Ka ram chu he khawvela mi hi a ni lo; ka ram chu he khawvela mi hi ni sela, ka thuihruaiten an bei ang, Juda-te hnena peka ka awm loh nan; nimahsela ka ram zawng heta mi hi a ni lo," tiin.

Johana 12:31 ah khan, Khawvel kha ngaihtuah lai a nih thu leh, Korss lera a thih hnuah lal ram a lak kir leh tur thu a sawi. Luka 4:5-6 ah pawh, Setana khan Isua a tlem a, amah chibai buk tur leh a buk a nih chuan khawvel lal a nih theih tur thu a hrilh. Khami tum pawh khan Isua khan setana lal ram a ni tih a pawm. Heng bible chang hmun thum ka rawn tarlan atang ringawt pawh hian khawvel kha setana lal ram a ni tih kan hmu a ni.

Mihring tlarau chu boral tur a ni

Mihring chuan Pathian thu an awih tak loh avang leh setana an zawm tak avang chuan hrem an ni dawn ta a, mihring chuan Pathian ram an lut thei dawn ta lo. Chuti a nih chuan rorelna a awm hunah an hotupa setana hovin chatuan meipuiah paih an ni dawn tihna a ni ta a. Pathian chuan khatia mihring a siam ta leh suala an tlu ta kha pawi a tiin, a inchhir ta em em a. Setana kut ata lak let leh kha a tihmakmawh a ni a, hetah hian hmangaihna vang a ni kan ti thin, a dik lutuk, mahse kei chuan a tih makmawh a ni ka ti ve tlat, a ta kan ni si a. Mihring chhanchhuak tur chuan vanah ro an rel ta mup mup mai ta a.

Mihring chhanchhuahna hna hautak

Thupuang 5:1-14 .. Sual neilo thisen a chhuah phawt loh chuan mihring chu chhanchhuah an nih loh tur thu lehkhabu thianghlima ziaka dah a lo ni tawh bawk si a, mihring chhanchhuak tur chuan Lal Isua chauh lo chu midang an awm ta lo. Van indona hial chawk chhuak thei khawpa thil ti thei setana khan nasa takin a lo tibuai dawn tih an hre lawk vek. Chuvang chuan ruahmanna fel tak an neita a, mihring thlarau chhanchhuak tur chuan van a inpeih ta.

Setana'n Messia a lo chang

Judate lehkhabu thianghlimah khawvel chhandam a nih tur thu ziak a awm nual, chuvang chuan setana pawhin mihringte chhanchhuahna tura ruahmanna a awm tih a hrethiam. Lal ram hrang hrang, Persia lal ram te, Assuria lal ram te, Babulon lal ramah te leh hmasang lal ram lian tak atangin Messia, nausen a a rawn piang tur chu a lo chang a, lal ina a piang anih ngah chuan tih hlum nghal a tum ran a. A tihlum thei a nih ngat chuan khawvelah hian chatuanin ro a rel anga, mihring thlarau zawng zawng deuhthaw chu a ta an ni dawn si a.

Engatinge ranin kher pian nan a rawn thlan ?

"Inngaitlawmin ran thleng a rawn bel a," te kan ti thin , a dik lutuk tho. Mahse a nihna takah chuan setana chan loh khanah Messia kha pian tirin a awm zawk a ni. Isaia ziakah (Isaia 9:6-7) chuan ropui taka rawn kalin, hmelmate zawng zawng pawh hneh sak turin a inziak a. , Isaia, Jeremia, Deuteronomy, Hagaia, Hosea leh Pathian thu ziakna engemaw zatah chuan Chhandamtu lo pian tur thu tarlan a ni. Mahse a hun leh ni tur chu engmah a tarlang lo. Mahse Mika 5 : 2 ah chuan “Nimahsela, nang Bethlehem Ephratha, Juda rama sang tam tak zingah te hle mah la, I lak atang hian Israel-ho roreltu tur chu ka tan a lo chhuak ang”, tih a inziak a, kha vang khan Heroda lal in atang khan Setana khan Messia kha a lo chang tawp ringawt mai a nih kha.

Engatinge setana chu an hlauh em em ? Kan ti a ni maithei..Pathian chuan a hlau awkawng lo, Pathian chatuan thiltum chu tihhlawhtlin a ni tho tho dawn. Mahse setana hi thil tithei tak, van indona pawh chawk chhuak a, Pathian meuh pawh paih thlak tumkha a ni a, chuavang chuan mihring chhanchhuahna mission ah hian a hnawksak ve tawk dawn tih hriat lawk a nih avangin buaina tam tak pumpelh nan Isua kha thuhruk zawk a ni.

Setana a mangang (Mathaia 2:1-15)

Aries ah khian Jupiter a awm hian Rome ho chuan chhinchhiahna a ni tiin, lal thar a piang thin an ti. Khatih lai vel khan Aries huam chhungah khan Ni leh thla leh Jupiter te kha inhnaih tak takin an awm mai bakah khawchhak atanga khawthlang lam hawiin a chhuk thla a , kha arsi kha khawchhak mifing kan tihte khan an rawn zui a ni e an ti a. Mahse midang chuan kha arsi eng kha ni lovin, arsi danglam tak, chhinchhiahna, Messia piang tur chhinchhiahna bik liau liau arsi khatih lai khan khawchhak atangin khawthlang zawngin a kal thla an ti a. Engpawh nise, setana leh a hote pawhkhan arsi danglam tak kha an hmu ve chiang. Messia a rawn piang dawn a niang tiin a buai khawp mai. Mahse Heroda inah khan naute piang tur kha a awm si lova, setana a mangang khawp mai. Kan hriat mai mai tur chu, Heroda kha setana inlarna a ni.

Khawchhak mifingte hruai pen an ni

Chutia mangang em em a an awm lai chuan Khawchhak mifing ten Heroda lal ram an rawn rap tih an hriat mai bakah, Lal thar chibai buk turin an kal a ni tih an hria. Khatah khan mifingte khan anmahni remhriatna hmanga heroda in pan an nih ka ring chiah lo. Setana'n an rilruah hna a thawk a nih loh pawhin Heroda khan a mi leh sate chu khang mifing te a in kawhhmuh turin a ti pawh a ni thei. Tichuan mifingte chuan Heroda lal in an lut ta a, heroda chuan "Kal ta ula, naute thu chu dilchhut takin zawt chhuak rawh u; tin, kei pawhin amah chu chibai ka rawn buk ve theih nan", tiin a chah anih kha.

Nausen kum 2 hnuailam suat a ni (Matthaia 2:16-18)

Mifingte kawng dangah an hawng leh ta daih si a, setana chu a mangang ta a, tichuan nausen mipa kum 2 hnuailam tawh phawt chu a rawt chimit ta a nih kha. Ran ina a pian ringawt pawh khan nausen tam takin an thih phah a, lal ram dang inah emaw piang selang chuan indona rapthlak tak pawh a thleng thei a ni. Setana bumna ni pah fawmin Isua kha a biru thei ang berah pian tir a ni ta zawk. Nausen khati zozai kha that mahse Chungnung bera Pathian ropui fapa a nih miau avangin Isua kha thah a la inring chiah lo, tichuan Isua ni thei awm kha a zawng chhunzawm ta zel a.

Isuan a naupan laiin Power a nei lo

A naupan lai khan Isua kha a fing em em tih kan hria(Luka 2:39-52), mahse thiltihtheihna a hmang chhuak lo. Kha kha enge a chhan ? A chhan tak chu mihring pangai a ni a, Pathian a ni bawk a, a thiltihtheihna kha hmang ta selang chuan kum 16 velah celebrity a ni anga, mipuiin an zui nguah nguah anga, setana pawhin a rawn hre chhuak anga, a puitlin hmain Pathian chhanchhuahna Mission kha a tlawlh palh a hlauhawm tlat mai. A puitlin hnua, a thih dawnah pawh khan (Luka 22:42) Gethsemane huanah "Kapa he no hian mi pel lul rawh se", tiin a tawngtai thlawt a nih kha. Khami tuma chhandam kan nih loh theuh ziah kha aw... A puitlin hnu pawh khan khati khawp khan a hreh chuan, a naupan laia setana tihbuai tura dah kha chu a chi loh khawp ang.

Baptistma a chan khan setana khan a rawn zuan leh chat

Kum 30 a tling chho ta a, rawngbawlna a tan dawn. Chutah Baptistu Johana hnehah Baptist a ni ta chiah a, khatah chiah khan setana khan a rawn zuan leh ta chat mai. Ni 40 leh zan 40 thlalerah chaw ngheiin a chhuak a, khatah khan vawi thum lai setana thlemin a awm a nih kha (Luka 4). Tichuan rawngbawl chhovin,kalvari lam, a thihna tur chu a pan chho ta a.

Setana'n Kalvari kawng dal a tum dan langsar deuh deuh pathumte

1. Setana khan a hman theih apiang a hmang ani ber mai. A zirtir rinawm Petera ngei pawh hmangin, Matthaia 16:21 atang khan chhiar ila, Isua khan a thih tur thu a sawi a, chutah petera rawn tawnchuakin, "Lalpa, Pathianin khawngaih che rawh se; chung chu i chungah a thleng tawp lovang," a tih khan Isua khan Petera chu chhang nghalin,"Setan, ka hnungah kal rawh; ka tan tlukna i ni e", tiin a hau a nih kha.

2. Pilata nupui kha fel tak niin kan ngai maithei, a dik reng. Mahse hei pawh hi setana hma lakna a ni. Matthaia 27:19 , Tin, rorelna thutphaha a thut laiin a nupuiin," Kha mi fel tak chungah khan engmah ti suh; vawiinah hian amah avangin mumangah thil tam tak ka tuar a ni," tiin a chah a nih kha. Kha vang pawh kha a ni mahna, Pilata khan Isua kha hum atum a, mahse Juda te khan Baraba kha chhuah zawk tura an tih tlat avangin kut a sil a, an duh duh dana tih atan a pe ta a nih kha.

3. Gethsemane huanah khan lungngai takin a awm a, a tawngtai a, atap bawk a. Khami tum khan nasa takin setana khan a tibuai a, Pathian mission a tlawlh theih nan tan a lo la ve. Isua rilru kha hneh a tum. Luka 22:42 , "Ka pa, rem i tih chuan he no hi ka hnen ata la sawn rawh," tiin a tawngtai a nih kha. Khatia mangang em em leh thlan thi anga far khawpa a tawngtai lai khan van atangin Vantirhkoh pakhat tirh thlak hial a ni ta reng a.

Lei leh vana thuneihna zawng zawng Isua hnenah pek a ni ta

Harsa takin setana lal rama mihringte chhanchhuak turin a rawn chhukthla a, tichuan Pathian tirh ang ngeiin Kross lerah chuan a thisen a rawn chhuah a, chhanchhuahna chu a rawn siam ta a. Khatia a mission a rawn tlintlak takah khan setana chu hlauvin a khur a, a lal ram chu chhuhsakin a awm dawn tih a hre chiang tawh. Tichuan Isua chu a thi a, phumin a awm a, thihna hnehin a rawn tho leh ta a. A thawhleh hnu chuan tihian a sawi a, Matthaia 28:18-20. "Lei leh vana thuneihna zawng zawng ka hnenah pek a ni tawh. Chutichuan, kal ula, hnam tina mi zirtirahte siam ula, Pa leh Fapa leh Thlarauthianghlim hmingah chuan baptist ula, thu ka pek zawng zawng che u pawm turin zirtir rawh u. Tin, ngai teh u, kei kumkhuain, khawvel tawp thleng pawhin, in hnenah ka awm zel ang," a ti a.

Mihring thlarau chuha indona

Isuan khawvel a hneh hnu pawh hian setana chuan mihring thlarau chu ala bum zel thova, chung ho chhandama an awm ve theih nan chuan keini ringtute hian tihtur tam tak kan nei ve reng a ni. Tichuan indona chu a la tawp mai dawn lo, tunah hian setana leh Pathian chuan mihring thlarau chu nasa takin an la inchuh mek zel a, kan chhia leh tha hriatna te hman khawloh tir tumin setana'n min thlem reng a, chutih laiin Thlarauthianghlim chuan khawng dik zawh turin min zirtir ve reng bawk a. Indona karah ram inchuh kan ni a, chuvang chuan a tawpa hnehna chang zawk tur Pathian lamah i tang ang u, indona chu Lalpa idona a ni a, hnehna pawh Lalpa ta a ni.

2011 chhunga ka game duh pathumte

2011-12-20T10:16:00.000-08:00

Kuminah Game tha tak tak a rawn chhuak a, heng zingah hian khelh nuam tih tak tak ka nei. Kum tawp a ni ta a, Kumin chhunga game chhuak tam tak zinga khelh nuam ka tih pathum chu FIFA 12, Call of Duty modern warfare 3 leh Battlefield 3 te hi an ni a, heng zingah hian Battlefield chu ka 1st choice a ni a, a dawtah Call of Duty, a pathumnaah FIFA 12. Khelh nuam ka tih ber Battlefield hi Review leh teh ang.

A lamtawiin BF3 tia sawi a ni a, First Person shooter video game, EA Digital Illusions CE siam niin, Electronic Arts chuan an tlangzarh a. October ni 25, 2011 khan North America ah tlangzarh a ni a, October ni 28 ah Europe ah tlangzarh a ni ve leh bawk. Microsoft Windows, PlayStation 3, Xbox 360 leh EA Mobile-a khelh theih tura siam a ni a, Windows ah chuan Direct X 10 leh 11 support a ngai a ni.

2005 khan BattleField 2 kha tlangzarh a ni tawh a, chumi chu kumin 2011 hian chhunzawm chauh a ni. Single player leh Multiplayer in a khelh theih a, mahse a khelh theih dan a danglam ve ve a.

Game Play

BF3 hi Single player (Campaign mode), Co-operative leh Multiplayer modes in a khelh theih a, Bad Company khel tawh kan awm chuan, khata mi bakah thil tam tak telh belh a ni. Jet fighter a khalh theih a, a bawhkhup theihmai bakah zangthalin a awm theih bawk a. PC ah chuan mi 64 laiin a rualin an khel thei a ni.

Campaign (Single Player)

Campaign mode hi a nuam khawp mai a, operation hi 2014 kum niin, Iraq leh Iran border velah kan chetla. US Marine te chuan People's Liberation and Resistance (PLR) an bei a. Chu Mission zawhah chuan Northern Iran lamah kan kal leh a, hetah hian PLR nen bawk inbeihna a awm leh a. Mission hi a set chawp theih bawk a, Paris khawpui leh New York khawpui (Sub way) ah pawh a set theih a ni.

Multiplayer

Role chi hrang pali thlan tur a awm a,Assault, Support, Engineer leh Recon te a ni a. Assault chuan Assault Rifles kengin hma a tawng a. Support chuan LMG kengin Silai mu vel te a li supply a. Engineer chuan lirthei tih chhiat dan te ngaihtuahin Recon chuan hmelma awmna zawngin, Sniping hna a thawk a ni. Sawi dawn chuan sawi tur a tam lutuk a, kan sawi seng lovang. Multiplayer hi a nawmna chu player 64 laiin a rualin an khel thei a, Jet Fighter a khalh theih bawk a, hei hi a nawmna em em bawk chu a ni.

A pumpuia lakin

1. BF3 hian technology thar tak tak an rawn chhawp chhuak a, chung zingah chuan animation mai bakah, lighting, audio leh thil tlu chhe ropui tak tak hmuh leh ngaihthlak tur an rawn chhawp chhuak a, a ropui rem rem khawp mai.

2. Silaimuin min rawn fuh dan te pawh a tak nen a inan duh hmel khawp mai a, tin, thil puak karah pawh a taka an awm dan ang tur ang thlapin an program a, a ang khawp mai.

3. Online Multiplayer a khelh hi a nawmna tak a ni a, Jet fighter a khalh theih a, van boruaka a puak ri te chu a ang dum dum khawp mai.

4. Indona hmun hi khawpui hmun lun laiah te a ni hlawm a, hei hi a nawmna pakhat chu a ni a, inphen tur tha tak tak te a awm a, building tihpuah tur leh building tlu in a delh hlauva tlanchhiat te a ngai thin a ni.

5. Thlawhna rawn thlawk kawi zawr zawr Tanks hmang leh Mortal hmanga kah te kha a nuam thlawt a ni.

6. Graphic a ang rapthlak khawp mai a, detail sang takin a khelh theih rualin low resolution pawhin mam nuam takin a khelh theih hi ka fakna pakhat chu a ni chiang.

System Requirements

BF3 hi Frostbite 2.0 engine powered a ni a,chuan kan hriat mai mai tur chu direct X 9 a support lova, Windows XP ah khelh tum lo mai rawh.

Minimum requirements for Battlefield 3

OS: Windows Vista or Windows 7

Processor: Core 2 Duo 2.4 GHz or Althon X2 2.7 GHz

RAM: 2GB

Graphic card: DirectX 10 or 11 compatible Nvidia or AMD ATI card, ATI Radeon 3870 or higher, Nvidia GeForce 8800 GT or higher.

Graphics card memory: 512 MB

Sound card: DirectX compatibl sound card

Hard drive: 15 GB for disc version or 10 GB for digital version

Recommended system requirements for Battlefield 3

OS: Windows 7 64-bit

Processor: Quad-core Intel or AMD CPU

RAM: 4GB

Graphics card: DirectX 11 Nvidia or AMD ATI card, Nvidia GeForce GTX 560 or ATI Radeon 6950.

Graphics card memory: 1 GB

Sound card: DirectX compatibl sound card
Hard drive: 15 GB for disc version or 10 GB for digital version

Battlefield Commercial by freddiew

Freddie Wong hi American Film maker a ni a, Musician a nih mai bakah VFX expert a ni. Tin, gamer tha tak a ni bawk. Youtube ah channel lar tak a nei a, Jimmy Wong a u a ni. A chanchin chu ka sawi thui vak peih lo. After Effects hmang thiam em em a ni a, short clip pui tak tak a siamte chu Youtube ah alar pui rem rem hle mai. Hetianga a thiante nena Visual effect a buaipui mek lai hian EA chuan Battlefield 3 Commercials ni 10 chhunga siam turin an rawn be ta a, pui takin an siam ta a, a siamdan pawh hi hmuhnawm tham a ni.

Hun leh Pathian (Fiction) !!!

2011-11-15T12:11:00.000-08:00

Zingah ni a chhuak a, tlaiah a tla leh a, zanah kan mu a, zingah kan tho leh a. chutiang chuan a kual a kual a, kan taksa DNA chu lo thangin nausen atanga tar thlengin tisa chuan khawvelah hun a hmang a, tichuan a lo chawl ta a. Hetih chhung hian hun engemawzat a liam hman a, darkar, ni leh thla leh kumte chu HUN chu a lo ni ta a. Mi thenkhat chuan hun hi engvak a lo ni lo, thil awm tak tak pawh a ni lo, khawvel hi a vir a vir a, tichuan kan lo thanglian ve mai a ni e.. ti tein an sawi thin. Mahse hun hi lungtum angin khawihin hmu theilo mah ila thil awm ngei chu a ni si.

LALPA ngaih chuan kum sangkhat pawh hi ni khat ang ??

2 Petera 3:8 ah chuan ,"Lalpa ngaih chuan ni khat hi kum sangkhat ang a ni a, kum sangkhat pawh hi ni khat ang a ni", tih kan hmu. Helai thu hi kan chhiar kan chhiar tawh thin, keipawhin ka lo chhiar liam puat puat tawh. "Nia Pathiante chu engkimtithei a ni a, atan chuan hun hian awmzia a neilo alawm", tiin ka ngaihtuah thin. Mahse Theory of relativity / Time dilation atang hian thil ni thei a lo ni dawn khawp mai .

Time Dilation

A awlsam zawngin sawi ila, Einstein-a'n a hmuchhuak a nih kha. Thil a chet reng rengin, kha thil che-a hun kha a (Slow down) .. tih a ni mai a. Enge a awm chhan leh avang tih vel kha sawi kual lo mai ila. Awlsam takin a Proof theih lehnghal, sana pahnih chu minute leh second in ang chiahin herh la, pakhat chu dawhkanah dah la, pakhat zawk erawh chu hruiin thlung la, minute 15 vel vai vir rawh. Tichuan han en mil leh ta la, i vaivir sana zawk chu dawhkana i dah ai khan minute khat velin a lo tlai tawh zawk ang.

Entirna dang pe leh ta ila. A lema kan hmuh ang hian.. 50 Km/hr in Truck a tlan a, Truck chungah chuan baseball vawm tupa leh a lo vawtu tur an awm a, ball thlawhchak zawng lo teh tu khawl LIDAR Speed Gun pahnih dah a ni a. Pakhat chu Truck -ah chuan dah a ni a, pakhat erawh chu kawngah che miahlo turin dah a ni. Tichuan ball chu Truck tlan lam zawngin vawm a ni a, LIDAR Speed Gun No.1 chuan 100 km/hr in a lo teh ta a. Hetih lai hian leia dah zawk chuan ball thlawh chak zawng chu 150 km/hr in a lo teh ta daih a. hei hi a chhan chu Truck tlanchak zawng (50 Km/hr + 100 km/hr = 150 km/hr) vang a ni.

Kawnga che miahlova dah kha chuan ball kha chak takin a thlawk a ni tiin a teh laiin, Truck tlan laia dah zawk atang erawh chuan ball chu a thlawk muang fe zawk tih a lang thei. Heta tang hian thil che apiangah hun a muang a ni tih kan hre thei awm e.

Engtia chakin nge Lei (Earth) hi a thlawh tehreng ?

Kan khawvel hi chhak leh thlang zawngin 1674.4 km/h a chakin a vir a, Lei hian ni a helna kawngah hian 67000 miles/hr in a thlawk hem hem bawk. Kan awmna Solar System hi Galaxy ah hian 220 km/s a chakin a thlawk kual bawk a. Tin, kan Galaxy pawh hi Van thengrengah 300 km/s vela chakin a thlawk hem hem bawk a. Chutiang khawp chuan kan lo thlawk chak chu a lo ni a.

LALPA ngaih chuan ni khat hi kum sangkhat chu a lo ni chiang dawn e.

Chutiang em ema chak chuan khawvel, Solar system leh galaxy te chu an thlawk a. Chuvang chuan Time Dilation kan tih chu nasa takin a lo awm ta a. Tichuan Pathian chu che sawn lovin a awm hmunah nikhat lek pawh awm ta se. Che miah lova nikhat lek pawh kha che nasa em em khawvela mihringte tan chuan kum sangkhat lai a ni hman dawn tho tho a ni. Hetiang em a chaka kan thlawh avangte hian zahngaihna hun kan neih phah maite pawh a ni ve bawk.

Lalpa ngaih chuan ni khat hi kum sangkhat ang a ni ?

Bible chang ka rawn lak chhuah sentense hmasa zawk hi han en leh dawn ta ila.Lalpa ngaih chuan ni khat hi kum sangkhat ang a ni tih chu Time Dlation theory atang bawk khan a hriat theih awm e. Eng (Light) kalchak zawng hi 299792.458 km/s a ni a, inchhungah darthlalang (Looking Mirror) 30 chuang in em tawn thei turin dah la. Zan thimah chuan Torch light chu han hmet eng ta la. i hmeh rualin eng chu darthlalang 30 ah chuan a lang kim nghal ang. A awmzia chu Tun (Present)-ah eng particles chu hmun tinah a awm hman tihna a nih chu.

Pathian chu ni(Sun) ai pawha eng a nih chuan hmun tinah a awm hman dawn tihna a ni a, chutiang khawpa a chet chak chuan Amahah Time Dilation chu a awm ve thei tlat. chuti anih chuan a hmaa kan sawi letzawng chiah khan, kan tan nikhat nimahse A tan chuan kum sangkhat a ni ve thei tlat a ni.

RORELNA a rualin ??

Kan sawi chho ta sa sa, a inzul thei dawn bawk a, sawi chhunzawm zel mai ang aw.. Thih hnu piahlam ram hi a dam lai hi chuan kan hre lo ve thlawt a, kan inrin siak mai mai zawng a ni e. chuvang chuan rinthu sawi te chu thiangah ngai mai ila. Roman Catholic chuan mitthi thlarau te chu vanram leh hremhmun an kal hmain purgatory-ah kal hmasa phawt turin an ring a. Thenkhat chuan vanram leh hremhmuna kal nghal turin an ring. Thenkhat leh erawh chuan rorelna hmachhawn rual vek turin an ngai bawk.

Han rin dan tur em em ka nei lem lo, mahse mitthi tho leh Pu Rinkima sawi kha a nih duh hmel ka ti ta mai mai. A ni kha chuan mitthi zawng zawng, hma khawsang a mi leh, tun a mi leh nakina la thi turte khan rorelna an hmachhawn rual a ni a ti zawngin a sawi a. Chu chuan ka rindan a kaihruai thui khawp mai.

A chunga kan sawi zawh tak ang khian, chak taka thlawk khawvela khawsa kan ni a, tichuan kan Universe ah chuan hunin awmzia a nei ta a, khawvel siam tirh atangin kum 4000 (Bible kum) vel chu khawvelin hun a hmang tihna a ni ta a. Hetih lai hian Pathian ram chu che ve miah lovin lo ding ta char char se emaw, 3 Dimensional Universe khawih buai theih lohvin lo awm ta se emaw.. Chuti a nih chuan Pathian ram atang chuan ni khat lek pawh kha khawvel kum 4000 dawn lai a lo ni thei dawn ta a.

Kan thih hun kha kum sang danah pawh ni mahse nikhatah kan thleng rual vek thei dawn tho tihna a ni ta a. Entirnan : Kum zabi khatnaa thite kha zing dar 10 leh 11 inkarah thleng ta se, kum zabi hnihnaa thite zawng zawng kha dar 11 leh 12 inkarah thleng khawm ta bawk se.. chutiang zelin. He ti a nih chuan ni khatah pawh kum 4000 BC-a thite leh 2011 AD-a thi te chuan Pathian rorelna a rualin kan hmachhawn thei dawn reng a lo ni.

Chutiang chuan nikhat thil thuah kan thleng khawm ruih ruih anga, khawvel atanga ngaihtuah chuan kum sang chuang kar dana thi te pawh kha nikhat lek chhungin kan in hmukhawm vek dawn ta a nih chu. Fiah kakin ka sawi thiam lova, a hahthlak ka ti khawp mai, ka sawi ngai pawh ka lo sawi nual maithei a ni. Min lo hrethiam mai dawn nia.

A tawp nan

Ka rindan ve mai mai a ni a, 'a ni e, nilove'... tuman kan ti thei chuang lova, a zia phian. Tichuan ka sawi tel zauh duh chu.. Science leh Pathian thu hi ui leh kel thlunpawlh anga ngai hi kan tamin ka hria. Hei hi tha ka ti lova, hetiang ngaihdan kan neih chhan ber nia ka hriat chu, Pathian awm ringlo Scientist ten Bible paihthlak an tum thin vang mai niin ka hria. A nihna takah chuan Science thiamna a san pauh leh Pathian ropui zia puan chhuahin a awm zel dawn tihna a ni a, chuvang chuan kei chuan Science leh Pathian thu hi a kalkawp thei ka ti reng a ni.

Jamie Grace (Tunlaia ka ngaihtlak hnem)

2011-10-30T00:24:00.000-07:00

Tunlai ka duh em em chu American Christian Singer Jamie Grace hi a ni. 1991 a piang a ni a, Kumin kum tir khan DC Talk member pakhat ni thin Toby Mac nena an zai dunna Hold Me (Single) chu a released ve a, a nalh khawp mai. Thla hmasa khan A album hmasa ber One Song at a time chu a released ve ta a, a ngaihthlak tlak khawp mai.

Kristian kan inti a, Mizo zaithiam hi chu tum lo mah ila kan hre zung zung. Chutih laiin Tuipui ral lam Music-ah hian Christian Music aiin Secular lam kan hre hnem tlat. A chhan chu VH 1 leh MTV te a awm vang leh an lar em vang a ni. Christian Music hi ngaihthlak tlak leh Belchian dawl tak tak a tam khawp mai.A thente phei hi chu Secular ho aia thiam tak takte an awm. Kan duh zawng zawng eng genre pawh nise Christian Music-ah hian a awm kim ve vek a ni.

Jamie Grace zaipuipa Toby Mac hi hrelo kan la awm maithei, DC Talk kan hre nual awm e, 1988-2001 Christian Trio kha an ni a, Michael Tait, Kevin Max leh Toby Mac te an ni. An lar rem rem khawp mai, an hla pakhat Jesus Freak te phei chu Aizawlah pawh tutute emaw kha chuan an lo sa ve hlawm tawh a nih kha. Solo-in an mahni theuhin an kal ta a, an hlawhtling vek a, an pathum zingah hian Toby Mac hi a hlawhtling ber a ni. A Album hnuhnung ber nikum lama a released Tonight phei kha chu a HIT rem rem khawp mai. Kumin hian Christmas Diverse City a release leh dawnin ka hria. Chuan a Tour Video "Alive and Transported", kha lo en ve ang che u, Pathian an lo tih bik khawp mai.

Keini aia fing leh changkang, an duh chuan khawvel lampang zawng pawha nasa tak lar leh hausa thei kha an ni a, mahse Pathian hming avangin rim takin an thawk a, miten Pathian an lo hmuh theih nan hla te siamin an hum pum Pathian in talent a pek hmangin rawng an bawl a ni. Keini nikhat ei tur pawh ngaihtuah buai viau ngaia khawsa te kan ni a, heti chung pawha Pathian hnaih nachang kan la hrelo hi chu kan vanduai tak zet a ni. Duh duh lei theia khawsa ni mahse Pathian an hre tlat a, keini duh lei dawn pawhin kum tam tak inkhawl kan ngai a, keini hian Pathian chu an ni ai hian kan mamawh fe zawk si a.

Switchfoot

2011-10-23T02:31:00.000-07:00

San Diago khaw chhuak American Christian Rock band Switchfoot hi Pathian hla ngaina lemlo mahla Music i ngaina a nih ngat chuan i hre tawh ngei ang le.An band member te chu Jon Foreman (lead vocals, guitar), Tim Foreman (bass guitar, backing vocals), Chad Butler (drums, percussion), Jerome Fontamillas (guitar, keyboards, backing vocals), and Drew Shirley (guitar, backing vocals)-te an ni.

2002 Film chhuak A walk to remember -ah khan track nalh tak tak an thawh a, chung zingah chuan Learning to breathe, You leh Dare you to Move te pawh a tel a nih kha. 2003 khan The Beautiful Let go tih kha an release ta nghal a. 2.6 Million copies ngawt an hralh chhuak a. An album 7-na Hello Hurricane chuan kumin 2011 Grammy award for Best Rock Gospel a lak pui ta a ni.

An zaitupa Jon Foreman chuan,"Surfing hi kan ngaina em em a, kan vai hian kan nunah a bet tlat tawh a ni. Kan band hming pawh hi hemi atanga phuah chhuah a ni a. Kan ke chheh kan thlak hian surfing ah chuan kawng dang zawngin kan inher rem tihna a ni a, chumi chu chang chawiin nun thar leh music thar pe chhuak turin kan band chu Switchfoot tih kan phuah ta a ni", tiin an band hming phuah chhan a sawi.

An Genre hi Alternative Rock, Hard Rock, Power Pop, Grunge leh Christian Rock huang chhungah a khung theih awm e. An album te chu :

1997: The Legend of Chin

1999: New Way to Be Human

2000: Learning to Breathe

2003: The Beautiful Letdown

2005: Nothing Is Sound

2006: Oh! Gravity.

2009: Hello Hurricane

2011: Vice Verses

An hlaah hian nalh tih ka ngah khawp mai. Dare You to move,Meant to Live, This is Your Life, Stars, Your Love is a song, Always, Bullet soul, Rise Above It leh a dang tam tak ... Thla hmasa hmasa leh khan an album thar an tlang zarh a, Vice Versa tih a ni a, a nalh hlawm khawp mai. Pirate hi ka download phawt a, nakinah Original ka lei leh ngei ang..hehe

Kohhran Bel

2011-10-15T12:12:00.001-07:00

Thenkhatin Kohhran leh KTP kan bel duhlohna chhan hi chu hruaitu leh thusawitute vang a ni kan ti lo thei lovang. A dik reng alawm. A sum lakluh zat vel kan hre ve reng a, mahse in sang mangkheng a sa thei bawk si a, zaninah thu a sawi leh nghal dawn a !! te kan ti thin. Kei pawhin chutiang thusawi chu ka ngaithla peih bik hauh lovang. Tin, KTP hruaitu kan hriat chian ve tak tak te an ni a, an ni kaihhruaiin kan awm dawn chu a ni si a, te kan ti thin. A dik chiah chiah. Ka nu hian mihringah en loh tur hi a ti thin a, a en loh theih loh thin a ni.

Mahse he entirna pakhat hi ka'n sawi anga, kan ngaihdan chu a danglam phah maithei a ni. 'Kan thian tha takin nupui a nei a, tih tak zeta min sawm avangin keini pawh chuan kan ngai pawimawh a, kan kal ta. Mahse Fatu te khan chaw an lo chhum urh mai bakah chawhmeh an siam kha a tuilo khawp mai a, a lawmawm loh khawp mai. Mahse kha vang khan inneihnaa kan kal kha kan thulh phah chuang lo. A chhan chu kan thian leh kan ngaihpawimawh em em a nih avangin.

Fatu thil siam kha a tui loh avangin kal dawn lo ta ringawt ila, kan kal chhan kha a dik dawn lo a ni.Chutiang chiah chuan Kohhran neitu chu Isua a ni a, a ni chuan tih takzetin min sawm a, Krista neitu kan ni a, kan kal, a Fatute khan sermon te lo thiam lo deuhin, an nun pawh lo tha em em lo mahse min sawm tu leh kan kal chhan kha Isua a nih miau chuan kohhran atang hian a hlat tak tak theih loh a ni.'

Chutiang zawng chuan ngaihtuah thin ta ila, kan mi duh em em loh ten kohhran hruai mahse a thu ber chu Isua a ni tih kha hre reng ila, tichuan hlim takin KTP leh Kohhrante kan bel thei mai dawn a ni. Hei te chauh, Bible chang tar chhuah pawh nilo mahse kan zawm chuan Sunday pual hlawhtling ber a ni thei hial maithei a ni.

Thu thawnna thar

2011-10-08T11:23:00.001-07:00

Office thil avang hian kan zin kual thin a, hla tak taka trainning neih changte pawh a awm thin. Hetia ka zin nikhual changte hian ka nu hian min ngaihtuah em em thin a, a chang hi chuan min ngaihtuah lutuk thin hi ka awmte pawh a ti nuamlo fo thin. Khawi pawh thleng ila chanchin hriat zel a duh a, a khat tawka in Report reng a ngai thin.

Kei pawh chuan theih tawkin chanchin ka hrilh thin a,"Kan thleng chiah e, ka tha e, ka ngaihtuah awm loh e," tih reng a ngai thin. A chang hi chuan ka ning thin khawp mai, mahse nu leh pa min ngaihtuah em em tu ka la nei a ni tih ka ngaihtuah chang chuan ka lawm thin khawp mai.

Phone signal awm lohna hmuna kal changte a awm thin a, a buaithlak thei thin khawp mai. Vawi khat chu kan motor a chhiat avangin khaw kar kawngah kan tang a, khua a thim tawh si, kan driver chuan theih tawkin siam that a tum a, a bei mek. Ka nu chuan min va ngaihtuah dawn em ka ti a, phone signal a awm bawk si lo, mahni chauh pawha hlim em em leh midang contact em em lo pawha tlei thin ka ni a, mahse ka nuin min ngaihtuah dawn a ni tih ka ngaihtuah chuan ka awm a nuam lo khawp mai.

Chutah chuan thil hriatchhuah leh zir chhuah ka nei ta a. Phone network chuan awmna hmun leh awm lohna hmun a nei thin a, duh hun hunah kan be tlang thei lo thin. Mahse Network awm loh hun nei ve ngai lo pakhat a awm a, chu chu Pathian a ni. Hmun tinah a awm a, a hming lama kan koh chuan min ngaithlain awlsam takin kan inbe thin a ni. Tin, thu thawn nan pawh a hman tlak hrim hrim ang ka ti a. ka rilru chuan ka tawngtai ta a,"Aw Lalpa, ka nuin min ngaihtuah em em a, ka phone tlang thei si lova, hahdam taka a awm nan ka tha a ni tih min lo hrilh sak rawh, Isua hmingin ka dil e", ka ti ta ringawt a.

Tichuan, kei pawh chu rilru hahdam tak chuan ka awm ta a, motor kan siam that hnu chuan tluang takin in kan thleng thei ta a. In ka thlen veleh ka nu hnenah chuan min ngaihtuah leh ngaihtuah loh thu ka zawt a, tun tum i zin chu ka ngaihtuah lo khawp mai che, enge a chhan pawh ka hre lo.. tiin min lo chhang a, ka tawngtaina kha chhanin a awm a ni tih ka hria, a mak ka ti khawp mai.

Pathian hi hmun tinah a awm a, engtik lai pawhin a hnen kan hawi a, a hming kan lam chuan a nin min lo ngaithla thin. Tin, tawngtaina hi thu thawn nan pawh a lo hman tlak a ni tih ka hre ta a, A duh zawng leh tha a tih zawng a nih chuan kan ngaihzawngte, nupui,pasal, unau leh thiante hnena thu thawn nan pawh a hman theih a ni. Ngaihzawng leh nupui pasal leh thiante chunga thil kan tihsual changte pawh hian Pathian hnena ngaihdam dil tawngtaina kaltlangin an hnen a thleng thei a ni. Mobile phone service provider hrang hrang an awm, Airtel, Aircel, Reliance, Idea, Vodafone, BSNL, etc.. heng zawng zawng aia tha leh server down ngai lo, khawi hmun pawh biak tlang theihna a awm, chu chu G NET a ni, God's Network a ni. Pathian hi engkima kan engkim a ni tih i hre thar leh ang u.

FIFA 12 PC Game bihchianna

2011-10-08T02:07:00.001-07:00

FIFA 12 chu September ni 30, 2011 khan khawvel pumah tlangzarh a ni ta a, US lamah an lo release hma deuh avangin Pirated version hemi ni hian kan lo nei nual hman leh pek tawh a, engpawh nise a tui tak tak tan chuan pirate emaw pirate lo pawh nise, a nuam tho thova, khalam kha chu sawi duah lem lo ila. Thil thar tam tak an rawn dah belh a, a nuam leh dawn khawp mai. A tlangpui sawi zuai zuai ila, tichuan kan bihchiang chhunzawm nghal dawn nia

FIFA 12 System Requirements

Intel CPU i hmang a nih chuan Core 2 Dua E660 2.4GHz + Nvidia GFX card (Geforce 7800 GS) + 2GB RAM + 6 GB Hard Disk Space hmangin i khel thei a, Direct X 9 hmang a la nih avangin Operating system XP hmang pawhin i la khel vah vah thei thinna a ni.

AMD CPU i hmang a nih chuan Athlon 64×2 Dual Core 5600+ Radeon HD 6620G + 2 GB RAM + 6 GB Hard Disk Space hmangin i khel thei. FIFA 11 nen khan Graphic requirement chu a inang deuh reng a, amaherawh chu tlem tlem an rawn tuaihnum a, FIFA 11 kha 4.5 GB a nih laiin FIFA 12 erawh 7 GB a kai tep thung a ni. Tichuan ka sawi awmzia chu a awlsam zawngin i khawla FIFA 11 zo tha taka i khel thei a nih chuan FIFA 12 pawh i khel nghal thei dawn chiang tihna a ni.

Grphics lamah change a awm em ?

FIFA Football game hrim hrim hi a player pitch a awm te atanga 20 metres vela hlaah camera hi dan a ni tlangpui thina, hei vang hian Graphic detail em em a ngai hran lem lo. Chuvang chuan Real Time Rendered kan tih ang chi kha a dang ang thovin an rawn dah pangai leh a, a lan dan hrim hrim erawh hmuh a nuam ta zawk. Default chuan camera hi an rawn dah hniam sa a, a zoom in+zoom out theih a, harsatna a awm lo. Tichuan, camera hi FIFA version hmasate ho ai kha chuan a tawlh nalh tawh zawk a, hmuh a nuamin ball hi Screen lai thei ang bera dah hram hram a tum thin niin a lang a, hei hian Horizontal zawnga ball a thlawh kualin hmuh a tinuam zawk.

Settings leh Options vel layout hmuh a nuam a, a changkang a, mipuite a hma aiin an behaviour a ang ve tawh zawk a, Broadcasting tak tak ang maiin Ball possession, Ball pass zat te leh statistics te, score box hnuaiah a rawn lang ve tawh ta a, hei hian a ti phuisui. Tlem chuan FIFA 11 ai chuan Graphic ah a ang ve zual deuh a, mahse a danglam nasa lo khawp mai. Game khel lova, mi khelh lai en ringawt chuan FIFA 11 nen danglamna tehchiam a tam lo khawp mai. Celebration style thar erawh an rawn dah nual a, a hlimawm ve hrim hrim.

Graphic lam an rawn ngaipawimawh em em lova, Impact engine erawh an rawn ti ang rapthlak khawp mai. Impact Engine hi an ngaih pawimawh ber niin a lang ta a, hei hian game chu nasa takin a tih an phah a, a bon rem rem ka ti mai kei chuan.

Impact Engine a tha thlawt

Kum tin hian EA hian FIFA game hi an thuam a, kum dangah chuan Graphic lam an ngaihpawimawh em em laiin tunah chuan Direct X 9 la hmang turin an duang a, hei vang hian Graphic lam chu kum danga an ngaihpawimawh ang aiin kumin chu an dah pawiawh lo deuh niin alang. Mahse Impact Engine erawh an ngaipawimawh thlawt a ni.

Kum dangah chuan a chang leh player te an in su tlang hawl hawl a, a chang leh maksak deuh deuhin ball an la tlang thei thin. Kumin erawh chuan a rawn dang ta zar mai. Tharuma in nek te, in Tackle ang tak tak te leh ball in chhuhsak dan ang tak tak kan hmu ta a. Player pakhat kha opponent kha 12mph velin tlawh ta se, a tlawha chu a tluk dan tur dik tak vela nain a tla ta a. Ball an khalh lai a ke lo kham zeuh pawhin ball khalhtu a tlan pai tir chawn chawn thei.

Tackling zawng zawngah an tlu vek tawh lova, tlukna khawpa a fuh leh a chian chauh loh chuan an tlu mai tawh lo. Common ball chang tur pawhin a chang chuan nasa taka in nek phawt a ngai tawh thin a. Player chak em em Drogba te erawh an nek nain ball an khuap thei tlat a. Impact engine hi sawi tur a tam em em a, kan sawi seng lovang. A tawi zawngin khaikhawm ta ila, an che a ang tawh a, Physical contact ah a tak tak a ang tawh zawk fe a, lak lawh deuh chung chuan dik thlapin ball a pet theih tawh bik loh a ni.

Hmunawl a tam tawh lo

FIFA 05 ah phei kha chuan Giggs khan a duh duh hunah a khalh tlang thin a nih kha. 12 ah erawh chuan hmunawl, thui tak taka ball tlanpui kha a theih tawh lohva, kum danga defender ten attacker te mark lem lova an lo tlan ve hawl hawl ang kha a awm tawh mang lo.

Dribbling

Dribbling skills thar an rawn dah tho nain 11 nen khan a in ang tlanpui kan ti thei awm e. Hmun awl a tam lo kan tih mek laiin ball thiam deuh Messi leh Ronaldo te erawh chuan eng anga tawtah pawh ball an khalh thei tlat a, hei vang hian tun hma zawng ai khan dribbling thiam leh a hun taka hman thiam a pawimawh tawh dawn a ni.

Inhliam

Kum dangah chuan pet hliam a nih chauh loh chuan zawn chhuah ngai khawp khawpin an inhliam ang lo. FIFA 12 ah erawh chuan a tak tak ang deuh chiahin, Player tlan tam leh thawk rim deuh chu inhliam an awlsam zawk ta a. Chuvang chuan player te health ngaihpawimawh a ngai tawh khawp mai. Tun, kum danga kan hmuh zen zen loh tlan lakloh laia harmstring injury pawh a awm tawh a, a ang sia, player tha deuh an nih phei chuan an uihawm duh thin khawp mai. He tih lai hian tackle na zawng zawngah an inhliam bek lova, tlawh fuh ve viaute a nih loh chuan an inhliam mai mai bik lo.

Control Keys assignment

FIFA 11 ah kha chuan keyboard leh gamepad key setting neih dawnin game chhungluh hmain kan set thin a nih kha.Tunah chuan game chhungah a set theih vek tawh a, tin, inkhelh lai pawhin key hi a thlak theih tawh a ni. Game pad 4 leh keyboard 1 a hmu a, group pawhin PC khatah a la khelh ho theih zel dawn a ni.

A bik takin Gamepad hmangtute tan, FIFA 11 ah khan loop/Cross key leh Tackle na kha a inkawp thin a, keeper up na kha Through ball key nen a awm kawp a. Kha kha an rawn ti danglam ta a. Shot-an key leh keeper up na an dah kawp ta a, Through ball key leh Tackling an rawn dah kawp ta a, Standing tackle leh Loop/Cross key kha an rawn dah kawp ta bawk a, hei hian khelh a tih nawm phah ka ti lo thei lo. Mahni penalty area ah ball a awm a, clear kan duh a, Loop/Cross kha kan hmet a, a tackle ta thin a, tum loh deuhva penalty chawi a awl thin a nih kha, tunah chuan standing tacle a ni ta chauh a, duh thalin a clear ngam ta.

Defending

Tactical defending a pawimawh dawn kher mai. Hneh taka player switch zung zung a ngai dawn bawk a. Tin, standing tackle kha hman thiam a nih chuan a tangkai thei dawn khawp mai. Mahse a hun hriat a ngai dawn, standing tackle kan pek a, min bum si chuan 5 yard velin kan umphak tawh dawn lova, Timing a pawimawh tawh dawn khawp mai.

Player tlan chak fal an awm tawh lo

FIFA 11 ah khan player tlanchak fal an awm nual. Ronaldo, Messi, Benzema etc.. Khang ang em em kha chuan an chak fal tawh dawn lo. Ronaldo pawh defender ten an close hman ve zel tawh a, fal taka ball tlanpui thut thut pawh ni mahse umphak an har tawh lo. Hei hian game chu a ti har a, mahse a ti nuam em em. Hei erawh hriat reng a tha, dribbling nei tha player te chu chhuhsak an har bik em em a ni.

Cross Ball

Tun hma zawng aiin Cross a nuam tawh tih mai tur a ni, a lai atanga lak tlang a har tak em avangin a sir atanga crossing erawh a nuam khawp mai. Head tura player lock pawh a la theih a, player ten ball tlakna tur an zawng ve thiam em em tawh bawk a, head goal a awlsam phah.

New Presentation

Live boradcasting tak tak ang maiin a score board vel hmuh a nuam a, Lightning a tha tawh zawk a, default camera -a a lan dan en a hahdamin game a ti ang bawk. Mipui lam pawh au hun leh zuan hun an thliar thiam em em tawh a, graphic change tam lem lo mahse tlemte pawh hian a ti danglam phak a ni.

New Commentary teams

A vawi khat nan commentary team hnih an awm ta a, Martin Tyler + Alan Smith leh Clive Tyldesley leh Andy Townsend-te an ni a, a khel tuten kan inkhel min comment turin kan duh zawk zawk kan thlang thei tawh dawn a ni.

Kan sawi thui ta em em a, midang pawhin sawi tur in nei ve teuh ang a, kan ngaihdan leh game kan khelha kan tawn tawh te han sawi hlawm ve ila mawle.. Kei aia sawi thiam tur leh sawi tur hre deuh deuh in awm chiang a, a khuh hawnna mai mai a ni e hei hi chu. Chuan ka sawi tel leh zauh duh chu, LAN in a khelh theih tawh dawn lohva, a chhan chu Pirated version a tam thin em avangin PC to PC-a inkhel duh tan chuan Online khera khelh a ngai tawh dawn a ni. A nih loh chuan keyboad hmangte khan game pad hman in zir a ngai a ni mai. Mahse cracker ho ten patch siam an tum deuh kha, LAN -a khelh theihna turin. Chuan EA hian FIFA 12 atan hian official licensed 500 chuang Club hnen atangin an la a, player 15,000 aia tam mah hnen atangin an mahni hming leh hmel te hman theihna an la bawk a ni.

Merlin leh The Legend of Seeker

2011-10-07T14:57:00.001-07:00

Ka vei em em thin a, mahse ka sel ngai chuang lo. Amaherawh chu vawiin thil thleng avang khan tunlai cable TV chanchin ka'n sawi mai mai ang e. Movie mizo tawnga leh(translate) kan thiam chho thar a, Vai film, Sap film leh Korean film thlengin kan let a, Cable TV lamah rawn play-in kan en luih luih mek. Tin, bazar lamah a DISC-a lei duh tan lei theihin a awm reng bawk.

Film tha tak tak leh chhungkuaa en ho chi tam tak awm mahse kan tleirawlten enlo hram se ka tih ngawih ngawih a awm nual bawk. A lettu te leh a tichhuaktute chuan an duh duh rawn ti chhuak ang hmiang, pawimawhber chu film him lo a nih chuan en loh ngam mai hi thain ka hria.

Film an leh zinga thalo ka tih em em, mahse hmuhnawm bawksi chu Merlin leh Seeker -te hi an ni a, heng film te hi dawi thil lansarhna film an ni. He film te vang chiah hian vawiinah Intermediate department ah chuan harsatna kan tawk a ni.

Kum 12-13 vel niin Pawl 7 vel zir lai an ni a, khang dawi thil kha an lo practise ve chu lo niin !!! A tir chuan setana hnena inthawi an ni tih an inhre hran lo, mahse an mahni thisen meuh an lo chhuah avang khan an buai ta hle a, nasa takin tleirawl pathum chu an buai a ni. An kut kan ensak a, Cut off pain an tihna leh sign eng eng emaw a lo awm bawk a!!!

Khang avangte khan power eng eng emaw chu an lo nei ve nil nial a. An thian dangte an melh chuan an pumte a na thei vel a ni awm e. Nasa taka darkar 2 vel zirtirtuten kan buaipui hnuah an zia awm a, mahse enge an an zel dawn erawh chu kan hre lo. setana an la duh tlat a, dawi thil vel an la duh a nih chuan an thu a nia, a ti buai leh ngei ngei ang.

A nihna takah chuan mihring chuan hmelthat, lar, mite hriat hlawh, lehkha thiam leh miten an chung en nih kan duh deuh vek ang. Chu chu direct-a pe thei tu chu setana a ni a, an ler dan leh an nungchang ka en khan a nghal theitu hnen an pan ni maiah ka ngai,. Lar leh mite chung en, hmel that leh nula tlangval laka luck nih chak vang hi a nia tam tak ten setana an biak thin.

Tichuan, khang tleirawl te kha khita ka film sawi ngaina em em tute an ni a, chu chuan a hruai sual ka ti lo thei lo. Keini pawh kha kan naupan deuh lai khan heng film hi kan hriatthiam awlsam tur zawngin, mizotawngin rawn let ve selang chuan chhungte hnen atanga zirtirna dawng tha lo nih phei chuan an ni ai hian kan inthawi nasat ka ring zawk. Robin hood film a rawn lar a, thal kan siam a, huanah Iskut kan inthemthiam siak a, William Tell a rawn chhuak a, Cross Bow kan siam sup sup a, khatiang zel kha a nia.

Dawi lam thil leh setanism nena inkaihhnawih hi chu rawn tichhuak tawh lo se kan ti ngawt thei lo. A chhan chu entertainment a ni a, an duh duh an rawn chhuah thei alawm. Chutah tak chuan pawimawh ta chu en loh ngam mai kha a ni. Chutih laiin Heng film tleirawl tena an kalsualpui mek, lettu leh bazara hralh chhuaktu nih erawh ka duh hauh lo.

A chhan chu Habakuka 2:15 hi ka hre reng thin, "A thenawm hnena zu in tur petu chu a chung a pik e, Nang, an saruak i hmuh theih nana i tur chawlhpawlha tiruitu chu !", tih hi. Hetah hian zu a rawn sawi a, mahse midang tana tlukna siamtu chung chu a pik e,a tihna tho a ni a. Matthaia 18:7 ah pawh chiang takin a ziak a,"Tlukna awmtirtu chung chu a pik e", tiin.

Vanglai chen ang

2011-10-07T14:56:00.001-07:00

Ngaihzawng fel tak leh hmeltha tak ka nei a, kan inhmangaih em em a, kan hlim dun em em thin. Vawikhat chu a thianten thianho chaw eikhawmnaah an sawm a, chuveleh a ni chuan ama thua a kal duh loh avangin ka thu ngaichangin min kal ve min rawn dil a. Kei chuan ka ngaihtuah vang vang a, a thiante chu ka hriat chiante an nih avangin ka phal ta a.

A kal hma chuan a hnenah,"Hlim taka i awm hi ka duh ber a, chuvang chuan vawiin chu hlim takin i awm dawn nia, mahse min hre reng ang che, i chanchin min rawn hrilh zel dawn nia", tiin ka thlah a, hlim tak chuan thianho chaw eikhawmnaah chuan a kal ve ta a. A thlen hlim chuan a thlen thu min rawn hrilh a, a hlim thu pawh min rawn hrilh.

Mahse chawhnu lam a rawn her chhova, enge a an tiin SMS ka thawn, mahse min rawn reply ta reng reng lova, Ka'n Call a, a pick up thei si lo !!! Ka ngaih a tha ta lo lutuk a. Tlai lam dar 4 velah chuan ka call tak tluk tluk hnuah a pick up ve ta chauh a. Enge thil awmzia ti a ka zawh chuan eng vak mah a sawi lo, an buai thu leh nuam an tih thu min hrilh chauh. "Tinge chanchin min rawn hrlih ve zel rawh, ka ngai che a, nang pawhin min hre reng rawh ka tih che kha", ka tih chuan min chhan ngaihna a hre ta lo !!!

A hnuah a thianten a chanchin min hrilh dan chuan damdawi an pe a, a ni chuan ruih nan a lo hmang ve a, eng mah ti thei lovin nilengin a lo mu a ni awm e. Chung chu ka hriat chuan ka thin a rim lutuk a, khang hlimhlawp thil a tawn lai khan a hmangaih ber chu hrechang tawh lovin rihhlo min khawih san. Hmeichhe lep chiah tak a ni tih ka rilruah chuan a rawn lang ta a, ka rilruah chuan "ka then ngei ang le"tih hi a ri ta ut ut mai a, a rawn haw hunah rorelna a chunga ek turin ka inbuatsaih ta .

Bible chuan, "Thalai te u, in that lai chen ula, in la naupan viau lai hian hlim rawh u; amaherawhchu, Pathianin in chungah ro a rel dawn tih hre reng ang che u. Engmah engto nei suh ula, in pang tinatu awm hek suh se, in that lai hun a rei dawn lo. Tin, i vanglai hian i Siamtu hre reng rawh, Ni tha lote a lo thlen hma leh lawmna reng reng ka nei lo ve i tihna tur kum te a lo hnaih hma hian…”(Thuhriltu 12:1) a ti a.

A chunga ka tehkhin thu atang khian chiang takin he Bible thu hi a zir theih ang. Kan thatlai chu chen tur kan ni, mahse kan chen dan kha thianghlim selang, thian ho chaw eikhawmnaa kal ka phal, mahse min hre reng turin ka ti. Hetiang chiah hian hlim taka thiante nena inkawm khawm te leh zau tak thlengin kan vanglai chen hi Pathianin a phal a ni. Mahse amah hre reng turin min duh a, tin, a mah theihnghilha ruihhlo leh sum leh pai leh mipat hmeichhiatna hman khawlohna vanga a mah kan kalsan erawh a duh ngai lova, chuvang chuan kan hawn hunah rorelna kan chungah a lek ngei dawn a ni.

Tunge i Boss ve dawn le ?

2011-09-25T01:07:00.001-07:00

Primary School kan kal laiin kan class ah hian lian tawk, Biakhmingliana a awm thin a, Kid pahnih hi a nei thin. Tuman kan ngam si lova, min tih duhdah thin em avangin a pawlah kan tang ta ringawt a. A pawla kan tan hnu pawh chuan min la tiduhdah thin tho si a, hrehawm kan ti thei khawp mai.

A thuneihna hnuai atanga chhuah kan duh, mahse kan ngam bawk si lo, lungsilo tak chung chuan a kid ah kan tang ta zel a. Vawi khat chu Pawl 4 zirlai pakhat Zosanga, lian tawk leh Primary school-a huai ber chuan min tir ta hlauh mai a, keini pawl 1 zirlai mai tan chuan han biak mai te kha a zahawm avangin chutia min tir ta chu kan lawm em em a, min tirhnaa kan kal zawh chuan kan class-a huaiber chanchin leh min tihduhdah thin zia chu kan hrilh ta mawlh mawlh mai a.

Keini thian ho kan ti dawn ange, a dawi rual ho ti zawk ila a dik zawk awm e, te chu Zosanga'n min chhan dawn ta tih kan hriat veleh kan hlim ta em em a, class ah chuan ngaihngam tak chuan kan awm ta a. Buiana a awm veleha rawn ko nghal turin min chah thlap, khawi hmunah pawh awm se min chhan turin a rawn kal dawn. Chutah Biakhmingliana chuan kan thianpa FutRul chu a tih bunsak ta, kan thianpa thin rim lutuk chuan a sual ve ta a.

Chuveleh pakhat chuan Zosanga chu a va ko ta vat a, rang takin a rawn kal, Biakhmingliana chuan Zosanga a hmuh chuan a hlau ta em em a. Zosanga chuan,"Biakhminglian, i khawih let a nih chuan ka hnek nek ang che, le sual rawn rawh u le", a'n ti mai chu kan class pum hian, a permanent Kid te tello chuan kan sual rawn ta a, kan hneh chiang kher mai. Kan Class-a huai ber chu a tap ta ul ul mai a, a va han nuam tak em. Hlauh kan nei tawh lo kha mi ni atang kha chuan.

Biakhmingliana kha huai hle mahse a aia huai Zasanga kan nei tlat. Hetiang deuh chiah hi a ni Setana bawia kan awmna atanga Pathian fate kan lo nih dan hi. Keini pawhin Boss thar kan nei ang khan piangtharte chuan Boss thar Isua an nei ta a. Chu Isua chuan a hmaa kan ngamloh leh min ti duhdah em em thin tu setana chu a ngam em em mai si a, a va han nuam tak em. Kan Boss thar chuan Vanram thlengin min hruai a intiam bawk si nen. Tunge nang Boss atan i thlan ve dawn le ?

Bikers te him zawk nan

2011-09-21T09:54:00.001-07:00

Ka naupan tet atangin two wheeler hi ka lawm thin a, ka chesual ngun reng bawk. Motor accident ah chuan wheeler accident hi a tam ber niin thi pawh an tam hle mai. Chuvang chuan ka lo accident ve nual tawh avangin accident pumpelh dan leh na taka accident loh dan tlem azawng ka rawn share ve ang che u.

1. Helmet hi a pawimawh khawp mai. Khuate a lum thin avangin Satel helmet hi kan khum mai zel a, a theih hram chuan Full Face khum hram a tha. Mahni thiam loh ni miah lovin midang hian min tifuh ve thei a, fimkhur tluk a awm lo a ni.

2. Engine Brake hman thiam a ngai. A bik takin kawng chhuka tlan hian a then chuan petrol ren vangin engine off chungin an tlan mai thin. Hei hi chet sual thlena tlanglawn tak pakhat a ni. Second Gear emaw first gear ah dah a, tlan thin a tha.

3. Speed sang taka tlan i duh a nih pawhin tha deuh chu, mahni side lamah char char tlan tur a ni. Chet sualna thlen chhan ber pakhat chu tlan chak a ni a, tlan chak satliah vang ringawt a ni lo, mahni side lova tlan vangte a ni zawk mah.

4. Kawng kawiah brake kan hmang dawn a nih chuan foot brake hman hram hram a tha, a nih loh pawhin a ke hma brake leh foot brake hman khawp a tha. a kawiah chuan tlan muan deuh a ngaih avangin gear lianah dah thlak zel a tha a, speed up leh dawn pawhin a tha zawk. A ke hma brake kawng kawia i hmang a nih chuan i thal tawp a ni mai.

5. Oil leh leithril hi two wheeler tlukna tam ber a ni a, a kawiah chuan fimkhur em em mai tur a ni. A bik takin kawngah huh dum tak bik kan hmuh chuan kawng ngil pawh nise tlan muan tur, a ngil ah pawh oil a nih chuan a leu zawk thei reng a.

6. Ruah a diak tawk leka a sur chang hian kawng kawiah 80 degree aia awna tlan loh a tha, eng ang pawhin kan tyre kha wet weather tyre pawh nise a nal tho thova, awn vak loh tur a ni.

7. Aizawl a chengte chuan kan hre theuh ang a, traffic a tawt em em a ni. chak vak lovin kan tlan del del thin a, hetiangah hian a bikin two wheeler te a kara in zeh zeuh zeuh an ching a, hei hi a hlauhawm khawp mai. Overtake tur, mahse remchang lo chung chung chu chetsualna a ni.

8. Traffic tawt takah kan hnung leh hmaah midang tlan an awm ve tih hriat tur a nia, mahni line ah tlan deuh ngar ngar kha a him, kawi thut thut chu hnung a mite leh sir amiten min rawn su a ni mai.

9. Accident tam zawk hi a tawlh a tawlh a ni thin avangin a theih hram chuan rilru chi ai lova, zangthal zawnga tawlh tura insiam rem hman tur a ni.

10. Hlauhthawnna hian a aia chhe leh zualah mihring asiam theih avangin two wheeler khalh reng reng chuan confi taka khalh a tha. Rilru hahna nasa tak nei chunga motor khalh a tha lova, two wheeler khalh phei chu hlauhawm tak a ni.

Demo atangin Full version-ah

2011-08-20T11:25:00.000-07:00

Computer software-te leh games-te kan khawihin kan khel thin, Demo/Trail Version leh Full Version awmzia chu sawifiah kher ngai lovin kan hre awm e. Software emaw game thar a rawn chhuah hian a free in ni 15 emaw ni 30 thleng emaw te pawh hman theihin an rawn tlangzarh a, kan han enchhin a, a free-a a hman theih zawh chuan a thi ta mai thin a ni. Tin, trail version ah hi chuan a kimlo tlangpui bawk.

Gold Miner

Kan hre theuh awm e, gold miner game hi chu. Eng anga game changkang leh graphic duh sang pawh khel mah ila small games hi chu kan khel deuh vek thovang vawi khat tal chu. Gold miner Demo ka download a, setting ngai eng eng emaw chu ka ti thei deuh vek, tichuan ka khel ta a, mahse level 5 vel ka thlen chuan a tawp ta daih zel a, "i khelh tak tak duh chuan full version a nih theih nan serial no. hemi website ah hian lei rawh.." a rawn ti ta thin a. A uihawm duh thin khawp mai, kan khel tui dawn chauhva, a tawp daih zel.

FIFA 12

FIFA 12 pawh kan han download a, September thla hian an release dawn, tun ami hi chu DEMO a ni. Team kan thlang a, formation vel te kan siam a, squad kan sik sawi a, player transfer chu a update ve khawp mai. Tichuan setting kan siam zawh chuan kan khel ta a, a nuam kan ti lutuk, mahse hei pawh hi DEMO a nih avangin a tluanin a khelh leh theih chuang loh. A behbawm vel kha chu khawih vek thei mah ila a tak ram kan thlen dawn chiahin DEMO a lo nih si avangin a tawp ta thin a ni.

Aigupta ramah DEMO

Exodus 8:28. Tin, Pharaoa chuan,"Thlalera LALPA in Pathian hnena in inthawi theihna turin ka kaltir ang che u; amaherawh chu in kal hla vak tur a ni lo ve ; mi ngensak ang che," a ti a.

Israel fate Aigupta sala an tan laia, Pharaoa'n chhuah a la phal loh lai khan, a ram chhunga inthawi chu a phalsak ve tlat. Tawngtai a phal a, ran thisena inthawi a phala, thlalerah pawh hla lotea va chhuaha, inthawi pawh a phal lutuk. Mahse Aigupta ram ata chhuah hlen kha chu a phal miah lo tlat. Aigupta ramah Pathian chu be tho mahse games ka sawi ang khian, a tak tak, a tak ram an thleng thei lo, an zawng zawngin Pathian an be thei tlat lo. An ram ngeia a zawng zawng (Full Version)-a Pathian biak kha an chak thlawt a, mahse an thei tlat si lo.

Setana chuan DEMO-a Pathian biak chu a phal, mahse..

Hetiang deuh chiah hi a ni. Hmelmapa Setana hian Bible chhiar te chu min phalsak lutuk, mahse nunpui min phalsak lo. Biak Ina inkhawm a, zaia lam vak vak min phal sak, mahse Thlarau leh thutak (tih takzet) a Pa chibai buk erawh min phal sak lo. Kristian te chu tawngtai thin kan ni, tawngtai pawh a phal lutuk, mahse thlarau pawlna nung nena tawngtai chu a phal lo. Pathian rawngbawla, KTP,TKP,PYD,SAY. etc leh activity hrang hranga buai tak taka chet vel pawh a phal lutuk, mahse thlarau bo chhandam min phalsak lo.

Keini Zofa, Kristian inti, Sunday tina Biak In pana kal thinte hi hetiang mai mai hi kan lo ni reng ange !! DEMO -ah, a behbawmah kan lo tal kual ve mai mai palh ange. Rorel hunah chuan Pathian chuan Full Version-te chauh vanramah a seng lut dawn si a, A tak pawh lohna ram atang hian Setana ramri pelin i pen chhuak ang u. A tak ramah, a tak ram tak takah lutin Pathian nena inpawlna nung neiin rawng i bawl ang u.

Lal Isuaa innghah ngam

2011-08-13T13:25:00.001-07:00

Fiamthua an sawi thin ang kha kan ni hlawm hian ka hre thin. Reiek kawng chho blacktop a nih hma khan a chhia in a kawi chho ulh thei lutuk a, nu pakhat lova feh hawng kha bus driver khan an ruala khua tleng chho ve turin a sawm a, chu nu chu a chuangve ta mai a, mahse a em rit tak, a phurh lai kha motor chhungah chuan a la phur reng thova. Midang chuan" Ka pi, i em phurh kha nghat rawh khai", an tih chuan a ni chuan, "Ngawiteh u, kei min phur chho pawh hi tih tawh nak alain, ka em phurh leh zel nghah chu ka inthlahrung a ni", tiin a chhang a ni awm e.

Han ngaihtuah mai chuan a nuihzatthlak kher mai, mahse Lal Isua kan rin dan nen hian a in ang riau hian ka hre tlat. Nia... Harsatna hrang hrang neite kan ni a, lungngaihna ruam thuk tak chhunga tang leh thlaphang leh lungngai taka kun mek te kan ni. A chang chuan kan tan hian vanneihnate hi a awmve lo emaw chu le tih changte kan nei thin bawk.

Mathaia 11:28 ah chuan "Nangni thawkrim leh phurrit phur zawng zawngte u, ka hnenah lo kal ula keiman ka chawlhtir ang che u, In thlarau tan chawlhna in hmu ang", tiin Lal Isua chuan min sawm a, he thu kan hriat veleh Lal Isua a chawlh chu kan tum ta a, kan pan thin. Mahse engatinge hahdam taka kan la awm theih loh fo thin le ? A chhan chu Lal Isua a kan awm chung hian kan phurritte chu kan la phur rengthova, kan thla a muang thei chuang lo a nih hi.

Entirna kan sawi ang khian kan phurrit chu kan la nghat lo a ni. Lal Isua hi a rin ngam thlawt a ni, hna lama i harsatnate, sum lama i harsatnate, ngaihzawng vanga i buainate, nupui pasal inkara harsatnate, thenawm khawveng te nena i harsatnate, thlarau lama i harsatna te , engkim mai hi a ke bulah nghat ngam la, a ni chuan a lo chhawk dawn che a ni. Thi khawp hiala min rawn tlantu chuan heng, vawiina i harsatna leh lungngaihna ata hi a va chhanchhuak duh dawn tak che em. Amahah i innghat ngam ang u.

Bu i let tawh lovang u

2011-08-06T12:07:00.001-07:00

DIAKAH MOTOR KAN NAWR

Tum khat chu thian hova Serchhipa kan kalin khua a lum lutuk a, thenzawl lam lui pakhatah inchiah dai turin kan kal ta a. Motor-in kan kal a, lui zuk pawhna kha a chhuk ve khawp mai, chhoh leh lama ruah a sur hlauh chuan kan tang chiang ang kan ti thla mawlh mawlh a. Darkar khat vel hun kan hman hnu chuan thawk leh khatah ruahpui vanawn a rawn sur ta vak mai, kan in saseng a, a rang aranga hawn chu kan tum ta a.

Ruah kha a tlak hnem hman em avang khan kawng pawh hlauh ang ngei ngeiin a diak chho ta ngei mai. Kan motor ken kha four wheel a lo ni lo hlauh bawk nen, tan kan hlauhna em emah chuan kan tang ta. A chho ve ropui si a, a hnungah kan nawr, kan nawr chhoh ve nual hnuah a ngaiah kan tawlh leh thla leh a, chutiang chuan vawi sawm dawn a nal em avang chuan hmasawn thei lovin, a bul atang bawkin kan nawr kan nawr a, a beidawn thlak khawp mai.

A chirh em avang chuan kawngpui pangai kan thleng chho thei dawn lo tih kan hrechiang a, tichuan motor tlanna turah khan lung nawi thahnem tak kan vawm ta a, a tawp a tawpah chuan kan innawr thleng chho thei ta hram a.

BU LET TAWH LOVANG U

Hetiang deuh chiah hian keini Mizo Kristiante hi a bul atang bawkin rinna kawng hi kan zawh tha leh thin. Camping kan nei a, kan hlim em em a, mahse a hnu thla nga vel lekah kan DA leh a, tichuan a kum leh camping-ah Evi leh Adam-a atanga tan lehin, kan Piangthar nawn awn awn zawng a nih hi. Hma kan va han sawn chak lo tak em.

Hebrai 6:1,2 -ah chuan, “Chutichuan, Krista thu bul hril tawh lovin puitlin lam i pan ang u; thiltih thi simna te, Pathian lama rinna te, baptismate leh, kut nghah leh, mitthi thawh lehna leh, chatuana rorelna kawng lam zirtirna te lungphum chu phum leh tawh lovin”. Tih kan hmu. He Bible changah pawh hian a bu let leh tawh lovin, rinnaah chuan hma lam pan ngar ngar a, midang tihhmuh tu leh chanchintha midanga thlen tu ni turin min ti.

Kohhrana camping kan han neih thin dan te pawh hi a tlangpuiin kum tawp lam a ni duh khawp mai. Hei hian an tum ber chu Krismas laia nuam taka zaikhawm theih nan an ti chauh a nih duh hmel ka lo ti mai mai thin. Kan vawikhat camping hian chatuan daih se, Kan vawi khat pianthar hian vanram min hruaithleng ngei se, hnung tawlh tawh lovin, chakloh lai chu a awm tur a ni, mahse a bul atanga nausen anga hnute tuia chawm hun laia let leh kher tawh lovin, hma sawn zelin, tunah chuan hnute tui nilovin chaw rum ei a hun tawh a ni. Hma sawn turin taimak i chhuah thar leh ang u.

Trojan Horse (setana free gift)

2011-07-23T12:01:00.000-07:00

2004 kuma film chhuak Troy kha kan en vek tawh awm e, David Benioff-a ziak niin Wolfgang Petersen'n a direct a nih kha. Trojan War hmuhnawm tak kan hmu a. Brad Pitt kha Achilles niin Myrmidons hruaitu ber kha a ni a, Orlando Bloom/Paris khan Sparta lal fanu Helen kha ngaizawngin an han ru chhuak a, Troy khuaah an hawn a, kha vang khan indona nasa rapthlak a rawn thleng ta a nih kha.

Trojan Horse

An han indo a, Trojans lam khan kulh an neih that em avang khan Spartan tan khan luh a harsa, chuvang chuan an tlawm titih ta a nih kha. Mahse fin phakar chhuahin an hawng der a, Trojan Horse kha an hnutchhiah a, Priam, Troy lalpa khan ngaihhruihna thilpek emaw a ti, chutih laiin Paris erawh kha chuan hal darh vek turin a ti a. Mahse apa chuan Troy khuah chuan a lalut ta tho thova, Chu Trojan Horse chhungah chuan Achilles te chu an lo tawm a, zanah an inrin loh laiin an run ta thut a nih kha, tichuan Sparta chuan Troy chu rapthlak takin a hal darh ta a !!

Trojan Horse Setana hmanrua !!

Hetiang chiah hian keini Kristiante pawh hian hmelma pa beihna kan tawk thin. Kan nitin khawsakna ah hian setana hian thil duhawm leh lawmawm tak tak min rawn tawktar thin. A then chu sum thianghlimlo a nih laiin a then chu zu hmun hlimna leh mipat hmeichhiatna hman khawlohna te a ni bawk a. Hengte hi han en mai chuan an itawm thin em em, kan nuna lakluh a chakawm ngawt thin bawk.

Kan ban phak maiah a rawn dah ta a, lakluh kan duh ta, chutah keimahnia Thlarauthianghlim awm Paris-a khan hal darh vek turin min ti, mahse ngaithla duh lovin kan lalut lui ta a, tichuan nuam kan chen a, kan hlim a, nileng thak thakin kan lam hual ve ta a. Chutah kan thil thalo lakluh chhunga Achilles-a leh a hote (setana leh a hote) chuan kan rinna a pan ber lai chuhin, kan inrin loh lai chuan min rawn bei ta thut thin a ni.

Tichuan nasa takin min ching phar ta a, keimahnia Pathian In kan lo din te pawh chu an hal darh ta a, kan thinlung chhung leh keimahni chu nasa takin mei anga halin kan thinlung chhung chu na takin min hliam a. Thlarau thianghlim thurawn kha lo ngaipawimawhin kan inchhungah khan lalut lo ta ila chuan kei leh ka nupui fanaute kan him tur a ni a !! Tunah chuan a tlai zo ta a ni.

Chuvang chuan heng setana free gift lak chakawm tak takte hi i thliar thiam ang u, chuti lo zawng Troy film ang khan ka thinlung TROY chu hmelma pain luhkhungin a hal darh ve palh ang e.

Relin min tlansan

2011-07-07T12:40:00.001-07:00

Kan khaw mual lehlamah chuan rel horn chu a rawn ri ruai ruai mai a, chutia a ri kan hriat velah chuan khaw mipuite chu hmanhmawh em em chuan an insiam ta nghal sup sup mai a. Kei pawh chu thiante leh chhungte an insiam tak sup sup avang chuan ka thuamhnaw neih ang ang chu ka bag-ah chuan ka vawm lut ve ta mawl mawlh a, chutia kan insiam sup sup lai chuan, "khawi a kal tur nge kan nih ? Engatinge kan khaw mipui zawng zawng chu kan insiam tak sup sup?", tih chu ka rilruah a rawn lang ta thut mai a.

Ka nu hnenah chuan "Ka nu, rel te chu tuk tin zan tin a rawn kal ziah a, tinge vawiin hi kan vaia khaw mipui ho kan insiam tak sup sup le ? Khawnge kan pem dawn a?", tiin ka zawt a. Ka nu chuan "I hnena ka sawi thin kha, khaw nuam deuh panin engtikah emaw chuan kan la kal dawn.. ka tih kha, hei min hruaitutur rel chu a rawn kal mek ta alawm", tiin min chhang a. Ni dawn tak maw, a va han nuam dawn tak em !! tiin phur tak chuan ka insiam chhunzawm ta a.

Rel chuan kan khaw Rel Station chu a rawn thleng ta a, kan khaw mipui zawng zawng chuan a sir tawn tawnah kan lo hmuak a, kan inkhai bawr hlawm kher mai. Ka thianpa Sawmtea te chhung pawh an ui bukchi 'Bruno' chu pawmin, an lo buai va nak nak mai a, Kimi pawh a lehkhabu duh em em te chu a pawm tun a, a keng senglo chuan a nau Jerry chu a ken tir ve teuh bawk a, kan hmelah chuan hlim hmel hi ka hmu vek a, ram nuam takah chuan kan kal tawh dawn si a.

Rel chu a rawn thleng ta tak tak a, muangchang chuan a ding ta ruai ruai a, a ding ta e tih chuan hmanhmawh tak chuan kan lut ta sung sung mai a. rel chu a sei em avangin kan khaw mipui zawng zawng chu kan leng vek dawn chiang, a thlamuanthlak hle mai. Kan chhungkua chuan kan thu ta dal mai a, ka nau Rintei chuan a theihai pai chu a vel sar sar a, a daih chin chin chuan kan ei bawk a. Tun atanga reiloteah kan zinkawng chu kan tan mai tawh dawn, kan phur kher mai.

Chutia hlim em em a kan awmlai chuan Rel Ticket endiktupa hi a rawn kal a,"Khaile, in ticket te rawn phawrh tawh ula, ticket neilo chu a chuan theih dawn loh a nia", tiin ring tak chuan a rawn au lung lung a, an phawrh ta sap sap a, ka chhungte pawh chuan an phawrh ta sap sap a, kei erawh chuan phawrh tur ka nei ta lo !! Mahse ka nu leh pa ten min lo ken kep ang tih ka ring tlat a, Ticket endik tupa chu ka bul a rawn thleng a, ticket ka neih leh neih loh chu min rawn zawt ta a.

Kei chuan ka neih loh thu leh, ka chhungten min ken kep ni a ka hriat thu ka hrilh a, mahse ka nu leh pa leh ka nau chuan min lo ken kep hauh si lo. Mak ka ti em em a, engtik laiin nge ticket kha an lo lei? engatinge ka nu leh pate pawh khan min lo lei kep ve mai loh ? Tiin ka zawt ta a, Ticket endik tupa chuan,"Tumah a inlei kep theih loh, mahni a lei vek a ngai alawm", tiin min chhang ta !! Ticket chu ka nei lo chu a ni ta si a, Rel ah chuan ka zin ve thei dawn ta lo !!!

Chutia mangang taka ka awm lai chuan ka pa chuan "Hmanhmawhin Mual Venga Biak Inah khan va tlan ta vang vang la, ticket chu khatah khan a awm, khata mi kha alawm keini pawhin kan lei, va tlan rawh, i la lei hman ang", tiin mangan hmel tak chuan min hrilh a. Rel atang chuan ka chhuk a, Mual Veng Biak In lam pan chuan ke chuan ka tlan phei ta vang vang a. Ka va thlen chuan mi tam tak hi an lo awm khawm a, Rel Ticket lei tum chuan an lo lut khawm chu a lo ni a.

Chutia Ticket zawnga Biak in chhung kan dap kual suau suau lai chuan Putar pakhat hi maichamah chuan a rawn ding chhuak a, kan hnenah chuan," Ticket lei tur a awm tawh lo, a lei theih hun a tawp tawh, ticket hralh bang zawng zawng chu hal ral vek a ni tawh. He khua hi tlangkangin a tichhe vek dawn tih kan sawi kan sawi thin, chumi atanga chhuahna chu Rel chauh kha a ni, tunah chuan huntiam a zo tawh, Ram nuam pan tur rel chu a chhuak mek e", a rawn ti ta a !!

A rang a rangin Biak in chu kan chhuahsan a, Relah chuan kan chuan ve theih hlauh takin tiin rel lamah chuan kan tlan phei ta dul dul mai a. Rel chu a lo tlan chak chho tan mek a, theih tawka chakin kan um, mahse a tlan chak tual tual si. Kan va ban pha tep,mahse chak takin a tlan ta, min tlansa ta !! Chau em em chuan kan thu ta hnawk a, kan lung a chhe em em bawk a. Sawi tur pawh kan hre lo, engtiklai khan nge Ticket kha an lo lei le ? Ka lo hre ve lo em ni ? Tiin ka inzawt a, ka ngaihtuah chhuak ta. Ka nuin " Ram nuam min thlen tu tur Rel Ticket chu Lal Isua a ni a, Lal Isua i nei tur a ni", a tih thin kha ka hre chhuak ta !!! Mahse a tlai ta si !!

Copy-Paste mai mai kan ni lo

2011-06-25T20:27:00.000-07:00

HTML

HTML code kan kan ziak a, web page -ah milem tar kan duh chuan img src="URL" code hmangin hetiang hian kan ziak thin a nih kha. URL -ah image address kan dah thin a, tichuan web page a kan han view chuan milem a lo lang ta thin. Tichuan kan hriat theuh angin HTML chu kan han remkhawm tak tak a, tichuan Website nalh tak tak a lo chhuak ta mai thin. A nihna takah chuan langlo lam atanga remkhawm a ni a, langlo lam HTML lam chu en ila, Code hlir a lo lang a, hriatthiam harsa tak a ni thin. Mahse a hma lam atanga en chuan Web Page nalh tak leh tangkai tak a ni si.

Engemaw (virus) vang emaw code kan ziah sual emaw vangin thil diklo a lo awm thei. Entirnan, milem tarlanna code hi en ila, img src="URL"-ah hian "src" hi lo telh lo ta ila, milem kha web page-ah a rawn lang thei dawn lo hrim hrim !! A chang chuan kan buai thei khawp mai, tichuan HTML code lam kan han en chian chuan code kha a lo diklo a lo ni a, kan siamtha a, tichuan milem a lo lang leh ta mai thin a ni.

HUMAN CODING

Hetiang deuh chiah hian mihring pawh hi DNA code remkhawm kan ni a, HTML hmanga Web banner leh Widget te a awmna tura kan remkhawm ang deuh hian kan hnar awmna tur te, kan hmel awm dan tur te, kan vun rawng...engkim a nihdan tur kha DNA code hmanga remkhawm kan ni. Khawilai emaw, kan ban emaw kha lo kak duai ta se, code tam tak a (break) a ni a, a lo chhe thin, mahse changkang deuh chu automatic in a in (manipulate) leh a, tichuan kan dam leh ta mai thin. A then kan tawngtai a, cancer te leh natna dang te an lo dam mai nachhan hi chu Pathian, mihring program ziaktu chuan hmuh theih loh atangin DNA code chu a lo khawih a, tichuan kan dam ta thin !!!

COPY-PASTE KAN NI LO

Kan thupuiah lut chho ta ila, PHP ,CSS,JAVA, HTML. etc.. te hi code ziak sa a awm teuh thin. Website kan han siam ve a, a tam zawk chuan mi code awmsa kan hmang a, kan copy-a, kan paste leh thawr thin a, a awlsam em em. Chutih laiin mi thenkhat chuan a bulthut atangin, Note Pad atangin an han ziak a, Web pakhat ziah chhung pawh thla hnih dawn lai te pawh a ni thin. Hetianga coding thiam tak tak ho hi chu an ngaihsan awm a, an ni chuan an Copy-Paste ve lova, mahniin Manual takin an type a, a harsain a ropui a ni.

Awle, he khawvelah hian kan lo piang ve thawr a, a then chuan piang lo ta zawk ila ni tur a nia, tiin kan lo tawng ve mai mai thin bawk. Khawvel mihring maktaduai tam tak awmna zingah hian mipa khat ve mai ka ni a, hlutna em em pawh ka la neilo zui, ropuina pakhat te pawh ka neilo a ni, te kan ti thin. Hei hi kan hriat hmaih a ni, heng mi tam tak kara pakhat te pawh hi uluk taka designed kan ni asin.

A then chu sawn kan ni, a then chu piangsual kan ni, a then chu hmelchhe deuh kan ni. Mahse heng zawng zawngte hi Pathian in uluk taka a duan leh manual taka a siam vek kan ni. Mitin hi kan special a ni. Copy-paste angin mihring hi min manupulate lo, Manual takin Notepad hmanga a bulthut atanga Web an design angin kan DNA code hi Ama kut ngeiin a ziak a, tupawh hi fimkhur tak leh a tha thei ang berin min duang a ni. Chuvang chuan Mi zawng zawng hi kan Special a ni. A va ropui tak em, Pathian hming chu fakin awm rawh se. !!!

Sam 139 : 14 hi en lawk ang, a khaikhawm nan "I hnenah lawmthu ka hrilh ang che; hlauhawm tak leh mak taka siam ka ni si a : I thiltihte hi mak tak a ni a; Chu chu ka nunna hian a hrechiang hle a ni".

Thlarau thianghlim leh kei (Penticost Ni pual)

2011-06-12T06:38:00.001-07:00

Vawiin Penticost ni a ni a, penticost ni a lo awm chhan chu sawi ngai lovin kan hre vek awm e.Thlarau thianghlim hnathawh hi mahni tawn tawh atangin han sawi ve mai mai ta ila.

Thlarau thil pek chi hrang hrang a awm a, chung chu mipakhatin a dawng vek lem lo, chuvang chuan mi hrang hrang hian dawn hrang hrang kan nei vek a, chung thil chi hrang hrang in zawm khawm chuan Kohhran hi a lo ti alh a lo ni a. Chu chu hre hmasa ila, tin, a awlsam leh hriat awl zawngin sawi tum ta ila.

Rawlthar kan rawn nih chhoh ve lai khan Youth For Christ ah nasa takin kan inkhawm ve thin a ni. Nuam kan ti em em a, kan hlim thlawt, item hmuhnawm tak tak leh life band te kan nei reng mai a, inkhawm hi kan pung thur thur thin. A changte phei kha chuan a zialo lam deuh hlek thin chu ani a, Drama kan chang a, Eminem te kan play a, a then chu an lo ip zawr zawr thin ang, nia..a thenah kha chuan kan dai pelh maithei a ni.

Pawn lam atanga min rawn en tu kha chuan a chang chuan khawvel min ti thin khawp ang ka ring. A dikna chen pawh a awm ang, a chhan chu keini pawh khan Thlarau thianghlim leh hlim lo lam pawh ngaihtuah lovin kan lo tal tawp tawp thin kha a ni a. Mahse tun hnu hian ka'n ngaihtuah let leh ta a, tleirawl sual pawh nei hman lek lova min siamtu kha chu khang YFC programme vel kha a lo ni reng mai tih ka ngaihtuah let ta a.

Tichuan ka thian dangte pawh ka'n ngaihtuah ta zel a, ruihhlo lo ti ta lawp lawp pawh an awm, mahse Kohhran ah bawk an rawn let let ta hlawm a, a mak ka ti kher mai. A chhanna ka hmuh tak chu khang hun lai leh tun thleng hian khang YFC a kan lo inhmanna avang khan Thlarau thianghlim hian min lo awmpui reng chu a lo ni a, hriak min thih a, kan kal theihna tur chin ramri min lo kham sak vek a, chu bak chu kan pel thei ta lo, thil sual lo ti ta pawh ni ila, thui tak kan peng tak tak thei lo a ni !!! Ka ngaihtuah let chang hian a mak ka ti a, khang hunlai khan Thlarau awmpuina kan dawn kan hre lem lo, mahse hun tam tak a lo kal hnu hian kan chiang em em si a ni.

Thlarau chu Tisa a ni.

Thlarau thianghlim hnawthawh tih hian hmanah kha chuan rau deuh ngun, lam deuh fua fua leh khuk deuh chem chem..a chang leh eng deuh pup pup ni tur tein ka lo ngai thin. Chuvang chuan Thlarau thianghlim hi keimahah a inlar ve lo aniang a ka ti thin. Mahse tupawh Krista nei tawh tu chuan Thlarau thianghlim a nei tawh tih kha a ni si a, ka buai thei ve khawp mai. Amaherawh chu hrilhfiahna dik em em mai ka tawng chho ta a.Insum theihna, thuawihna, thianghlimna, rinawmna, hmangaihna, etc.. hengte hi Thlarau rah an ni a, hengte hi nei tur chuan mihring taka thlawh a lo ngai thin zawk a lo ni. Ka sawi thiam dan chu Thlarau thianghlim hnathawh hi a lo RAW em em mai a lo ni a.

Mihringin kan tih loh chuan thlarau hnathawh hi keimahniah a lo lang thei reng renglo mai chu a lo ni.Kan duhthlanna hmanga mihringin insumtheihna te kan thlan loh chuan thlarau rah kha keimahniah a lang thei ngai lovang, chutiang zelin mihring taksa hi a chet hmasak zel a ngai a, chu tak chu a ni RAW tak chu, a rawn ri riai riai lo, a rawn khu tulh tulh lo,tisa chakna te kha thlarau chuan hnawl mahse taksain a duh tlat chuan thlarauah a awm thei chuang lo, chuvang chuan fim takin, duhthlanna hmangin Pathian duhzawng kan thlang chat chat anga, Thlarau thianghlim hnathawh chu keimahniah a rawn lang mai dawn a ni.

Pathian thuawih

2011-05-29T22:27:00.000-07:00

Text message ka dawng a, "Office-ah lo kal lawk teh", tih a ni. Mahse tunge a nih ka hriat mai loh avangin ka kal lova, a hnu deuhah ka nau a hnenah chuan tu number nge tiin min rawn text tu chu ka zawt a, a ni chuan "Ka pa number thar a nih kha", tiin min chang a, chuveleh ka peih emaw peih lo emaw, kapa a nih avang chuan min kohna lamah chuan ka kal ta vat a.

Ka pa thu chu engvangin nge ka awih mai kan tih chuan, a fapa ka ni a, ka tet te atanga min enkawl seilian tu a ni. Ka hlauva, ka tih a, mahse ka mamawh leh duhte chu tlangnel takin a hnenah ka dil thin, ka ngainaa, a kianga awm ka duh thin, a chhanchu min hmangaih tih ka hriat avangin. Message ka dawn tirh kha chuan tunge a nih ka hre nghal mai bik lo, hrelo tlang ilang chuan ka kal kher lovang.

Pathian thu kan awih tur a ni kan ti thin, mahse kan awih thei chuang si lova !! A thupekte kan awihloh thinna chhan hi chu tunge thu min petu kha kan hriatchian loh vang a ni. Pathian hi engkima kan engkim, lei leh van siamtu, engkim siamtu leh engkim chunga thu neitu a ni tih hi hrechiang ngat ila chuan a thupekte hi kan zawm lo thei lovang. Mahse Bible te chu kan hria a, Pathian pawh kan ring kan inti, mahse engatinge a thupekte hi kan zawm theih si lo ?

A chhanber pakhat chu Pathian hi kan lo hrechiang tawk lo a ni."A then pawh kan hre thei lo, he luikam atang hian", kan ti thin, a dik e. Nia kei pawh khan SMS ka dawnna ka pa beng len zawngte, a pumpui len zawng te, a ngaihtuahte thlengin ka hre chuang lo, mahse min hmangaihtu leh min enkawltu a ni tih ka hriatchian em avangin a thu ka awih a ni. Pathian hriatchian tih khan a nihna zawng zawng hriat vek kher ka tihna a ni lo, min hmangaih zia leh engkim siamtu a nih zia hi hrechiang ila chuan a thu kan va han awih dawn tak em.

Lal Isua kan hriat dan te hi a thawnthu lutuk a, M&B leh Sudden-a thawnthu ang deuhin kan ngai ni berin ka hria. A chang chuan mahnia Pathian zawn ve te hi a ngai thin, SMS ka dawn khan ka nau kha tunge a ni tih va zawt leh kherlo ila chuan min rawn SMS tu kha ka pa a ni tih ka hre dawn hauh lo, chutiang chiahin Pathian hrechiang tur chuan Bible te kan keuva, a chanchin an sawite kan ngaihthlak a, a hnena kan tawngtai thinte a ngai dawn a ni.

A tawp nan chuan thu kan awih dawn chuan thu min petu kha kan hriat chian a ngai a, chumi hrechiang tur chuan keimahni lam pawh kan inhawn ve a ngai. Pathian hi hrechiang ngat ila chuan "Sawtah sawn kal rawh, chu chu lo ti rawh", tiin thu min pe ta se kan tlan nghal dawr dawr chiang khawp ang le.

Kan va han lawm lo em em !!

2011-05-21T23:14:00.001-07:00

Hero Honda Bike CBZ kha a rawn chhuah tirh kha chuan a va han nalh tak em !! Mizoram bike awm tawhah chuan a rawn chhuah thar lai hunah chuan a la nalh ber maithei a ni. Chutah Krizma a rawn chhuak leh chiah kha zawng a nalh thlawt a ni. Thenkhatin fiamthuin, ' Karizma pakhat hian nula pakhat a chhawm' te an ti thin. A nalh tak zet a, a neilote pawh khan kan awt em em a nih kha.

Kan thianpa pakhat hian a awt lutuk chu a nute a dil ngar ngar a, a nu leh pate chuan an lei ta nge nge a, a'n lawm mai mai khawp a, khatiang em em a lawm kha ka la hmu tam awm love, hetiang hian a sawi a, " Kan inhnuaiah hian kan dah a, kan lak thar ni chuan vawi thum ka hru chhuak hman, tichuan zingah ka thova, Karizma bike thar ka nei tih ka hrechhuak thut a, ka mumang emaw ka la ti a, inhnuai lam chu ka zu pana, a lo awm chiang si a, ka va han lawm tak em.

Class ka kal te pawh hian lehkha kan zir mawlh mawlh lai te pawh hian ka ngaihtuah chhuak leh thut thin a, ka nui vur vur thin", tiin hahipin a lawm zia leh nuam a tih zia min hrilh.

Chutiang ang deuhva lawm em em mihlim nu pakhat hi kan kohhranah a awm a, chu nu chuan chhandamna a chan chung chang hetiang hian a sawi a, " Suala thi mai tur, hremhmun sarep ni mai tur kha Lal Isuan Kross-ah kan tuar ai tuarin min tlan ta a nih chu !! Chu chhandamna changtu chu ka ni tih ka hriat chuan hlimin ka zuang a, ka lam lo thei lo a ni. A aia thu ngaihnawm leh min tihlimtu hi a awm dawn chuang em ni ? Zana ka mu ka than harh changte hian ka hrechhuak a, Halleluiah ka pe lo thei lo a ni. Khawi ilo ka kalnaah ka thinlungah a cham reng a, engpawh ka chungah lo thleng pawh nise ka lawm zel tawh a ni", tiin chhandamna a chan avanga a hlimzia a sawi thin.

Keini hi han inen ila, chhandamna chang tawh kan ni deuh vek ang, mahse engatinge kan va han hlim lo em em ve !!! Pathian fak te hi kan va han hreh em em ve mawle. Motor thar kan neiha kan lawm ang te tal pawh khan chhandamna kan chan avang hian hlim thei ila !!! Thihna ata kan chhuak hi a lawmawm thlawt a ni, khawvel thil ral thei kan neih pawha heti em ema kan lawm chuan chatuana nunna, ral ve thei lo tur kan chan avang hi chuan hlimin kan zuang tawr tawr tur a ni dawn lawm ni !!

Thuam chhawm

2011-05-07T20:52:00.001-07:00

Kan thiannu pakhat hian a ngaihzawng thar leh an buaina chanchinte min hrilh mawlh mawlh a. Ngaihzawng duh deuh a nei thin a, mahse chhungkaw inhmuh thiam lohna avangin inthlahlel em em chung chuan an inthen ta a, a hnu kum khat velah chuan mipa pakhat hi a tawng leh a, chu chu a chhungte pawhin an duhpui em em a, a ni pawhin a duh ve em em. Kum lamah pawh pasal neih hun tak a ni a, kum thum vel inzuia pasala neih mai a duh , mahse chutia in hmangaih taka an inkawm lai chuan zankhat chu nasa takin an buai ta a.

A zungbun bun leh a thi awrh chu tu pek nge tih a bialpa chuan a zawh chuan a ni chuan tha takin a ngaihzawng hmasa pek a nih thuin a chhang a. Chu veleh a ngaihzawng hmel chu a rawn dur khuih khuih mai a, a rang a ranga la thla turin a hrilh ta a, tin, a ngaihzawng hmasa thil a kawl thil engpawh chu dah bo turin a hrilh ta nghal a. Kan thiannu chuan chutia dahbo kher a ngai em ni ? tiin a chhang a, a bialpa chuan "I dahbo loh chuan i thu thu a ni e", a ti ta hmuk a. Chutah kan thiannu chuan a bialpa duhdan ang chuan a dahbo ta hlawm a. A hnuah chuan hlim takin an khawsa dun leh thei ta a.

Keini pawh hmanah chuan setana ta kan ni thin a, setana nen pumkhat kan ni. Mahse Pathian khawngaihna a vangin piangtharin Lal leh chhandamtuah Lal Isua kan thlang tawh. Lal Isua hlim taka kan biak lai hian heng kan ngaihzawng hmasa setana thuam kan la chhawmte hi Lal Isua hian engtin nge a ngaih ang ?

Kan T-shirt ngainat zawng ruhro lem leh thu tha lo pui pui inziakrangte, kan music duhzawng ni thin Pathian fakna tel miah lo leh setana fakna hlate, tharum thawhna leh mipat hmeichhiatna hman khawloh leh ruihhlo ti tura in zirtirna hlate hi kan ngaihzawng hmasain min pek kha a ni a, hengte hi kan la chhawm zel dawn em ? Tin, a thil pek kan la chhawm thenkhat dang sum ngainatte, chaponate, dawtte, zu leh ruihhlo leh a dangte.. hengte hi setana thuam kan chhawm kha a la ni zel a, Lal Isua nen pumkhat kan nih hnu hian heng thil hi chu Lal Isua hian amah nena kan inkarah hian lakluh a phal tawh lo a ni. Dahbo vek turin min ti a ni, vawiin atang hian Lal Isua kan hmangaih a ni tih kan lantir nan setana thil kan chhawmte i dahbo ang tawh ang u.

Hmanlai chuan

2011-05-05T12:02:00.000-07:00

Kan kudam ka hai ka hai a, Green Bag (Burma Green Bag) Middle school vela kan ah thin kha ka hai chhuak nawlh a, ka lung a ti leng kher mai. Metallica tih te a la chuang kulh mai a, hman lai min ngaihtuah chhuah tir a, nichin lawka thil thleng ang mai khan ka mitthlaah a rawn lang zut zut mai. Hun hi a va lo kalchak tak em, nimin mai kha emaw ka ti a, mahse kum a lo vei ve nual ta, kan naupan laia kan khawsak dan leh khatih laia kan uar deuh deuh te kha tunah chuan engah mah an ngai tawh dawn si lova, thil hi a lo danglam chak hle mai.

Kungfu Shoe :

"Huah.... a chung dum a hnuai var...". Kan ute khan an bun nasa thin khawp mai, ka awt ve thin lutuk, ka nu leh pa te chuan min lei ve ta a, ka intithei kher mai. Mahse a chhuat nal khawp mai, kan tawlhthlu ngun bawk. Mualah kan kal kawm a, kan ute zinga pakhat hian kunfu min zirtir thin a, kan ti ve nasa thei khawp mai. In Capstan kan ti mai a, Ciggarette bawm ruak hian kil 4 neiin kan siam a, chu chu kan invawmchhuah siak thin, chungah chuan Kungfu Shoe khan a hnawl chhuak hnem thei hle.

Tawlhpahrit :

Kan kawmchhakah hian field mual phul nuam tawk a cham thla put a. Chutah chuan tawlhpahritin kan tawlh thin, a va nuam thin tak em.Thing tlawn chu kan sat tleu a, a tlawhchhan leh a thutna kan siam a, a hnuai chu mombati leh khawnvartui kan hnawih a, kan tawlh ta thin a nia, a chak thei khawp mai. Mahse a thutna kan kilhna perek kha a lo lawr theih thin avangin kan kekawr mawng hi a thler nasa thin, nu leh paten min hau nasa thei khawp mai.

Chi thak :

Primary School kan kal lai a ni a, chithak kha a va lar thin tak em. Chithak mai bakah chithak tui kha bottle in kan pai a, kan intithei thin kher mai. A induh ve kha chu kan kid te vek an ni tawh mai a, a chang leh kan in um tir a, kan inum tir zawhah tlemte kan in tir/liah tir ve a, an lawm ve thei lutuk.

Inrallem chan :

"Mala threng.... ".... "Ka Pil hman"... Ka pil hman kan tih kha chuan tih ngaihna a awm lo, kan pil hman a ni mai. Kan han inveh nasa thei laileng khawp mai a, vawi khat phei chu nileng thakin sikul tlanbovin kan inrallemchan mawle, a hrat thlak kher ka ti leh hnuhnawh. Tunlaia computer games-a Counter Strike an khela nuam an tih ai mah hian nuam kan ti tlat.

Gari khalh :

A then chuan motor engine chhiate an nei a, keini chuan motor tire chhia hi a sir kan zai kual a, zang tein kan zai thla a, chu chu kan vaw lir a, veng chhung hi kan hel chhuak ve ngat ngat peih nia mawle. Need for Speed kan hrelo reng reng, chuti chung chuan kan tlan chak ve em em thin a, kan intlansiak vel thin bawk, a nuam ka ti thin thlawt.

Glycerine:

Thlasik a lo ni a, kan chhuak lo thei bawk si lo, kan hnap tahna kan kawrban chu a dum khak tluk mai a, in kan han haw a, kan nuten minhan bual a, kan va han chat khir thei tak em. A bik takin kephah chung hi a chat dum tluk thin a, kan nute hian min han nawh sak a, chutah kan inbual zawh chuan glycerine ngei chu min han chulh ta mai thin a nih chu !! A thip thak sup sup thin.

Chite :

Kan veng atanga lui kan hnaih ber chu Chite lui kha a ni a, hei vang hian kan nunah chite lui kha a bet tel ve tlat a, kan la naupan zual deuh lai kha chuan Zothanate veng mawng Loliam luiah khan tui kan cheng thin a, kurungah te khan kan cheng ve nasa thei khawp mai. Chite leh tamchhawl hian inzawmna an nei tlat a, nuam kan ti thei lutuk kha thil ei nachang hre miah lovin kan tei a, a tawpah chaun kan tamchhawl leh nge nge thin. Chhungte phallo chung chung pawh khan kan va han kal ngun thin tak em !!!

A sei dawn lutuk,.. duhtawk phawt ang, in naupanlai chanchin rawn sawi ve teh u, kan uar em em thin thil te khan lung a ti leng thin thlawt. Sawi tur thing deuh deuh pawh ka la nei teuh a nia, nangni pawhin in nei vek ang, thing tak tak, nuihzatthlak tak tak te... naupan lai i nei ve a nih chuan han ngaihtuah let la, han sawi ve tak tak teh.

Tla fal suh

2011-04-30T12:40:00.001-07:00

National Geagraphic leh Discovery channel-ah te kan hmu thin. Ramsial hi a hohova tla thin an ni a, an pem pawhin a huhovin an pem thin. Hetia an chetla lai hi Sakeibakneite chuan an lo thlir reng thin a, a chaklo deuh leh kal fal deuh chu an lo thlithlai reng bawk a. A tlafal an hmuh hlauh chuan an um ngheng a, an seh hlum thin.

Kohhran hi Kristiante tlat khawmna hmun a ni a, heta awm hi a him em em a ni. Hmanah chuan Kohhran bel em em loh pawhin pangai takin kan nung thei a, kan duh hunah kan bel leh mai thei thin. Mahse tunlai khawvelah chuan a ni ta hauh lo mai. A chunga kan sawi ang chiah khian Diabola chu sakeibaknei rûm thin angin a ei theih tur zawngin a phi ruai ( 1Peter 5:8 ) mek a, kohhran hlata awm chu a lo seh chat chat ta. Kohhran bel duh lo chuan an mamawh hunah pawh kohhran belh an han tum a, mahse a harsa ta. Hei hi setana sehna hmuamhma vang a ni.

Nikum hmasa khan kan KTP hruaitu pakhat inti thlarau zet hian mahni intihlum an tam em em tur thu sawiin, tih lungngaih thuta, luhchilh a, chutah an inrin loh laia mahni intihhlum tir chu setana tactic thar a nih thu a sawi a. Hemi a sawi lai kha chuan mahni intihlum chu awm ve tho mahse an tam lem lo, ka awih chiah lova. Tichuan a hnu lawk thla hnih pawh a ral hma khan inawkhlum kha Aizawlah 2 vel an awm hman !!! E he.. ka ti ta a.

Tichuan a thusawi chu a dik dawn nge dik dawnlo .. tiin ka ngaichang reng. Hei 2011 April thla kan hmang zo ta a, nikum hmasa atang khan chhut let ila, mahni intihlum an va tam tawh tak em !! A sawi kha a dik a, a sawitupa kan KTP hruaitu thin kha Pathian thlarau kaihhruai ngei a ni e ka ti ve thei ta. Pathian kaihhruaina hnuaiah thlarau bo engemaw zat an chhanchhuak a, thlarau sualin a tihbuai tam tak an tidam bawk. Tun kum atang chuan mahni intihlum mai bakah lungphu chawlte, accident leh Stroke avangtein thihna a tam zual dawn a ti leh a, a dik angem ? Lo ngaihven leh chhin ila.

Hemi ka sawi kual duah nachhan chu, tunlaiah Kohhran belh hi a pawimawh a ni. Hman ang kha a ni tawh lo, setana hian hun a nei tlem tawh a ni tih a inhre chiang a, chu vang chuan a hmanhmawh em em tawh a ni. Hetia a phi ruai nachhan hian awmzia a nei tih hriat ve kar tur, inring rengin i awm ang u. Tumah tlafal lovin, hawhu kohhran i bel tlat ang u, Kohhran hi Lal Isua krista din a ni a, kan lu chu Krista a ni.

Laminin (Kross chhinchhiahna) !!

2011-04-27T02:52:00.000-07:00

Mihring taksa hi cell tamtakin a siam a ni a, heng cell te hi Protein siam an ni, heng cell hrang hrang leh organ hrang hrangte hi felfai taka pawt zawm tu chu Laminin a ni. Laminin hi Protein chi khat ve tho a ni a, Laminin hian kan taksa bung hrang hrang, vun leh engkim hi a pawt/char khawm a, a tangkai thlawt a ni.

Laminin hi Microscope hmanga en chuan a shape hi Kross (Lal Isua thihna Kross) ang chiah kha a ni a, hei hi a mak em emna pakhat chu a ni. He thil hi an hriat chiah chuan Kristian te an lawm kher mai, Pathian hian Amah leh mihring inkara inremna hmanrua Kross hi a lo dah pawimawh em em a, hei vang hian thil lian ber leh te berah pawh Lal Isua thihna Kross lem kha a chuang a ni tiin an sawi.

Kolossa 1:17 -na kha en lawk ila, "Tin, ani hi chu engkim awm hmain a awm reng a ni, amahah chuan engkim hi a ding ho bawk a ni", English hian a chiang zawk mai thei.."He is before all things, and in him all things hold together." Lal Isua thihna chuan Pathian leh mihring inkar khichat chu a zawmin a phuar khawm leh a, hetiang chiah hian Laminin, Kross ruangam nei chuan mihring cell zawng zawng hi a zawmkhawm a, a phuar khawm a ni. A mak a, sawi tur vak pawh ka nei hran lo, Pathian hming chu fakin awm rawh se..

Isua kha Hremhmunah a kal ngei ka ring

2011-04-24T10:44:00.001-07:00

Sunday School-a Senior Department ka nih vel khan nitain ka hria, Good Friday leh Easter Sunday kan hman laiin ka rilruah a rawn awm tlat pek a, ka ngaihtuah nauh nauva, tun thlengin Good Friday leh Easter Sunday vuakvetah hian ka hrechhuak thin. Chu chu hei hi a ni,"Lal Isua kha hremhmunah a kal" tih hi.

Lal Isua kha Kalvari tlangah Kross ah a thi a, thlana an phum hnuin nithum niah a tho leh tih Matthaia, Marka, Luka leh Johana ziakah kan hmu a nih kha. Ni thum leh zan thum a thih lai khan Lal Isua kha a zirtirte zingah a inlar kan hre lo, a chanchin sawi tur a awm lemlova, Bible -ah hmun li velah chauh a inziak a, hetiangin ,

"Mitthi khuaa hnutchhiah nilovin, a ruang pawh a tawih loh tur thu a sawi hi , Krista thawhleh tur thu a sawi a lo ni". Tirhkohte 2:31 "Krista pawh kan sualte avangin vawi khat a thi a, Pathian hnena hruai theina tur che uin, mi dik tak chu mi dik lote tan a thi a ni. Tisa tihhlum a ni a, thlarauvah erawh chuan tihnunin a awm. A ni chuan tan ina awm thlaraute hnenah thu a zuk hril a. Chungte chu Nova lawng tuk chhunga Pathianin dawhthei taka a nghah laiam awih duhlote thlarau kha an ni" 1Petera 3:18-20.

Bible chang pahnih ka rawn tarlan atang khian Lal Isua kha mitthi khuaah a zu kal ngei ani tih a lang thei a, chu mittthi khua chu hremhmun hi a ni thei angem ? Ka rindan chuan Lal Isua kha hremhmunah a kal ka ring tlat a ni, ka rinna chhan hrang hrangte chu :

MIHRING CHAN TUR CHU HREMHMUN A NI

Kan bawhchhiatna avanga mihringin kan chan tur chu thihna a ni. He thihna hi kan lei taksa thihna piahlama leilawta tlarau thihna a ni. Chu chu a awlsam zawngin hremhmun kan ti mai thin a, mi thenkhat chuan hremhmun leh meidil hi an sawi hrang thin a, chulai chu ngaituah em em lo ila, kan chantur chu hremhmun a ni tihah hian duhtawk ila. Kross lera rawn thihna chauh kha niin ka hre ta tlat lo mai, kan tawrh ai a tawrh dawn tak tak chuan kan tawrh tur tak tak chu hremhmun chatuan meipui a ni. Kross lera thihna kha chu hremhmun kalkawng chauh niin ka hria.

MIHUAISEN LAL ISUA GETSEMANI HUANAH THIH HLAUVIN

Lal Isua kha mihring famkim a nih avangin keini angin thih te chu a hlau ve thovang, mahse mihuaisen chuan thih pawh hi engah mah an ngailo. Indona chi hrang hrang chanchin kan hre tawh thin, mi huaisen tak tak, mahni ram leh hnam chhan nan hlau miah lova an nunna an hlan thin chanchin kan hre thin. Sawisak leh Korss lera thihna ka sawi nepna lam nilovin... Vuak leh khenbeh a tawrh dawn avang khan a lungngai ve thovang, mahse kha ti em em a hlau leh thlan thisen ang hiala far khawp kha chu kha kross thihna chauh kha a mission a ni lovanga tih rin theih.

Getsemani huanah khan"Kapa he no hian min pel lul rawh se", tiin a tawngtai thlawt a nih kha. Juda tlangval huaisen khan kha Kross ler thihna kha chu a hlauh em em ka ring lo ve tlat, hemi phena thil inthup awm thei chu hei hi a ni, Lal Isua kha lei leh van siamtu, vanram leh hremhmun siamtu a ni a, hremhmun hlauhawm tur pawh a hre dawn chiang a ni, chuta kal chu a hrehthlawt a ni tih hi.

PATHIANIN A KALSAN

Lal Isua kha a thih dawn khan ring takin a auva, "Kapa, Ka pa, engah nge mi kalsan?" tiin. Engvang chuan nge Lal Isua kha Pathian khan a kalsan tak kher le ? Lal Isua kha a thih khan vanramah kal dawn chu nise Pathian khan a kalsan kher a ngai dawn a mi ? Lal Isua kha Pathian awmpui tawh lohna hmun Gehena ah a kal dawn avangin Pathianin a kalsan ta a ni !!!

THOLEH ISUA KRISTA

Khawvela a rawn kal dawnin Mari'n a paia, a rawn piang a nih kha, He a lei taksa kha a lo thi ta a, chuta tanga rawn thawh leh kha chu a harsa em em dawn em ni ? Awmlo ata a rawn pian theih chuan a awmsa taksa, thlana mu reng rawn luah leh kha Pathian tan chuan thil harsa a ni em em lo maithei asin. Chutah tak chuan Hremhmunah a zuk kal ngei a ni tih hi ka ring ta a. He taksa thihna, thih khatna hi ka sawi nepna nilovin, thihhnihna, thlarau thihna hi a hneh ngei tur a ni tlat. Chutah chuan a thlarau chu thih hnihnaah chuan thi ve lovin, hremhmun thil tihtheihna pawhin a chelh beh zawh loh khawpa ropui chuan a rawn tho leh ngei a ni tih hi ka ring a ni.

He taksa thihna hi a hneh a, thlarau thihna, mihringin kan tawh ngei ngei tur hi a zuk hneh ta bawk a ni. A thihna kha taksa thihna leh thlarau thihna a ni a, taksa thihna leh thlarau thihna chuan an chelh ding zo lo, a rawn tho leh ta a ni. Hei tak hi a ni a, Lal isua chhandamna hi taksa leh thlarau damna a lo ni ta a ni.

CONCLUSION

Lal Isua hi hremhmunah a kal ngei a ni tih ka rinna hian ka chhandamna a tihbuai phah lova, tin, Korss lera a thihna leh vuak leh sawisak a tawrh kha ka sawinepna a ni lo. Kha Kalvari tlanga a thihna kha hremhmuna kan tawrh ai a tawrhna tura a kalkawng pakhat a ni. Taksaa a thihna leh hremhmun a zuk hnehna kha ropui taka thlawhleh a ngaihna chhan zawk chu a lo ni. Lal Isua hremhmun a kal ka rinna hian nasa takin a hmangaihna min hriatfiah tir a ni.

Inphatsanna

2011-04-21T09:39:00.000-07:00

Pathian khawngaihna azarah ka nu leh pa leh ka unau ten min la boralsan lova, hetih lai hian mihring nuna rilru hrehawmna engemaw zat chu ka lo tawng ve tawh. Ngaihzawng ten min kalsan avanga hrehawm tih em em changte, tawngkam ngaihnawm loh deuh deuhva midangin min an khum changte ka lo tawng ve tawh thin. Heng zawng zawng aia na leh hrehawm ka la tih chu ka thian thaten min phatsan tum kha a ni.

THIAN INHMANGAIH

Mizoram pum huap Under 16 Football Tournament-ah kan tel ve dawn a, kan inbuatsaih ve nasa khawp mai. Kan Team hi naupan lai atanga inkawm hovina kan din a ni a, kan inkawmngaih avangin kan tangruala, team tha ve tak chu kan ni thin. Kan hausa lova, Tournament telna tura Entry Fee-ah pawh kan buai viau thin. Hetih lai hian kan vengchhunah Team dang pakhat an awm ve a.
Kan venga mihausa deuh pakhat ta a ni a,jersey leh ball bout pawh an duh hun hunah an dawng thei. Kan team-a kan thiam neih pathum kan thiante chu an team-a tel turin an lo sawm thin a, mahse kan thiante chuan an duh loh thuin an lo chhang thin.

Kan thiante pathum chu kan innghah ve na an ni a, anni pathum an tel chuan eng team mah hi kan huphurh bik lo. Tournament hawn niah chuan team zawng zawng field-ah kal vek tur a ni. Tin, kan venga team pakhat zawk, kan thiante rawn sawm thintute chuan first match an khel dawn bawk a, vannei kan ti hle. Tichuan Republic veng field-ah a hawnna hmang tur chuan kein kan phei dam dam a, naupang leh zual, kan team tan em em thinte nen chuan hlim deuhvin kan kal hova. Mahse kan thiante pathum chu kan zingah an tel ve ta hlauh lo mai, kan han inzawt hlawm a, kan striker chuan "An hmanhmawh deuhva, field thleng hmasa turin an kal ta nih kha", tiin min chhang a. Ngaih thatlohna engmah nei lo chuan kan kal ta zel a.

INPHATSANNA HUATTHLA CHU

Chutia hlim em ema kan kal dam dam lai chuan kan veng atanga team tel ve, hausa deuh ka tihte ngei khan intithei deuh hian Taxi ngei hian min rawn tlanpel a, a nuam kan ti chiah lo, mahse kan inlungrual tho tiin kan inhnem. Taxi pali chuan min tlanpel a, a pangana a rawn tlan ta chiah chu, kan thiante pathum, a hmaa an lo sawm an lo sawm thinte ngei kha chumite jersey ha ngei chuan taxi hnungah chuan an thu kan hmu ta, kan hmel pawh hmu duh lo chuan min tlan pel ta a !!! Kan thin a rim lutuk, sawi tur pawh kan nei lo, kan hawi kan hawi a. Kan Team zinga nuapang deuhte kha chu an mittui a parawl tuauva.

Ka rilru a na a, sawi tur ka hre lo, keipawh chu ka hawi ka hawi ve mai a. Tette atanga inkawmho kan ni a, khatiang mai mai khan min phatsan ka ring ngai lo, a mak ka ti a, tun thleng hian mak ka la ti reng. Ka zawi vek a, ka hrawk hi a na nghal vawng vawng. Chil lem zawng ringawt pawhin a na a, ka'n hawi chhuak a, ka Teammate-te hmel ka hmuh khan hrehawm ka ti leh zual, khatiang em em a beidawng hmel kha ka la hmu ngai lo. Tournament chu kan khel ta a, an ni chuan 3rd Round an thleng chauhva, keini chuan Semi Final kan thleng a, anni pathum kha chu awm selang chuan kan champion ngei ang mawle.

ISUA PAWH PATHIANIN A KALSAN

Khang ka thil tawn atang khan thil hriat thar ka nei a, Lal Isua pawh Kross lera a thih lai khan Pathian khan a kalsan a nih kha. Khata Lal Isua mangan zia leh hrehawm tih zia kha !!! "Ka Pa, ka Pa engah nge mi kalsan", tiin a au ruai anih kha. Mihring pawh ngaihzawng leh thiantha ten min phatsan chuan hrehawm kan tiin kan chau ngawih ngawih thin. Lal Isua meuh pawh Pathianin a kalsan khan mangangin a au anih kha. Keini hi Lal Isua hmangaihte kan ni a, Lal Isua nei tawhtute kan ni. Mahse khawvel in min hip thin avangin Lal Isua min hmangaiha min chhandamtu hi kan phatsan thin. Chutah chuan Kross lera manganga a au ang khan, kan hming lamin "Engah nge mi kalsan", tiin a au thin asin. Nangmah hmangaihtu hi engtia rei nge mangang taka i au tir reng dawn ? Good Friday a lo thlen hian kan hmangaihna hmasa kan bansan takah khan i kir leh ang u.

Mi huaisente tan chauh

2011-04-02T20:43:00.001-07:00

Kan thianpa guitar instructor thusawi pakhat ka la hre reng, "Tv-ah te leh tape-ah te zai mawi deuh deuh leh band tha tak tak te, guitar perh thiam tak takte kan thilrin kan ngaithla thin. Anni anga lara, thiam nih chu an chak, chuvang chuan guitar lesson admission ka hawn apiang hian tam tak an rawn inziak lut thin. An han zir ta tak tak a, an rin aiin tuichilh a lo ngai thin a, thiam tak ni tur chuan nasa taka beih ve a ngai a, chu chu an peih ta thin lova, a tawp thleng zir chu mi tlemte chauh an ni ta thin a ni", a ti.

Thi tur kan ni a, chhandam kan nih loh chuan hremhmuna tla tur kan ni tih kan hria, camping-ah te kan lut a, thu tha tak tak kan ngaithla a, tichuan emotion a san laiin Lal Isua hnung zui turin kan inpe ve ta ringawt thin. A tha lutuk, pianthar hi a tha thlawt, mahse engatinge rei kan daih leh thin loh ?

Lal Isua neitute chan tur nawmzia kan hriat chian em em lai hian Lal Isua zui hi thil awmsam a ni lo tih hi kan theihnghilh thin. Lal Isua chu kan lal leh chhandamtuah kan pawm a, kan han zui ve tan ta a, mahse “Tupawhin mi zui a duh chuan nitin a KROSS puin mi zui rawh se,”(Lk 9:23) tih te, "Mi tupawh neih zawng zawng kalsan vek lo apiang chu ka zirtir an ni thei lo vang", (Luka 14:33) tih te kan han tawng chho ta a, rin aiin Lal Isua zui chu a lo hautak daih mai, rin ang a ni lo tawp mai. Tichuan zui tluan peih ta lo chuan kan chawlhsan ta thin a ni.

Chhandam fate chan tur a ropui zia kan hriat leh Lal Isua neih thlamuan thlak zia kan hriat rual hian Lal Isua hnung zui hi tih namai a nih loh zia hi kan hriat chian angai. Thil tam tak kalsan tur a awm a, i duh zawng leh ngaihnat zawng tam tak thlauhthlak a ngai a sin. Lal Isua hnung zui hi thil hahthlak a ni a, mihuaisente chauh lo chuan an zui tluan ngai lo. Emotion san laia zui ve ringawt tur a ni lo, fim takin ngaihtuah la, i i kalsan tur zawng zawng pawh ngaihtuah lawk rawh, hrehawm tam tak lo thleng thei pawh dawn lawk la, chutah i zui ngam a nih chuan Lal Isua zuitu mihuaisente huangah i rawn tel ve thei ang. Mi dawizepte tan hmun a awm lo, Lal Isua hnung zui hi mi huaisen te tan chauh a ni.

Sunday School

2011-03-27T07:49:00.001-07:00

Nikum Krismas hma deuh khan ka thian hlui pakhat nen hian kan in hmu hlawl a, tet te atanga ka kawm, mahse a nungchang a uluk loh vangin lehkha pawh zir mumal ta lova, a theuleu ta mai mai a ni ber. Kan inhmuh khat em avang chuan enge kan chanchin leh kan tawn te kan inhrilh dun ta mawlh mawlh a.

Kum hnih kalta a apianthar thute min hrilh a, khata thil pakhat a sawi ka la hriat reng chu, ti hian a sawi a, "Nangnite chu invannei alawm, sunday school-ah naupan tet atangin in kal chho a, in nunah harsatna chi hrang hrang in tawh pawhin in naupan lai leh sunday school-a in Pathian thu zir leh by heart-te khan in nunah thu a rawn sawi a. In hla sak thin te khan lungngaihna nasa tak kara in awm lai pawhin a pawl thin che u a, ka tetlaia sunday school ka lo kal tha lo kha pawi ka ti thin lutuk".

A chanchin sawi chhunzawm a," Tikhan kan khawsa ve ta mawp mawp a, khawvel lamah engang pawn tlan mah ila, a tawp atawpah chuan Pathian bak hi belh tur a awm lo tih ka hria. Chumi hunah tak chuan a nia, Sunday School ka lo kal thin loh avang khan harsatna nasa tak ka tawk ta a. Ka lungngai a, ka rilru a hah, ka kawng zawh kha adiklo a ni tih ka hria, Pathian lam hnaih ka duh, mahse ka thinlungah hian Pathian hla engemawtal ri tur hi a awm lo, a chhan chu Pathian hla ka hriat chhun chu 'Zingah savate',, tih chauh kha a ni si a. Camp-ah te nasa takin Pathian ka zawng ta a, tichuan a tawpah chuan ka hmu ta hram. Mahse tun thleng hian ka naupan laia Sunday school ka lo kal ngailo kha ka la inchhir a ni. Hun harsa tak tak a lo thlen hian min pawlna tur thu leh hla a awm lo thin lutuk a"..tiin..

Ka ngaihtuah let leh a, ka thiana sawi hi a dik ka ti khawp mai. Hun harsa tak tak tupawhin kan hmachhawn tawh vek, kan la hmachhawn zel dawn bawk, chungah chuan kan Pathianthu zir leh thiamte, hla kan sak thinte kha a lo tangkhai thlawt a ni tih ka hre chho ta mawlh mawlh mai. Inkhawmpuinaah pakhatna nih tumin theih tawkin changte kan zir, kan inkhawmpui zawhah kan theihnghilh leh mai. Mahse kan theihnghilh emaw kan tih kha kan lo theihnghilh awzawng lo mai. "Ani chu tuiluang kianga thunphun, a huntea rah thin..." tih chang te hian ka nun hi a kaihruai nasa thin khawp mai.

Khang kan thuvawng zawng zawngte kha tunah han sawi teh.. in ti thut ila, kan sawi mai thei lovang..Amaherawh chu a hunteah, kan mamawh hunah Pathian chuan keimahni min pawl nan a lo hmang thin zawk a lo ni a, Sunday School hi a lo tha thlawt a ni.

Kristian Chhungkaw tehna

2011-03-27T07:47:00.000-07:00

Tun weekend chu Kristian chhungkaw campaign-in Kohhran hrang hrangah hun hman a ni a, Dote-a ten Spearker an chang tha lo nge, a rawn phun nung nung mai a.. "Kan thuhriltu chuan Kristian chhungkua hi a tehna a awmlo a ti a, ka ngaihdan a ni lo khawp mai.. "te a rawn ti a..a lungawilo a ti tau leh ngawt ang tih ka hlau khawp mai.

Ka ngaihtuah ta nauh nauh a, Kristian chhungkua hi a tehna chu a awm chiang ni hian ka hria. A englaiah chuan nge kan han teh ang ? Chhung inkhawm an neih leh neih loh, atam zawkin Pathian an rin leh rin loh, an inkhawm ngun leh ngun loh leh ruihhlo an khawih leh khawih loh atangtein a mi kan teh dawn ?

Tehfung pakhat dik lo theilo a awm tlatin ka hre ve tlat. Israel fate kha Pathian mite an ni, an sualin an luhlul em em thin, mahse Pathian khan vawi tam tak a hremtur kha a thulh a ni, a chhan chu a mite an nih avangin. Tin, Sodom leh Gomorrah Pathianin a tihchhiah dawn pawh khan Abrahama khan Pathian hnenah hremlo turin a ngen a, an han inbe tak tak kha chu Pathian pawh kha a tawlh thui asin, Abrahama khan Pathian tihtu mi 50 tal an awm chuan hremlo turin a ngen a, Pathian chuan a remti a, tichuan an tlathla zel a, 10 chauh pawh an awm chuan Pathianin a hremloh tur thu a sawi.

Hetah hian kan hmuh chian em em chu, Chhungkaw member sawmah sawmin Pathian ringin, chhung inkhawm nitin zantin an neih ziah khan Kristian chhungkua an ni a, chhungkua sawmah pakuate chu sualin rui bung bung mahse pakhatin rinawm taka inthawina maicham atih nun reng chuan Kristian chhungkua tho an ni. Pathian mihriat an ni a, kha chhungkua kha Pathian awmpui chhungkua an ni tho. Taima taka Pathian a vawn tang tang chuan engtikah emaw chuan midang khan Pathian chu an la rawn hmu ve mai dawn a ni.

Midangin Pathian an rawn hmuh ve tho tur chu engtin nge kan hriat lawk kan tih chuan Thupuan 3:7-ah hetihian a inziak a, “Tin, Philadelphia khuaa kohhranho tirhkoh hnenah chuan heti hian ziak rawh: ‘Mi thianghlima, mi dik taka, Davida chabi neia, tuma khar loh tura hawnga tuma hawn loh tura khara khan heng thu hi a sawi a ni: I thiltihte ka hria, chakna tlemte chauh i nei a, chutichung pawhin ka thu i pawm a, ka hming pawh i phat lo va, tuma khar theih loh i hmaah kawngka ka hawng e. Ngai teh, Setana inkhawmna in ho zinga mi, Juda tak ni lova, dawt sawia Juda intite zinga mi chu ka tir dawn a ni; ngai teh, i ke bulah chibai ka rawn buktir ang a, ka hmangaih che tih ka hriattir bawk ang".

He bungah hian pakhatin rinna a lo la vawn nun char char chuan midang khan Pathian hmel an rawn hmu ve dawn tihna a ni. Tin, pakhat zeh tel zauh ka duh, nu leh pate hi an pawimawh khawp a ni kristian chhungkaw din kawngah hian. Nova kha Pathian thu awihin lawng a tu a , a nupui leh a fate khan an nuih zat lova, an pa berin khatia Pathian a ring em em kha an zah a, Nova tihtakna avangin a chhungte pawh khan Pathian thu an awih phah a ni. Khatiang deuh bawk khan Tirhkoh Pawla khan tangvengtu hnenah khan “ Lalpa Isua ring la tichuan chhandamin i awm ang, nang leh I chhungte nen,” a ti a, tangvengtu khan Isua chu a ringta a, tichuan a hnu deuh lawkah an chhungkuain Bapstisma an chang zui a nih kha.

Tangvengtu khan a titak em a, Pathian a ring em a, khatia pa berin rinna tak tak nena a chhungte a'n councelling hnuah chuan an chhungkuain Baptistma an chang nghal a ni tih kan hmu. A letling thawk pakhat chu Lota kha a ni. Sodom leh gomorrah a chhiat dawn khan Vantirhkohte khan an rawn hrilh a, a makpa te zawng zawng nena khawpui chhuahsan turin vantirhkohte khan an ti, ani Lota khan a makpa leh a fate chu a'n hrilh ve bawk takna a, a mahah khan tihtakna leh rinna tak tak a neih loh avangin a makpate khan an lo awih lo a nih kha. Engtin nge a titaklo tih khan hriat ? Khua a var veleha khawpui kang tur a ni tih a hre ve vek, khawfing chah tepahte pawh khan an la mu burh burh a nih kha, Vantirhkohte khan an boral takngial dawna an hriat avangin an kaichhuak lawm lawm a nih bawk kha. Kan chhiar zel chuan a fanu te khan an pa kha an mutpui a, a hnuah Lota thlate chu Israel hmelma lian ber an ni chho zel ta a.

A sei dawn em mai.. a tawp nan, kristian chhungkaw tehna chu chhung inkhawm neih ngun leh ngunloh lam a ni lo, Pathian ringtu tam leh tam loh lam a ni lo, Pakhat tal pawh Pathian ringtu a awm chuan chu a awmna chhungkua chu Kristian chhungkua a ni.

Lal Isua kutke

2011-03-27T07:43:00.001-07:00

Zankhat chu kan kohhran upa pakhat hian a sermon-naah a thu sawi tifiah turin thawnthu pakhat a sawi a," Indopui pahnihna lai khan England rama biakin pakhat chu an bomb chhia a, a kawta Isua lim pawh chu a chhia a, a ban pahnih chu bung a, chutah zirlai ten an tung tha a, a kut chu siam tha tawh lo chuan a hmaa thu intar ' Ka hnenah lo kal rawh u' tih chu 'Isuan i kut lo chu kut dang a nei lo' tiin an thlak ta a".... tiin a sawi a.

Hetiang thawnthu chiang vak lo, a tak nih ve hmel deuh, chutih laia mipuite rilru hneh nana phuah chawp nive thei tho hi keichuan hman than atan chuan tha in ka lo. Tunlaiah mifing tak tak leh hnial hrat tak tak an rawn chhuak mek zel a, " Awih awm loh" lo ti pawl pawh an awm zel ang. Tichuan kei pawh chuan ka GOOGLE ve ta a,.. (Ngawi lok, kan thianpa pakhat chuan google a search a, google atang chuan google.co.in. a'n search leh kher a..lolzzzz).

He thawnthu lo chhuahna ni awm hi England leh Germany-ah sawi a awm ve ve a, mahse hetia Lal Isua kut bung lim chu a awm hran chuang lova, California state a San Diego Catholic biak in pakhatah 1980 lai khan bomb vang nilovin Lal Isua lim ban chu a chhia a, chu chu siam tha lo chuan "I have no hands but yours." tih chu an ziak ta a. He thu hi St. Teresa of Avila poem pakhat atanga lak niin hetiang hian a poem chu a tan a, "Christ has no body now on earth but yours, no hands but yours, no feet but yours."

Engpawh nise chulam chu sawi thui vak tawh lo ila, hemi poem in thu a ken hi a mawi ka ti thlawt a ni. A dik thlawt bawk. Lal Isua hian chutiangin pawisa a nei bik lo, kan thawhkhawm hi a hmang mai a ni, Lal Isua hian mi retheite tanpui nan thuamhnaw pek tur a hranin a nei bik chuang lo, kan thawhkhawm hi a hmang mai zawk a ni. Chanchin tha hril nan aw ka a nei hran lo, nang leh kei ring taka kan au a, a thu kan puan chhuah hi a ring ve mai, chuvang chuan Lal Isua kut ke ni ve turin kan inbuatsaih a ngai a ni. Pathian ni hman nuam vek ule.

KTP ve hi !!!

2011-03-07T10:01:00.001-08:00

Pathian khawngaihna azarah tleirawl sual nei hman lovin Youth For Christ Fellowship atangin KTP member kan ni chhova. KTP hi kan han ngaisang em em mai thin khawp a, Kohhran atanga indang thei hial khawpa chak leh member ngah nite hian kan hre thin. Amaherawh chu kan han chen chilh ve ta tak tak a, han belh chian tak tak chuan a hmaa ka dah san ang khan ka dahsang thei ta hauh lo mai.

Zawlkhawpuiah seilianin, thangkhat lian zet Aizawl chhuahsan loh chuan thenrualte pawh kan ngah ta phian a, hei vang hian Kohhran hrang hranga KTP Branch hrang hrang kalphung leh activity-te pawh kan hre chiang ve ta hle mai. Branch thenkhat sawiselna tur vang em em awm bawk mahse Kan kalphung chu a inang tlangpui, chuvang chuan KTP han tih tawp hian rual takin Branch hrang hrang hi a sel in a fak theih. KTP dinchhan kan hria a, KTP motto pawh kan hria, tih hlawhtlin tam tak nei mah ila panna lai chu kan nei chiang a ni. Chu chu enge kan tih chuan member hlate leh Pathian ngaihsakna chang hre miahlote Pathian hnen hruai thlen hi a ni.

Member hlate hnuhhnaih tih hi kumpuanah te kan han nei ve thin a, kan kumpuan chu tha viau mahse kan bawhzui dan hi felhleh deuh chu a awm niin a lang. "Kan programme te hi ti nuam ila, tichuan kan zinga telvete an chak anga ".. kan ti..ka hriat chinah programme nuam kan buatsaih lai chauh an rawn tel. Kan kaldan phung nita bera lang chu.. hetah chair-ah bawp khawkherh meuhvin kan thu a, an harsatnate min rawn hrilh turin kan ti, engtin nge min rawn pawh ngam tehlul ang ? kan sang lua a ni, an ban phakah kan awm tlat lo a ni.

Inkhawm turin i sawm ang u kan ti a, kan han sawm ve bawk a, khatia kal pah mai mai kha chuan tumah kan sawm chhuak ngai lovang. In harsatnate min hrilh rawh u..kan ti a.. a nih leh nang tunge i harsatna, lungngaihna leh veizawng i hrilh thin ? Ele... i bula awm thin, i rin em em leh nangmah ngaihsak em em tu i thian hnenah chauh a ni lawm ni. Kawng sirah te an lo thu a, committee/hnatlang/inkhawm tur tein kan kal pel fua fua a, an tan hian hun kan nei thlawt lo a ni. Keimahni KTP inrelbawlnaah hian kan buai tawk em em a, Thawhtan zan inkhawm ngei ngei a ngai a, Thawhleh zanah Group Committee, nilai zanah Sunday School zirtirtu i nih chuan i inkhawm ve ngei chu a ngai, Ninga zanah Branch Committee/Hnatlang, zirtawp zanah kohhran zaipawl hlazir, inrinni zanah inkhawm, Pathian ni zanah inkhawm ngei ngei a ngai bawk... Khawnge zan awl ?? Zirlai tan leh mahni inchhiar veng duh tan pawh zan awl a awm hauh lo a nia aw... An ni(member hla/thlarau bo) tan chuan engtin nge hun kan neih theih teh lul ang ??

Hetia keimahni leh keimahni inrelbawlna a kan buai a, keimahni huang chhung chauhva rawng kan bawl mek lai hian kan member puite sual kawng an zawh mek a, nun beidawngin an mahni nunna hial an la mek a nih hi !! Hetiang thlarau lungngai beidawngte hi kan chhan thei asin, Pathian lamah kan la hruai let leh thei a nia. Mahse kan kal dan ngai hi a la tha alawm kan tih chhung chuan mahni leh mahni an intihlum zel anga, thlarau bo ko let lovin kan hnawt bo zual deuh deuh ang.

Kan activity tam takte hi ban ila, buai reng renga hun min hman tirtu programme hrang hrang te hi paih then ila, sawi mai lohva, a vaha vah chhuah a ngai tawh a ni. An kawm phakah kan awm a ngai a, an pawl phakah kan awm a ngai a ni. Min seng khawm puilo chuan a ti darh a ni..a tih ang khan keini KTP hian kan tidarh mek zel zawk em ? Kawng dikah kan kal emaw kan intih lai hian kawng sir Side Draine ah kan lo kal mup mup reng a ni zawk lo maw ? In enlet nilovin, kan insiam that vat a ngai a ni.

Setan kan lawm e

2011-01-22T22:45:00.001-08:00

Chanchintha Luka ziak... tiha han tan chuan chhiar peihlo nghal mai kan awm thin. Pathian thu tak ngun mai han chhiar hi chuan a chang chuan a boring thin ve deuh chu a ni. Kan mit leh bengte thawnthu lamah a penbo tawh si avangin Pathian thu tak ngun hi chu kan zo lo deuh niin alang.

Engpawh nise thil engpawh hi Pathian min hnaih tirtu ni thei se a duhawm a, Tin, Pathian ringtu nih vanga muk taka awm ngun kha a nih dan tur a ni lo. Mi kan hip tur a ni a, mi hip tur chuan tlema nuih peihte, mi biak peihte leh fiamthu ngainat ve deuhte a ngai thin. In hmuam up tlat mi hi chu an kawm tak tak theih loh.

Tichuan titi mai mai ila a nuamin ka hria, enge kan sawi tak ang ? Ho mai mai pakhat chu Setana a lo awm hi a tha ve reuh mai mai ka ti kei chuan. Setana hi midang chuan thatna lai neilo leh chhe lailet der angin an sawi a, mahse kei chuan a lo awm tak rau rauah chuan a tangkai zawngin hmang ta hlauh ila, atha maiin ka hria.

A khawilaiah tak chuan nge a tangkai kan ti a ni maithei, nia..a dik e..mahse thil hi zau takin thlir ila, kan hmuthiam mai awm e. Setana hi awm ta lo selang chuan Isua kan zuina hi a dazat lehzual ang tih ka ring mai mai. Achhan chu thlemna tawk lo ringtu kan awm silova, kan Pathian hian mihring a thlem ngai bawk si lo. Thlemna chu mi tamtak tan tlukna ni mahse ringtu tamtak chuan chakna lak nan an hmang daih a sin.

Thlemna atanga kan han tal chhuahte hian Pathian kan rinna kawngah kan thlarau nun nasa takin a chak phah a, khang dinhmuna ding mekte tanpuitu pawh kan nih phah thei. Setana hi Pathian lam min hnaih tirtu a ni a, thlemna kan hneh hnem pauh leh Pathian kan hnaih dawn tihna alo ni.

Khawvel a awm chhung leh kristian kan awm chhung chuan min thlem reng dawn, setana hi kan dahbo thei si lova, chuvang chuan tlukphahna nilova chakna kan lakna atan hmang tangkai ta hlauh zawk ila a va tha dawn tak em. Hetia min thlem reng peih te hi a tha ve mai mai asin, min han thlem peih ta lo selang chuan Pathian kan mamawhna a nep tial tial ang a, Pathian kan hlat mai dawn a ni. Setana hi Pathian kan mamawh a ni tih min remind tu a ni a, setana thlemna hi ringtute chuan chakna kan lakna hmarua a ni a, setana hian Pathian min hnaihtir a ni.

Oh my God

2011-01-15T20:03:00.000-08:00

Mizo hi chuan kan ti chiah lo, a bik takin sap ho hian an uar a. Thil engemaw han tawk se, "Oh My God", an ti vak zel. Thenkhat "Oh my God" tih thu an lam ngun lutuk ngaimawh fal chuan 'Pathian anchhia an lawh' tiin an sawisel thin. A nihna chen a awm, a chhan chu mihring hian engemaw, tawhsual deuh hlek kan tawh hian tawngkam thalo pui pui kan phuhchhuak thin a.

Sap ho chuan engemaw an tawh chang hian heng thu nalh lo tak tak f**k, da*n, shit.(.a tam mai,a dang pawh sawi belh tur in neih duah) te an hmang thin. Mizo pawhin het sallaaa, Hmela,etc... a tam ve mai. Hetiang hunah hian 'Oh my God' tih hi hman hnem ber a ni ta. Heihi 'Lalpa min tanpui rawh', tihna lam an sawi tumna nge hetiang tawngkam chuangtlai atan hian an hmang zawk ?

Anchhe lawhna a ni e..tih lam ai mah chuan Pathian hming a narana lam mai maina a nih avangin a thalo hle a ni. Ex. 20:7 ah chuan tihian a in ziak a," Lalpa i Pathian hming chu i lam mai mai tur a ni lo; Lalpa chuan a hming lam mai mai chu thiam loh chantir lohvin a chhuah dawn si lo va". Bible-ah heti hian a lo inziak reng si a !!!

Tichuan sawi chhunzawm zel ta ila, Mizoramah pawh he tawngkam chuangliam "Oh my God/Lalpa leh".. hi tawngkam tual lengah kan nei chho dawn tan tlatin a lang. A biktakin thalai leh tleirawl lamah he tawngkam hi hman a ni chho tan ta. Heihi enge a chhan tih chuan, kan Media vang a ni.

Hmanni deuh lawk atang khan sap film-te, vai film-te leh Korean film-te mizo tawngin kan let chho a, mahni tawng ngeiin sap film-te kan han en a, a chhiang em em a, a hmuhnawm zual bik a ni. Mahse heng film-ah te hian tawngkam mawilo tak tak a awm a, a then chu kan censored ve bawk, mahse he tawngkam "Oh my God" hi chu a nih ang anga leh a ni ta. Film pakhatah vawi tam tak sawi nawn a ni thin, keini aiia changkang zawkte an nih avangin an fashion leh tih dan, tawngkam thlenga entawn kan ni bawk si nen. A hmaa kan hman ngai reng reng loh "Lalpa Leh" tih tawngkam chu Mizoramah Pathian hming a narana sawi na tawngkam atan kan hmang chho mek ta a nih hi.

"Lalpa i Pathian hming chu i lam mai mai tur a ni lo; Lalpa chuan a hming lam mai mai chu thiam loh chantir lohvin a chhuah dawn si lo va".

Overtake

2011-01-01T09:56:00.001-08:00

Thihna avangin krismas hma kar khan zanah ka thianpa nen motor in kan chhuak a. Kan hmaah hian Vai TMB lian zet hi a tlan bung bung mai a, ka thianpa hnenah chuan tlanpel(overtake) rawh ka ti a, kawng zau tha deuh deuh a awm nual, mahse a tlanpel ngam chiah lo. Keichuan horn pe la, i tlan pel vat mai dawn alawm ka ti leh a, Accounts and Treasury thlang, Ramhlun Road kan thlen phei chuan a zau tha lutuk, mahse a tlanpel ngam ta lova.

Tichuan kan zui ta zel a, Chanmari kawn kan thlen chuan Chaltlang lam atangin motor lian tho hi a rawn kual thla vut mai a, vai TMB chu motor engemawzat chuan kan zui tawh bawk si, a rawn kualthla chu a kual zo lova, a back thei tawh bawk si lo... Tichuan traffic jam-ah chuan kan tang ta chu a ni a. Tlanpelh a rem em em lai khan lo tlanpel ta ilang chuan kha traffic jam-ah khan kan tang hauh lo tur.Kan kal tumnaah chuan tlai takah kan thleng a, kan programme zawng zawng a sukuk zo ta a.

Kan kristian nun pawh hi hetiang deuh hi niin ka hre ta. Thlemna tawklo kan awm hauh lovang, mahse thlemna a awm rualin tlanchhuahna a awm leh nghal zel. Do hnehloh khawp thlemna lian tuman kan tawk dawn lo. Mahse engatinge chu thlemnaah chuan kan tluk leh thin si ? A chhan chu thlemna ata tlanchhuah a theih laiin kan tlanchhuak duhlo/ngamlo thin a, tichuan thlemnaah chuan kan tlu ta thin a ni.

Kan hmaa motor lian tak pawh kha tlanpelh theih lai hun remchang tak a awm nual, mahse kan tlanpel ngam lova, a tawpah chuan min dang ta a, hnung lamah pawh tawlh theih loh, hma lamah pawh kal theih tawh loh khawpin min dang chep ta a ni.

Thlemna kan tawh lai hian tlanchhuahna a awm, kan tlanpelh/chhuah ngam loh chuan nakinah min dangchep ang a, chhuah ngaihna awm hauh lovin min dang bet mai dawn a ni. Chuvangin heihi hrereng ang u, hun remchang hmasa berah kan tlanpel/tlanchhuak thin dawn nia.

Urlawk zan dangdai

2010-12-25T04:06:00.001-08:00

Kohhran inkhawm pangai a awm a, tan dar rik hnu minute 10 velah chuan Biak In ka thleng ve chiah. Ka nu hi mipui hmuthei zawng hian an thut thin avangin kan kal tlai leh tlai loh a hre thei em em. Zanin chu ka tlai ropui si a, a rukin, kun duk dukin thalai thutna tlar hnungberah chuan ka thu zal zal a. Thusawituin hun a hman thiam em avangin kan bang ta vat a, inkhawm banah thalai zaikhawm Biak In tualah neih tur a ni.

Inkhawm kan ban chuan tual chu zaikhawm nan an lo buatsaih lawk sa vek tawh hi a lo ni a, krismas hla kan sa a, cement plate in meihawl kan chhem a, spot hrang hrangah chuan kan ai bial a, zai a nuam a, kan hlim kher mai.

Special item funny tak tak kan thlir a, saphla chi hrang hrang kan sa bawk a. Tin, kan musician te kha rock influenced an nih avangin kan hla sak apiang kha rock version zelin a ni a, a nuam dangdai khawp mai. Dar 12-a ei turin inhnuai lamah chuan arsa an kan sar sar a, a hmui rim chuan ril a ti tam zual.

Dar 12 rik hma atang chuan thian ten SMS in krismas duhsakna min rawn hlan zauh zauh a. Dar 12 a ri ta, arsa an rawn chawi chho dawn an ti, mahse call ka dawng a, krismas duhsakna min rawn hlan dawn aniang a tiin zunin lamah chuan pick up pah chuan ka phei a, mahse call danglam tak a ni.

Hmeichhe pakhat, a aw ka hriat tawh hnu hi a ni a, a tap a ni tih a hriat, a in hnit deuh faih faih a. "Thlanmualah ka awm, khawngaihin min rawn lam teh", a ti a, a hlau a ni tih hriat deuh hian a thaw hawk hawk bawk a. Khawilaiah nge a awm tih ka zawh chuan kan veng thlanmualah pawh mite tlawhpawh loh leh fianrial lai takah ngei chuan ka awm a ti ta.

Thu sei deuh hlek a sawi hnu chuan Emo girl thin kha a ni tih ka hre ta a, a tap tuau a, a hlau hle nitur a ni, hmanhmawh turin min tur a. Hetiang lam hi chu mahnia buaipui chi a ni lo tih ka hriat avangin hetiang lam buaipui thin mi 5 kha ka sawm ta nghal a, thlanmual pan chuan kan tlan ta hlawk hlawk a. A tunhma chanchin ka hriatte chu ka hrilh thla hlawm mawlh mawlh a, kan kal chak em avangin tlanmual chu kan thleng ta vat a.

A awmna a sawina hmunah chuan a lo awm reng reng lo mai, zan dar 12 : 15 velah thlanmualah kan zawng ta fua fua a, ka call let leh thei tawh bawk hrih si lo, nakinah deuhah chuan thlan lunga a thu kan va hmu ta a, tichuan kan buaipui ta char char a, zing dar 2:00 velah chuan thlamuang takin inah kan inhruai haw thei ta a.

Heiang hian URLAWK ZAN hi ka la hmang ngai lo, min rawn call tirh phei kha chuan hlim em em a kan awm lai, engdang kan ngaihtuah loh lai a ni a, khatia boruak dang daih call ka dawng leh a aw ngaihthlak kha hrehawm ka ti thlawt. Tichuan kan haw leh chuan arsa te chu min lo eizawh san vek tawh a lo ni a, riltam em em chuan in lamah ka haw ta a.

Hrechiang chiah ilang chuan

2010-12-19T02:40:00.000-08:00

Ram pakhatah hian Lal fel leh rorel thiam tak a awm a, a hausa em em a, a ramchhunga hmeithai rethei leh chhuanchhamte hi a tanpui thin. A ram mipuite chuan an ngaisangin an zah em em bawk a, hetiang khawpa Lal ropui leh fel an nei hi an lawm a, lal rawng chu theihtawkin an bawl thin.

Kum tin, Krismas dawn hian lal chuan a tanpuitur list hi a tichhuak thin a. Tin, heng a tanpui tawh hi chu an damchhungin tanpuina a pe thin a ni. chhungkaw 50 a thlanchhuah zingah chuan hmeithai pakhat, fapa pakhat nei hi a thlang tel ve a. Hmeithai chu a lawm em em a, Lal chu a fak a, a theih tawkin lal rawng chu a bawl ve ta a.

Hun a lo kal a, hmeithai chuan a fapa neihchhun chu a thihsan ta a, hmeithai fapa chu a lo tlangval ve ta a. An ram lal chuan eitur tinreng chuan a la chawm ta reng a, tlakchham a nei ngai lo, lal chuan a enkawl tlat avangin. Mahse he hmeithai fapa hian amah chawm seiliantu chu a hre hauh lo.

A duh duh danin a khawsa a, Lal rawngbawl chu sawi loh, mihausa fa khawsakin a khawsa a, zu leh nula nen a khawvel chu a chen ta a. A thenawmte chuan chu hmeithai fa, Lalin a khawngaih avang chauhva a enkawl seilen ve mai mai, kha ti taka a chawmtu pawh hrelova a khawsa ta mai chu awmlo an tiin, an zahpui em em thin.

Thenawm khawvengte chuan Lal lung a tih awiloh mai an hlauh pui ta, Lal chawmhlawm ve mai a nih zia leh duh dan dana khawsa thei a nih loh zia hrilhhriat an tum lai tak chuan Lal chuan thu a chhuah ta a. A rama a khawngaihna zarzo, mi rethei leh chanhai a enkawlte chu, in tin atangin pakhat tal a lal in tualah chuan a kokhawm a. An han pungkhawm chu an lo tam em em alo ni a, Ram mipuite chuan Lal chu an fak a, hetiang ema lal fel leh mikhawngaih thei hi an awm lovang an ti.

Lal chuan a khawngaihna dawngte chu chhungkaw mal mal chuan a ko ta a, tah chuan hmeithai fapa chu a hun a lo thleng ve ta a, Lal rawng a bawl nge bawl lo an han thlir let chuan, Lal rawngbawl chu sawi loh, mahni duh dan dana khawsa, nula leh zu nena Lal khawngaihna chen alo ni a. Lal chu a thin a rim ta em em a, " Vawiin atangin i ei leh in, silh leh fente ka tum tawh ngai lovang, kei mi zahna chhete mah i nei lo a ni, chuvang chuan nangmahin inenkawl tawh rawh", tiin na takin a hauva, a khawngaihna angchhung ata chu a hnawtchhuak ta a.

Hmeithai fapa chu a haw ta hnak hnak a, mi hausa fapa emaw a intih lai leh nula nena khawvel a chen laite chu a ngaihtuah a, a a inti em em a, tunah chuan a maha khawsak a ngai dawn ta bawk si. Engmah neih a nei bawk si lo, hna thawh pawh a nei bawk si lova. kawtthlera a kal lai chuan khaw mipuite chuan an lo nuih tet tet a, an hmelah chuan mawl an ti tih hi a lang ngawih ngawih bawk a. "Aw,,... Lal vanga nung leh khawsa chauh ka ni tih kha lo hrechiang ilang chuan Lal rawng ka dam chhungin ka bawl ve tur a ni a, ka nu in min hrilh thin laite khan lo awihin, lal rawngte kha lo bawl ta ni ilang chuan...... lo ngaihtuah chiang ve deuh ilang mahni duh dan danin ka khawsa lo tur.. Tunah chuan ka tan nunkhawchhuahna a awm tawh lo, ka hmabak a vahan thim tak em"... tiin a in dawm kun ta ngawih ngawih a.

Ngaihtuah chiang ang aw.. keini pawh hi Pathian khangaihna vang chauha nung leh khawsa kan ni. Engkimtithei, Pathian ropui, lei leh van leh thil zawng zawng siamtu a ni. Chutih laiin amah zah nachang pawh kan la hrelo chu a ni a. Kan duh duh danin kan khawsa a, tunge min siamtu ? tu vanga awm nge ka nih ? Vawiina ka la dam ringawt pawh hi a zahngaihna a ni si a. Min enkawltu leh vengtu heti taka hawisan hi chu a zahthlak deuh lo maw...Kan hrechianglo deuh chu a ni lo maw, ngaihtuah chiang ang u, Hrechiang chiah ilang chuan a hmaah bawkkhupin, chibai kan buk anga, a ke kan fawp vawng vawng tur a ni a.

Birthday tak tak lawm ang u

2010-12-11T23:37:00.000-08:00

Tunkum march thla kha a ni a, kan thianpa hian a fapa kumkhat tlin champhaphak a lawm a, thenrual tha leh chhungkhat laina leh thenawm te nen, mi tam vak lo chuan birthday chu kan lawm. Kan hlim ve em em a, Hunserhte kan hman zawh chuan chaw kan ei a, kan puar hlawm khawp mai.

Chutia kan chaw eikham thut muan lai chuan, khua a thim thet thet tawh, kawtah hian thawm kan hria a, kan tlanchhuak deuh huk a. Rawlthar ho hi an lo intibuai chu a lo ni a, kan theih ang angin kan thelh a, boruak a daih hnu chuan Birthday neitupa, Bawiha Pa chuan " Enge he lai hmunah in lo pun khawm ve chiam chiam a ti a", an ni chuan "Bawiha birthday kan lawm a", an ti a. Bawiha Pa chuan, " Bawiha birthday lawmte chu hei inchhung leh in compound velah kan awm,helaiah lawmna kan siam lo. Birthday lawm duh chu helamah rawn kal tur, in duh lo a nih chuan ka fapa birthday denchhen hian engmah programme lo siam ve suh u", tiin na takin a hau a.

Krismas a lo hnai leh ta hle, kha thil thleng kha ka ngaihtuah let leh a, thil pakhat min hriatchhuah tir zawk mai. Krismas a lo thlen hian ringtute chuan hlim leh lawm takin Lal Isua piancham kan lawm a, hetih lai hian khawvel mite pawhin Lal Isua piancham denchhen hian nasa takin hlimhlawpte an siam thin. Birthday neitu Lal Isua PA, kan Pathian hian engtin nge a tih ve ang ? " Bawiha birthday lawmte chu hei inchhung leh in compound velah kan awm,helaiah lawmna kan siam lo. Birthday lawm duh chu helamah rawn kal tur, in duh lo a nih chuan ka fapa birthday denchhen hian engmah programme lo siam ve suh u", a ti mai lawng maw ?

He Lal Isua birthday lo thleng turah hian birthday tak tak lawmtu nih i tum theuh ang u.

I thinlung hawng la

2010-12-04T09:46:00.000-08:00

Isuan, "Lung hi chawisawn rawh u", a ti a. A thia farnu Marthi chuan a hnenah, "Lalpa, tunah zawng a uih tawh ang, a thihna ni li a ni tawh si a", a ti a. Isuan a hnenah '"I rin chuan Pathian ropui zia i hmu ang, ka ti lo che em ni ?" a ti a. Chutichuan, lung chu an chawi sawn a.... Hetah chhiar zawm zel ila....Tin, chutia a tawng zawh veleh chuan aw ring takin, "Lazar lo chhuak rawh,'"a ti a, a au va. Tin, mithi chu a kut a ke thlan puana tuam chungin a lo chhuak ta a... Johana 11:39-43

Ni li a liamta tih hla ah kha chuan tlai ngailo Pathian a nih zia a rawn tarlang.. He Bible chang hi hetizawng hian han zir chhin teh ang.

Lal Isuan thlan lung kha namsawn turin a ti a ni. Kha thlan lung rit tak kha Lal Isuan thil mak a tih theih nan namsawn hmasak a ngai tlat. Chutah an han namsawn ta a, Lal Isua chuan Lazara, ni li lai lo thi thawh kha a kaitho ta a ni.

He chang atanga kan hmuh chiang em em chu, keimahniah Lal Isuan thu a neih dawn tak tak chuan kan thinlung kawngkhar thlan lung chhah tak hi kan nawrsawn hmasak a ngai a ni.

Pathian hnenahte kan tawngtai nasa, harsatna kan neih chang phei chuan kan tawngtai reng tih maitur a ni. Amaherawh chu kan thinlung kan hawn si loh chuan Pathian hian thil mak keimahniah a rawn thlen dawn reng reng lo. Damnate kan duh, rilru hahdamna leh lawmna, thlamuannate kan duh, mahse kan thinlung hi Pathian tan kan hawng duh tlat si lo. Hei vang hi a nia, kan dilnate Pathianin min chhan loh thin.

Misual thi tur i ni, misual i ni tih pawh i hria, Pathian i duh a, i au a ni. I thinlung kha hawng la, I thinlung sual kha bun chuak la, chutah chuan Pathian chu a rawn che chhuak dawn alawm. Petra hla pakhat chorus hi chhiar lawk teh :

Just reach out and He'll reach in

Take your broken heart and make it whole again

It don't matter who you are or where you've been

Just reach out, and He'll reach in.

I thinlung kawngkhar kha hawng la, I Pathian thil tihtheihna lo lang tur chu thlir rawh. "Ka fa, i thinlung min pe rawh", titu chuan thil dang ber aiin i thinlung i pek kha a duh ber. Tichuan Pathian ropui zia i hmu ang.

I film chan chu en tawh ila

2010-11-27T23:43:00.000-08:00

Tik tok, tik tok, tik tok, tik tok... Tik tok tih i chhiar ringawt pawh hian second hnih chu a kal liam leh reng tawh. Hemi sentense i chhiar zawh phei chuan second sawm dawn lai a liam hman ta !!!! Nichin kha a liam mai a, nizan kha a liam thuai a, kar hmasa pawh kha a liam ta vung vung bawk a.Hun hi hmalam panin a kal bung bung a, a hawikir ngai lo. Tin, a ding ngai bawk hek lo.

Kan thil tih apiang hi DVD writer-a thil kan disc kan burn ang hian a in record zel a, lo burn sual pawh ni ila, tih that leh theih a ni tawh lo, a sual ang ang khan a in write zel a. Kan thil tih apaing chu atha emaw a thalo emaw, engkim, a zawng zawngin Disc lianpuiah a in save ta zel a. Eng percent chiah nge kal tawh ? Write zawh nan eng zat percent nge la awm tih tuman kan hre bawk si lo.

Theory chuan hun kaltawh (Past) -ah kal let theih mahse reality chuan thil theih a ni si lo. Chuvang chuan kan hun kaltawhte kha thiamna chi hrang hrang rawn mah ila, kan edit tha thei tawh lo. Video file kan export ang mai hian kan nun hi Disc lianpuiah chuan a in Render tluk tluk a ni.

Heti a nih chuan mimal tin hian mahni chanchin film chu kan shoot mek reng tihna a ni a. A nih leh tunah tak hian eng scene nge kan shoot mek ? Mipat hmeichhiatna hmankhawloh Scene em ni ? Nge Sum diklo taka lak lai Scene ?.... Nimin khan eng scene nge i shoot ? Vawiin hian eng scene nge i shoot dawn ? Cut a awm dawn lo, retake a awm dawn bawk hek lo. Vawikhat i shoot kha final a ni nghal zel a nia. Edit miah lovin.. raw files kha i submit a ngai dawn tih hre reng rawh.

Tichuan Pathian in " I hun a thleng ta e", a rawn tih hunah i film chan chu i thehlut dawn a, tichuan, mi zawng zawng hmuhin i film chan chu tlangzar a ni ang, kan la en ho vek dawn. E hiau.. chuti a nih chuan nula ka lo khawsak pui dante, a ruka ruihhlo ka lo tih te, tual ka thah laite leh ka eiruk laite kha a hohovin kan en dawn tihna a ni maw.... ni chiang e. Lalpa leh.. a va han zahthlak dawn heih heih ve le. Ka chang thui tawh khawp si a !!!!!

Tupawhin eng scene nge kan chan hlawm kan chu kan hre kiau ang chu. A huhova en atan chuan zahthlak tak tak a awm chiang hlawm ti rawh u, kan edit thei tawh si lova !!! A va han manganthlakin a va han zahthlak dawn tak em !!

Mahse..Heyy.... Good News a awm a nia....

CENSORED BOARD an awm hlauh a nih chu. Tute nge chumite chu in ti maithei.. Member chu pakhat chauh a nia, chu chu Lal Isua a nia. Scene thenkhat a huhova en chiloh i neihte kha Lal Isua i rin chuan a Censored sak ang che. "A va han lawmawm em em ve le, Lal Isua chu rinve tur a nih chu". Mahse thil pakhat leh chiah... ka ring ti engang mahla, a duhzawng i tih ngai loh a, a lungawina i siam sak loh chuan a censored loh sak palh ang che tih chu a hlauhawm khawp mai.

kal la, tun hnuah tisual leh tawh suh

2010-11-20T10:50:00.001-08:00

"Aw Lalpa min hmangaih em em tu, khawngaih takin min ngaidam ang che, ka tihsual a ni. Ka tum vang pawh a ni lo, khawngaih takin mi ngaidam rawh, ka tisual leh tawh lovang", kan ti a, tui takin kan mu hil ta a. A tuk zan a rawn thleng leh a, inthiamlo tak chuan Pathian hnenah chuan a ngai ang chiahin kan tawngtai leh a, tichuan tui takin kan mu leh ta mai a.

Pathan hi hmangaihnaa khat a ni tih hi kan chaw tui ber a ni, mahse phuba lak ching Pathian a ni tih erawh kan hai der tlat. Hremna kan chunga a rawn thlen nghal loh avang hian Pathian tihna tak tak kan neilo niin a lang.

Suala tlu thei chu kan ni teh meuh mai, mahse, engatinge kan tlukna ngaiah kar khat chhung pawha vawi engemaw zat kan tluk nawn leh thin ?

Nihleh han ngaihtuah chiang ve mai mai teh heti zawng hian. I in saknan hlawhfa i chhawr a, tlai khat chu i thing bung la tangkai em em tur chu a inah a hawn lai i hmu, a tuka a rawn kal leh chuan i lo hau ta a, a ni chuan " Ka hawn tawh lovang, kapu, khawngaihin min ngaidam rawh", a ti a. Nang chuan i ngaidam ta mai.

Mahse ngaihdam a dil ni tlaiah chiah tho khan thingbung chu i hmuhlai ngeiin a hawn leh ta a, i thin a rim tawh khawp ang. I bantawh ngei maithei. A tuk a lo thleng a, ngaihdam a rawn dil leh a, nang chuan i ngaidam leh dawn em ? Hawn i phallo a ni tih i hriattir hnuah nangmah zah map lovin a hriatni tlaiah a hawn leh ngat a nih chu, a vawi hnihnaah chuan i ngaihdam ka ring tawh lo.

A phal loh tih kan hriat ngeiah vawi eng emaw zat kan han tisual nawn awn awn hi chu engtin tak ngai ang maw kan Pathian hian.

"Hmeichhia, khawiah nge an awm tak ? Tuman thiam loh an chantir na che nge ?"..."Kei pawhin thiamloh ka chantir lo va che, kal la, tun hnuah tisual leh tawh suh", Lal Isua khan a ti. Ngaihdam i dil khan Lal Isua khan "kal la, tun hnuah tisual leh tawh suh"... a ti. Inngaihtuah chiang ila, kan tlukna leh kan chaklohna chu a inang lo ang, mipat hleichhiatna sual te, sum leh rinawm lohna te pawh a ni ang. Pathian ngaihdamna chang tak tak tur chuan kan tihsual tawh loh a ngai a ni.

Welcome to Reality

2010-11-13T12:35:00.000-08:00

Thil hmuh theih leh khawih theihte hi a tak a ni lo. Tuna ka chenna in, ka thutna leh computer ka khawih mek pawh hi a lem vek a ni. Engmah a tak reng reng a awm lo. Thil tak tak chu kan hmuh theih loh lamah a awm. Thil tak tak chu kan hmuhtheih loh leh khawih theih loh hi a ni.

He kan hmuh theih khawvel hi chu a la ral dawn, reiloteah a la ral dawn a ni. He kan chenna khawvel hi mumang ram a ni a, na kan hre thei, hrehawm pawh kan tuar thei, Tin, hlimna leh lawmna pawh kan tawng thin bawk. Mahse a nihna takah chuan mumang ram mai a ni e, heihi hre nawn leh rawh, i awmna hi a tak a ni lo.

Engtikah emaw chuan he mang ram atang hian kan la thang harh dawn, mahse chu chu khawvel mite chuan thihna an ti si. Thihna a nilove, a tak rama kan thanharna a ni zawk. Mumang ram hi chu reilote atan a ni, nakinah kan harh hunah chuan khawvel tak tak, kan chenna tak tak chu kan hmu dawn a ni. Tunah la hmu rih lo mah ila, a awm a ni tih kan hria. Tunge thangharh lovin mumang ram ata khawvel tak hmu thei le ? Mang ram atang hi chuanhmuh theuh a ni lo.

"Thil hmuh theihte chu kan thlir lova, thil hmuh theih lohte chu kan thlir zawk si a. Thil hmuh theihte chu a ral mai dawn a, thil hmuh theih lohte erawh chu chatuanin a awm ang." 2Kor 4:18.

He mumang rama kan awm lai hian a tak rama kan khawsakna tur chu kan duang mek chu a ni a, heng thil hmuhtheih hi a tak a ni lo tih i hre nawn leh ang u, chitichuan thil hmuh theih loh, a tak tak, nakina lo la thleng tur chu i ngaihtuah zawk ang u. Mumang ram hi a tak emaw i tih chuan i thanharh hunah khawvel hrehawm takah i khawsa dah ange.

Keini ringtute chuan hmuh theih loh thilte chu kan ring a, Pathian Ram chu hmuh theihloh nimahse thil tak tak a ni tih kan hria.

Nakinah, he mang ram atanga kan than harh hunah kan Pa Van ami kawt tualah kan la in hmu khawm leh dawn nia.

Mi Mawl Pa

2010-11-06T10:51:00.001-07:00

Khaw pakhatah hian mi pakhat, khawngaihna ngah em em Sanga hi a awm a, A chhungkhat lainate pawhin an thlamuanpui em em a, mi tanpui hi a chaw tui ber a nih avangin khaw mipui te pawhin an ngaina em em. Vawi khat chu an khua atanga hla vak lova chirh dup zau tak awmah chuan vawkte hi a lo tang a, chu vawkte chu an khaw thenawm, tute nge an nih tih pawh hriatlohte ta a ni.

Vawkte chu a ngek vak vak a, a tal tal chuan chirh dupah chuan a pil tual tual anga, a thi mai dawn. He chirhdup a tang tawh chu tuman an chhan chhuak ngailo , mi tam tak he chirhdupah hian an lo tla palh tawh a, an la thi vek bawk. An khaw mipui engemawzat chuan vawkte chu a thih hun nghakin an thlir thup mai a.

Chutia vawkte thi tur an thlirnaah chuan Sanga chu a rawn thleng ve hlawl a, vawkte chu a khawngaih ta em em a, a mittui a tla ta hial a. Chutia a mittui tla chu midang chuan an hmu a, midang chuan "mihring pawh a nih loh saw, vawkte mai a ni, i over lutuk.." tiin an nuih san a. Sanga chuan chu vawkte thi mai tur chu a khawngaih ngang a niang, chhanchhuah a tum ta a. Mipui ho chuan "Mawl lutuk mai, mihring pawh a nih loh saw, i chhanchhuah rual rualin nang kha i thi nghal a ni mai", tiin an dang bet a.

Sanga chuan "Inhrethiam lo a ni, saw vawkte saw ka hmangaih a ni", a ti a, Mipui zinga pakhat chuan, " In vawkte pawh a ni lo, khaw lehlam ho vawkte a nih saw, mawl mawl suh, eng chuan nge i rilru chu mawlh che chu aw", tiin a hau a. Sanga chuan a theih tawkin chirhdup lam chu a pan a, mipui ho chuan an lo dang hlawm bawk a. Mahse thapui tak meuh meuh a a tan avangin Chirhdupah chuan a zuangthla ta a.

Mipui ho chuan "Mawla, i mawl lutuk.... khatiang mihring pawh ni hlei lo, i nunna thap meuhin chhan i tum a maw ?? I mawl man chu i hmu ang", tiiin an au nawmnah nghal a, a mawl em avang chuan. Vawkte awmna chu a va thlengphei a, vawkte chu a rawn vawrh chhuak a, amah erawh chu chhan hman a ni ta lo, zawi muang chuan a pil ta riai riai a, A boral ta a.

Khaw mipuite chuan Sanga chu a an ti em em a, chu a thihna hmun chirhdup sirah chuan thanlung an phun a, chu thlanlungah chuan heti hian an ziak a ,"Hetiang khawpa mawl hi khawvelah an awm leh tawh lovang, a at em avangin a boral ta a ni", tiin.

Hepa aia mawl leh a hi a la awm, chupa phei phei chu Engkimtithei, engkim siamtu, lal te Lal leh thil zawng zawng chunga thu neitu kan Pathian hi a la ni zui. Pathian mawl leh a tak a ni. A chhan chu maw...a thilsiam mihringte sualah an tlu a, meidila kal vek tur an ni, chu chu ngaingam lovin, a thil siam mai mai chu zu han hmangaih tlat pek a mawle. Engkim tithei Lal ropui nisi kha maw... A thilsiam mihringah a rawn chang a, anni chhanchhuah nan chuan a thilsiam mihringte bawk chu a invuak tir a, a insawisak tir. A va han a tak em !!!! Chutah mihring chhanchhuah nan chuan a nun chu Kalvari tlangah a hlan ta a nih chu !! A mawlin a va han a tak em !! Pathian a tak a ni !!!!

Mahse maw.... Nang leh kei boral hlauin Pathian ropui ber chuan at a rawn thlang ta zawk a nih chu, a va han ropui tak em, Pathian a leh mawl nih pawh zak lova min hmangaihtu kan Pathian hi fakin awm rawh se.. Heti ema hmangaihna mak leh ropui hi tu in nge hrilhfiah thei ang ?? Aw Lalpa, Pathian mawl leh a i nilo, hmangaihtu Pathian i ni, Chutuanin i hming chu fakin awm rawh se, Amen.

Rukru angin

2010-10-30T13:40:00.000-07:00

Nupa tuak khat hi an awm a, an inhmangaih em em a. Amaherawh chu Mipa hi sipai a ni a, indona avangin a nupui hi rei tak tak a awmbo san thin. An inngai tawn em em a, lehkha an inthawn tawn reng bawk. Chawlh a neih chang hian hmanhmawh takin a hawng a, a nupui a hmangaih em em nen chuan hlim takin hun an hmang thin.

Tum khat chu indona hautak tak an bei dawn ta, ui leh inthlahlel takin an inthlah a, indonaah chuan theihtawkin ral a bei a, a aiia hautak zawk beitura thlan bikah chuan a tang ta hlauh mai, nunna thap tak meuh meuh a ngaih tawh avangin khang an thlanchhuahte khan duhsakna an dawng a, kar khat lek chawlh an pe hlauh mai. A rang a rangin a nupui, a hmangaih em em awmna, an in lamah chuan a tlan haw ta vang vang a.

In a thlen nak chuan a hmel chu dang ta sawt sawt mai,a thil hmuh chu a awih lo a, mahse a tak a nisi. A hmangaih em em a nupui khan mipa dang a lo mutpui chu a lo ni a.

He thawnthu tawite hi ngaihtuah chiang ila, tunah hian min hmangaihtu Lal Isua hi rawn kal ta thut se, kan uire lai min phawk ve mai lawng maw ? A lema hmeichhia ang khian hlau leh khur chunga min hmangaihtu Lal Isua hi kan tawh hlauh chuan, mipa sawi ang khian, Pathian ramah engmah chan kan nei ve dawn lo a ni.

Tunah hian eng sual nge kan lo mutpui a, kan lo uire pui chu ? Mahni theuh inzawt ang u. Kan laklawh lai leh kan inrinloh darkarah hian a rawn lang thut dah ang e. "Nimahsela, Lalpa ni chu rukru angin a lo thleng ngei ang"II Petera 3:10.

Mi thenkhatin muanga an ruat angin Lalpa chu a thutiam khawngah chuan a muang love.

Chatuan Lal lian

2010-10-28T23:42:00.000-07:00

Chatuan Lal lian hi mizo hlaah chuan ka duh ber pawl a ni mai awm e, He hla chiah hi mp3 a ka neih a ni thin a, ka ngaithla ve nasa thin lutuk. Tin, RTC album Chatuan Lallian hi 1997 a tihchhuah tawh kha ni mahse, ka ngaihthlak nawn thin chang hian a lo changkang a ni tih ka hre thei.RTC chungchang sawi ka tum lemlo, Pathian mi hriat a ni tih kan hria a, a tawk viauin ka hria.

80's & 90's Slow rock ngaihnawm ti ve phak kha ka ni a, tun thleng hian Skid Row, Poison, Cinderrela, Ozzy, White Lion ..etc.. te hi ka la duh em em, tunlai zaithiam te hian khang hunlai kha an phalo emaw chu aw ka ti mai mai. Chatuan Lallian Album pawh hi Slow Rock genre kha a ni a, arrangement pawh hi tun thleng hian a zahpuiawm loh a ni. Khawi recording studio ah nge an tih ka hre mai lo, khatih lai kha chuan a tha ve ber a ni ang ka ring, heng zawng zawng aia kei chuan ka ngaihthlak hnem nachhan chu a music arragement fu lutuk hi a ni.
Ka thinlungah hian Slow Rock music hi a thi thei tawh dawn lo a, khawvel ah pawh hian lar hluai lo mahse mite ngaithlak nasat a la ni reng mek zel a nih hi.

Tunlai zaithiam , POP artist te ka sawiselna lam nilovin, an ni hi chu an rawn lar hluai a, mahse an daih rei ngailo, chutih laiin Heavy metal leh slow rock hi chu a hunlai pel tawh mahse tun thleng hian belchian a la dawl a, mite hlut a la ni reng.

Chatuan Lallian

He khawvel ka zinna ram

Thlaler zau leh ram pilril

Tuihna reng awmlohna hmun

Thihna ten thla an zarna

Hlunloh tur hnuchhawn ramah

A chauthin aw ka hringnun hi

Ka velah thimin min bawm

Nunna kawng ka chhui thiam lo

Chatuan Lal lian aw lo hnai la

I hmel mawi min hmuh tir rawh

Kei rethei chau leh saruak hian

I khawngaihna ka rawn thlir aw min hnar suh

Aw ka Lal ka Lal duhawm

I aw nghengin min pawm la

Min hum himin min muan rawh.

Heta hla awm hi a vaiin ka hrechhuak tawh lova, ka hriat hriat te chu :

1. Chatuan Lallian

2. Ka nunna hi

3. Tunge ka tirh ang ?

4. Min ngaidam ang che

5. Isu nun nem

6. Malsawm ruah

7. Ka ngaitawh lawng

8. Ka hlan che

Damna Famkim

2010-10-23T12:55:00.000-07:00

KTP a ka inhman tan kum kha a ni, ka theihnghilh ngai tawh lo. Kan Group hruaitute khan kan Group huam chhunga member hlate leh ruihhlo khawih thinte kha an hming an ziakchhuak a, Group committee member leh group member zinga tlemte te khan khang hming an ziahte kha a mal malin tawngtai sak turin kan insem hlawm a.

Kan Group leader chuan lehkha them hian a ruk thei ang berin min rawn pe a, ka'n en nak chuan ka hriat chian em em, keini aia u deuh, kawm pawh ka lo kawm ve tawh thin hming kha ka chang ta nawlh mai. Kei ngei pawhin a sual ka lo tih ruk em em thin, zu leh damdawi khawih thin kha a ni.

Pathian hian engkim a tithei tih chu ka ring em em, Kan thiana pawh hi ka tawngtai sak anga, nakin lawkah chuan Pathian ngaihsakna chang te a rawn hria anga, a thil thalo tihte a la bansan ve mai ang, tiin beisei sangtak nen zantin chuan ka tawngtai sak ta a.
Tunah rinnaah ka puitling tawh e ka ti lo, mahse khatih lai kha chuan bul tan ve ek ek chauh ka ni. Thla riat ka tawngtai sak pawh chuan eng a ang chuang lova, khangho tawngtaisak tute kha a bik taka kan han inhmuhkhawm a, report te kan han pek diat diat chang hian, midang chuan a hlawhtlinna an hmuh thu leh an mahni ngei pawhin an hlawk phah thu te an sawi hlawm thin. kei erawh chu a sual tulh tulh emaw ti mai tur a ni, hrehawm ka ti thei em em.

Zan tin urhsun takin a pualin ka tawngtai thin, a ruihtheihthil tih te a sim a, Pathian lam a hawi theih nan te ka dil sak thin. Kum khat chu a vei dawn ta der mai, eng a ang thei bawk si lo, dik tak chuan midangin tawngtai hlawhtlinna an hmuh sup sup laia kei ka tawngtai sakin hma a sawn thei thlawt lo kha hrehawm ka tiin ka hmanhmawh tawh tak zet a. Chuta karah nasa takin a damlo ta hluah mai a, thih ngamin a damlo ta. Kha natna khum ata dam taka a rawn thawhleh a, Pathian hnaihna chang a lo hriat theih nan khan nasa takin ka tawngtai leh ta char char. Mahse ka tawngtaina chu chhanin a awm ta lo. Ni reilote natna khumah muin a boral ta a.

Hrehawm ka ti em em, KTP ah inhmang tan ve chauh ka ni, chutih laiin kan hruaituten rintlakah min ngai a, a ruka mi hlate tawngtaisak tute zingah min telh ve. Chutih lai chuan ka chan ber kher, khatia a ruihtheihthil tihte sim lova, a thi ta mai kha hrehawm ka tiin ka rawngbawlpuite pawh ka zah em em. Pathian kha ka ring em em, engkim a tih theih hi ka ring bur, mahse ka tawngtaina min chhan sak duh miah lo kha na ka tiin, Pathian kha ka dem ta em em bawk a. Engatinge theihtawkin kan tawngtai a, a thih hma tal pawh khan min chhan loh ? Engatinge ka tawngtaina a chhan loh ? Damna ka dil sak a, mahse thihna a chungah a theng ta si a. Keimah pawh kha nasa takin ka buai, Pathian ka rinna pawh nasa takin a tlahniam. Pathian rorel dan kha ka hrethiam lo a ni.

A vuinaah pawh ka kal duhlo, amaherawh chu tlangval kan nih ve tawh avangin an khawhar hnem turin thiante nen kan riaklut hlawm a. Zana ka muhil theilo chu ka thu reng a, Kan thianpa nu chu a lo la harh reng mai a, Choka lamah chuan inkawm ang hmiang a ti a. Kan phei ta a. A fapa chungchangte chu kan sawi a, thlalak te kan en dun bawk a. A fapa sual zia leh inchhung a tih hrehawm dan te a sawi a, mahse a thihdawn ni a Pathian khawngaihna a chan dan leh a thih dawn a Vantirhkoh ten an rawn hruai dante chu hlim takin min hrilh a, kei chuan ngaihnawm ti tak chuan ka ngaithla a, zan dar 12 a rik chuan kan mu ta a.

Mutnaah chuan ka ngaihtuah ta rauh rauh a, ka tawngtai sak ve nasa, a damloh pawh khan a dam theih nan khan ka tawngtai thin. Mahse a thi ta daih si a, eng hi nge damna tak tak chu ni ta ? tiin ka inzawt a. Chutih laitak chuan ka thinlungah heihi chiang takin a rawn lang a, "Damna famkim chu thlarau damna hi a ni", tih hi. Chutah a dam theihnana ka lo tawngtai sak ve char char thin, a thlawn emaw ka lo tih kha, a lo thlawn awzawng lo. Ka tawngtai Pathianin min chang lo emaw ka lo tih kha min lo chhang chiang a ni. Ka tawngtai sak khan damna famkim a chang a ni. Ka lawm lutuk, Pathian hnenah ka tawngtai a, lawmthu ka sawi. Tin, a hmaa ka lo dem naah ngaihdam ka dil bawk a. Ka tawngtai sak vanga dam a ni lo, kan tawngtainate Pathianin a ngaithla a, a zahngaihna avangin thlarau damna chu Kan thiana chungah khan a thlen ta a ni. Hemi zan atang hian heihi ka hre chhuak a, taksa damna hi a hlu, mahse damna tak tak, damna famkim chu Thlarau damna hi a ni.

The Reserve Bank of GOD

2010-10-09T10:18:00.001-07:00

Nasa takin hna kan thawk a, nakina kan chunga thil duhawmlo lo la thleng theite dawn reng chungin, kan pawisa neih ang angte chu Bank ah te leh Investment company hrang hrangah te kan dah hlawm. Mizoramah pawh Bajaj Allianz, ICICI, Reliance,etc . te an awm nuk a. Life insuarance te kan ti a. Tin, kum sawm hnua a pung thlakhlelh vang te pawhin kan dah a ni. A tha thlawt, interest tam tham tak nen kan lachhuak a, a nih loh pawhin kan damloh nikhuaah te inenkawl nan kan hmang thin. A fin thlak em em a ni.

Mahse heng investment Company leh financial Institution zawng zawngte aia hlawk leh tha, changtlung leh belhchiandawl bawk si kawhhmuh tur ka nei che u. Heng investment kan tihnate hi dik tak chuan tluchhe thei an ni. America rama hetianga lian tak mai AIG pawh nikum lamah nasa takin a tlachhia a, Ram economy pawh a buai phah a ni.

Heng khawvela sum dah punna leh khawlna zawng zawng aia tha leh hlawk zawk chu Bible kan chhiar chuan kan hmu ang. Mathaia 6:19 ah chuan heti hian a sawi a, "Leiah, thim leh tuiekin a ei chhiatnaah, rukru ten an rehpawha an rukna ah hian in tan ro khawl khawm suh u. Vanah thim leh tui ekin a eichhiat lohnaah, rukruten an reh pawha an ruk hek lohnaah chuan intan ro khawl khawm zawk rawh u. In ro awmna apiangah in rilru pawh a awm thin hi".

Hei hi The Reserve Bank of GOD a sawina a ni. Heta sum khawlkhawm te hi chuan an la ti fuh zel. Sawma pakhat hi chu kan bat, kan rulh ngei ngei tur a ni, a bak chu i invest thei. The Reserve Bank of GOD a pawisa i dah chuan nangmahah chauh pawh nilo, i chhungkuate thlengin interest tha tak i hmu reng ang.

He leia nasa taka kan inchhek arbawm lai hian natna te kan tuar a, inenkawl nan kan sum tam tak kan seng a, hlimna lei kan tum a, reilote hlimna chu lungngaihna chuan a rawn zui vat a, Kan chhungkuaa Cancer vei an lo awm ngat phei chuan sum hi a chhuak huau huah mai thin. Hetih lai hian ui lova Pathian hnena pe thin tute chu Pathian hian alo duat khawp mai. Reserve Bank of GOD a pawisa i dah erawh chuan hriselna tha te, hlimna te, thlamuanna te i dawng ang a, heng interest, khawvel pawisa pawhin a a lei zawh loh hi i dawng nawn awn awn mai ang. Tin, heng hriselna leh hlimna chauh hi a return a la ni mai hauh lo a nia. A aia nasa in Pathian chuan sum leh paiin a vur ang che, he case ah ngat hi chuan Pathian hian a mah fiah a cho khawp kha.

He thu hi thu dik a ni a, lo ti fuh tak tak te hian an zawng chhang. Mal min sawm dawn nge dawn lo i fiah ve ang u hmiang.

Duan lawk khawvel mahse tawn chawp hringnun nisi

2010-09-18T13:08:00.001-07:00

Hring nin hi duan lawk a ni thei ang em ?

Mi pakhat hi Car accident ah a thi a. Kha thihna kha Pathian thlen nge ama thlen ? Pathian hian khapa thih hun kha a ruat lawk tihna em ni ? Nge, Kha pa kha lo fimkhur deuh ta selang, kha thihna ata kha a him thei zawk ang ? engkim hi , accident lo awm te pawh hi Pathian hian a ruat lawk sa diam tihna emni ni zawk ?

Pathian hian engkim a siam a, khawvela thil rawn thleng tur zawng zawngte pawh hi a hre lawk bawk, sawrkar thar rawn piang turte, minister thar turte a hre lawk awm si a. Tin, indonaa chak tur zawk pawh hi a remruatna liau liau a ni. Ti ta ila, a nih leh mihringa duhthlan theihna a dah hi eng atan chuan nge ni ta ang ? Kan duhthlan tur leh kan khawvel la hman dan tur zawng zawng a hriat lawk vek si chuan ?

Ruat lawk khawvel a ni e tih theih tur chuan Bible ah pawh chang tam tak lak chhuah tur a awm. Ephesi 1:4 ah chuan heti hian a inziak a. “Thianghlim leh sawiselbova a hmaa kan awm theih nan leilung pian hma khan hmangaihnain Kristaah min thlang tawh”.

Heti a nih chuan Pathian hian khawvel a siam hma daih atang khan min lo thlang daih tawh tihna a ni si a. A nih leh khawnge duhthlanna chu ?He hla thu “Khawvel pian hmaa talh tawh Beram no” atang hian ngaihtuah chhin ila, Evi leh Adama khan kha thei kha ei lo turin duh an thlang thei tehreng em ? Nge sual tur hrim hrim a duan sa an ni zawk tihna ?

Juda iskariota kha han ngaihtuah leh ta ila, Thil tha ti turin duhthlanna a hmang thei reng em ? Lal Isua khan “Mihring Fapa hi a chanchin an ziak ang tak khan a kal dawn a ni; nimahsela, Mihring Fapa mantirtu tur chung chu a pik e; chu mihring chu piang lo se a tan a tha zawk tur”, Mathaia 26:24. a ti a. A last sentence hi ngaihtuah teh,”chu mihring chu piang lo se a tan a tha zawk tur”. Heti a nih chuan Juda kha thil sual ti tur hrim hrima duan lawk tihna a ni thei dawn a ni.

Paula khan Rom 9:20 ah khan heti hian a ziak bawk a, “Aw mihring, Pathian hnial veitu chu tunge maw i nih le ? Thilsiam chuan a siamtu hnenah, Engatinge hetianga mi siam ? a ti angem ni.”, tiin. Heti a nih chuan Puppets ang mai kan ni a, puppets control-na hrui chelhtu chu Pathian a ni dawn tihna a ni maw. Pharoa leh Mosia chungchangah pawh khan, Pathian khan Pharoa thinlung a tih khauh sak tih kan hmu bawk. Chuti a nih chuan Pathian hian a duh duhin min chet tir tihna a ni thei ang em ?

Engkim hi ruat lawk leh duan sa vek a nih chuan Sam 37: 5 a a sawi ang hian ” I awmdan tur chu LALPA chungah nghat la, Amah chu ring la, Aman a ti vek ang”, … engvang chuan nge kan ropuina lo thleng tur te, kan chunga thil engkim lo la thleng tur chu thu chunga kan lo nghah mai lohvang ? A lawm awm e, “chuti chu vanram kai turin min lo ruat lawk maithei, chu vang chuan thu chungin vanram ka kai hun tur chu kan nghak ang e”, kan ti mai dawn tihna em ni?

Presbyterian kohhran ten ngaihsan em em John Calvin-a ngei pawh khan he ruatlawk theology hi a ring khawp mai. Tuna computer hmaa ka thu te, ka thil chhut zawng zawng te, kan nupui pasal tur te leh kan thih ni tur thleng te hian ruatlawk, duansa.. niin a ngai.

Engkim hi Duan lawk ni ta se, khawnge kan duhthlanna chu ni ta ang ?

Engkim hi duan lawk a ni e tih hi kan pawm a nih ngai chuan Pathian in a ngaihpawimawh em em duhthlanna, chhia leh tha hriatna hi kan hnawl dawn tihna a ni a. Hei hi a dik chiah dawn em ni ? He Theology avang hian mi tam tak chu an kal sual mek a. Pathian in kan hma hun zawng zawng a hriat vek si chuan a nih leh thu mai mai ila, kan thil tawn tur leh malsawmna lo thleng tur chu thu chungin i nghak chhuak tawp mai ang, tiin ngaihdan an nei thin.

Engkim hi duan lawk vek a ni lo tih chu Ruai ropui theh tehkhin thu, Luka 14:15 ah khan kan hmu thei awm e. Zanriah ropui buatsaih tupa khan a mi sawmte kha rawn kal ngei ngei turin thuchhuah a siam a lang lo. Tin, a sawm zawng zawngte kha rawn tel ngei ngei turin ti ta selang chuan a bawih tirh te khan theih tawkin an sawm anga, an kal peih lo chung chung pawh kha a puak talin ruai theh turin in lamah an paw haw ngei ang. Khang a sawm zawng zawngte kha rawn kal duh selang chuan an kal vek thei ang, mahse a duh chu an kal a, a duhlo chu an kal bik chuang lo. Hetah hian chiang ta em em chu Pathian hian kan duhthlanna hi min zah sak a, min ti lui lo a ni.

Kan duhthlanna a zah em em a ni tih chu Johana 3:16 ah pawh khan kan hmu bawk awm e, “Pathianin Khawvel a hmangaih em em a, tichuan, a Fapa mal neih chhun a pe a, amah chu tupawh a ring tawh phawt chu an boral lova, chatuan nun an neih zawk nan”, tiin a inziak. Min chhandam, mahse rin ve a angai. A ring apiang chuan chatuan nun an nei anga, a ring duhlote chuan nun an nei chuang lovang. A nih leh engkim hi remruat sa vek lo nita selang, a ring duh leh duh lo pawh vanramah min kai tir vek mai tur a ni . Heti fakauva min hmangaih, Kross a thi hial khawp a kan tana rawn tuar chuan Hremhmuna kan kal hi a phal thlawt lo tihna a ni a. Mahse he rin dan hi chu kalsualna a ni bawk si.

Heti zawng zawk hi a lo ni a, Pathian khan suala kan tluk turte chu a ring lawk thei alawm. A chhan chu mihringte hi thlem sam kan ni a, tlu thei mai kan ni tih hi a siamtu chuan a hrechiang dawn em a sin. Pathian khan mihringte hi chhia leh tha hriatna min pe, engvang kher chuan nge hei hi mihringah a dah ni ? A chhan chu maw, Van angel leh seraf te hi Pathian fak leh chawimawi tur hrim hrima ruat leh duan sa an ni. An ni ho hian Pathian ropuina an paw chhuak zo lo chiang hle awm e. Chutah, A anpui ngei, chhia leh tha hria, duhthlang thei mihring a siam ta a. Heizet hi chuan Pathian ropuina a puang chhuak thei ta.Duh a fak, duh loh chuan fak lo thei dinhmun atanga, kan duhthu ngei a mihringin Pathian kan fak hian Pathian hi a lawm a ni. Pathian ropuina tifamkimtu kan ni. Chutah suala kan tluk theih tur zia a hrechiang khawp mai, keini pawhin ngaihzawng kan han nei thin a, min hmangaih reng se kan duh ve tho, an kalbo kan hlau lutuk. Mahse midang keini aia duh an neih chuan an kalbo thei a ni tih kan hre reng tho. Chutah chuan kan rilru a na anga, an mahni neih let leh theih dan tur thlengte pawhin a then chuan kan ngaihtuah lawk thin ang. An kal bo thei a ni tih hre reng chungin ngaihzawng chu kan nei lui tho thin.

Hetiang chiah hi a ni ve tho Kan Pathian hi. “Khawvel siam hmaa talh tawh Beramno” tih hi, Pathian hian khawvel a siam hma pawh khan mihring suala kan tluk theih tur thu hi a hre reng a lawm. Achhan chu duh thlang thei kan ni a, A mah chu kan kal bosan thei reng a ni tih a hre chiang em em a, hei vang tak hian suala kan tluk hnu pawh a min chhanchhuah leh dan tur remruatna chu a nei sa thlap a ni.

Duan lawk Khawvel Mahse Tawn chawp nun nisi

Pathian hian Khawvel leh a chhunga thil awm zawng zawng leh khawvel pawn thil engkim hi a siam. Khawvel vir dan tur te, ni leh thla leh arsite herkual dan tur te pawh hi a remruat lawk sa vek thil a ni. Nipui a lo thaw a, fur a lo ni leh a, favang chu thlasikin a rawn chhunzawm bawk a. Eco system hrang hrang, nungcha in ei chhawn dan tur zawng zawng te, keini mihring taksa chhung khawl chet kual dan tur zawng zawng te hi Pathian chuan a duang sa a, a remruatna hnuaia che leh kal kual vel a ni.

Hetih lai hian kan nun kal chho dan tur, entirnan : Thanga hi Pi Hmingi leh Pu Muana te fa 3 na a ni ang a, Champhai Vengthar Primary school I ah a kal anga, Marymount middle school ah kal chhoin, Govt. Mizo Higher Secondary School ah a kal ang a, Hrangbana College ah Graduate in Mizoram University ah MA a zo ang. Tichuan, nupuiah High School a kal laia a ngaihzawng pathumna Sangi a nei ang a, tichuan 2020 April ni 20 ah a boral ang !!! …. heti zawng hi chuan a ruat lawk lo.

Kan hriatthiam theih dan tur chuan, Tuikhuah ka siam a, tui chu a tam chuan luang liam zel thei turin ka siam bawk. sangha te tana khawsak theihna tura hmun nuam a ni. Sangha thahnem tak ka lei a, ka tui khuahah chuan ka dah ta a, tuk tin hian an chaw tur chu ka vawm lut thin bawk. Len hmangin ka duh chuan an len hunah ka man thei, nghakuai hmang pawhin. sangha te hi ka ta an ni a, ka duat em em a, ka tuikhuahah ka chentir, amaherawh chu, an duh duhnaah an cheng kual thei. An duh leh lung karahte an biru thei a, an duh chuan thian chi hrang hrang an kawm thei bawk. Hei hi chu ka thu neihna piah lam a ni ve thung, an duh thlanna a an duh duhna hmuna an kawhsak hi.

Heti zawng zawk hi a ni a Pathianin min enkawl dan leh kan duhthlanna min ngaihpawhmawh sak dan chu. Nitin hian kawngkhar nam hawn tur chi hrang hrang duhthlantur kan nei. Athen chu kawng dik a ni a, a then chu thihna kawngte a ni thin. Khawi kawngah pawh kan kal thei, thihna kawng pawh kan zawh a ni thei. Pathian chuan min awmpui a, kawng dik zawh tur chuan min duh em em thin, chutih laiin kan duh tlat loh chuan thihnaah chuan kan kal tlang thei tho a ni. Chutah chuan Pathian hian kawng dik zawh turin tharumin min nawr lem lo, hetih lai hian setana pawhin sual kawng zawh turin min ti lui bik lo, mahse nasa takin min thlem thei thin.

Eng kawng pawh zawhin, hmun chhe ber thleng pawh thleng mah ila, Kan Pa vanami chuan min hmangaih a, min rawn zawng a, a hmel mawi min hmuh tir a duh thin. Chu chu a ni a remruat zawk ni ta chu. Hmun ralti berah pawh a hnen kan pan theina hun tha min siamsak thin. Pathian chu Fakin awm rawh se. Sual kawng kha zawh turin min ti hauh lo, mahse setana thlemna avangin Amah chu kan hawi san a, hmun hla taka kan kal ta a, kal ngaihna kan hre ta lo, kan kawng zawh kha thihna a ni tih pawh kan hmu thiam a, kan hlau a, kan mangang a ni. E… Ka Pa Vanami khan he hmun ralti atang hian min chhan chhuak thei ang, tiin A mah chu kan han ko a, A ni chuan “Ka fa, i hnungah hian ka awm reng a lawm, rawn hawi let la, ka lam rawn hawi rawh. Sual kawng kha zawh tawh lo la, hla takah thui tak rawn let a ngai love, rawn hawi let mai la, ka hmangaihna angchhungah rawn lut leh rawh, Ka hmangaih che a sin”, tiin min rawn zawng thin a ni. Pathian chu Fakin awm rawh se.

Kan dawizep avang hian Kan chunga thil thlengte hi Pathian remruat vek a ni e kan ti thin.

A nih tum em em thin kha ni pha ta lovin, a aia hnuai daih Sorkar hna chu a thawk ta a, Mahse a ni chuan, “Ka nih tum ka ni thei ta lo kha Pathian remruat a ni e, Ka tum kha chu ni ta ila chuan, Pathian hnaihna chang ka hre lo ang a”, tiin a in hnem. Dik tak chuan exam naa a zir peih loh vanga a nih tur ni pha lo a ni. Taima selang chuan A nih tum chu a ni ngei ang. Chu a tum ber hna chu lo thawk ta pawh ni se, Pathian chuan a hmel mawi chu a hmuh tir tho ang, tuna hna hnuaihnung a chelh lai ang tho hian.

Hetiang chiah hian, A khawsak dik loh leh hur herh avangin mipat hmeichhiatna sualah a tlu ta a, thil sual ti a ni tih a inhria, hrehawm a tiin, a inchhir em em a, a nun a khawhar bawk. Chu khawharna ruam atang chuan chuan Pathian a kova, Pathian chuan a chhang a, thlamuanna neiin Pathian a lo hnaih phah ta a. Chutah chuan a ni chuan” Suala ka tluk kha Pathian remruat a ni, Kha sual atang khan Pathian ka hmu ta a”, tiin a thil sual tih kha Pathian remruat a ti ta hlauh mai. Mahse a ni lo. KTP inpawl honaah thianghlim taka a awm lai pawh khan Pathian chuan a hmel mawi a hmuhtir thei reng tho, Timothea anga sual lam zawng zawh kherlo pawhin.

Nula tlangval an inngaizawng a, an inhmangaih em em, mahse buaina neuh neuh an han tawk ta a, “E..Pathian remruat kan ni lo a niang, Kan tan hian Pathian hian midang min ruat sak a ni ange”, tiin an inthen ta a. Han ngaihtuah chiang teh, Israel fate khan kanan ram an pan lai khan harsatna tamtak an tawk e, khatah khan Pathian remruat a ni lo a niang kanan ram thlen hi… ti ta se, let leh ta selang. Kanan ram kha an thleng hauh lovang. Kan huaisen loh avangte hian kan hmaa harsatna lo awmte hi Pathian remruat a ni ange tiin thuthlukna kan siam zung zung thin.Hei hi thil diklo a ni.

Thui takin ka sawi kual a, mahse kan thupui ni lo daih in i ti tawp ang u hmiang.A tawp nan chuan.. Kan khawvel hi duan lawk a ni a, chutih lai chuan kan nun dan tur hi chu kan tawn chawp a ni thung si. Pathian hian Amah hmangaih let ve turin min duh a, mahse tumah min ti lui si lo. A chang hi chuan lungngai em em leh lungleng em emte hian kan siam thin a ni. Mihring hremhmuna a kal avang hian hrehawm a ti thin a ni. Chuvang chuan heti fakauva min hmangaih a, kan tan a nun hian min petu hi engtia rei nge kan vahbosan dawn ? Sual kawng thui tak kan zawh hnu pawha kan let leh hun nghaka min rawn umzui tu, hla tak thlenga rawn let leh pawh phut lo, lehhawi ringawt pawh pawmtu Kan Pathian hi a zahawm a, nunna kawng min hawn sak hi i zawh ang u. Sual tur hrim hrima piang i ni bik hlei nem, Pathian hian duhsak bik a nei lo, A mah hnaih rawh, tichuan A nin a hnaih ang che.

We are the champions

2010-09-16T11:39:00.000-07:00

2004 September thla a ni. Mizoram University hnuaia College te intihsiakna lian Inter College chu kan tan ta. Hrangbana College-a B.Com 2nd Year ka nih lai a ni a, a hma kum khan Hrangbana College kha overall ah champion mah ila, Football-ah runners up kan nih avang khan kan la na em em kha a ni a. Tun kum chu a pumpuiah kan champion ang a, Football-ah pawh kan champion bawk ang kan ti.

Kan game hmasa berah Aizawl North College kan tum, hemi tum hi ka inkhelh tawh azawngah chuan hrehawm ka tih ber tum a ni. 3-1 a hma kan hruai kha minute 70 hnu lamah min rawn draw ve ta mai.
Kan last defender Johnathana nen kan communication a that loh avangin ho deuhin vawi hnih goal ka chhuah, kan in hau hrep a, a ni chuan kei min mawhpuh a, kei chuan ani chu ka mawhpuh bawk. Hmai sen tawn tawnin field chhungah chuan kan inhau a, thian ten min rawn khap dai thei hram a ni. Hun a tawp zui ta mai, Penalty shootout hmanga chak zawk zawn a ngai ta, Penalty pet tur chuan kan inbuatsaih ta.

Hrangbana College hi Football thiam college tih thin kha a ni, mahse tunah chuan first game-ah tla thei dinhmunah kan ding ta tlat mai. Kan inbuatsaihnate kha ka ngaihtuah let leh a, kan thawk rim a, kan hah, tin, champion pawh kan phu bawk. Mahse hei vannei leh vanduai inkarah chuan kan ding ta reng mai. Kan chakloh chuan Mizoram College lian ber kha college te tak Aizawl North College lakah a tlawm dawn tihna a ni si a. Football player te chauh pawh ni lo, Hrangbana College pumpui tan mualphona nasa tak a ni dawn chiang. Chutih lai chuan a mawhphur tu ber chu keimah ka ni dawn ta bawk.

Ka rilru a hah em em, ka zam em em bawk. Chutih laitak chuan kan defender pakhat chuan "Penalty -ah chuan Dinsanga hian veng zawk rawh se", a rawn ti khanglang bawk nen. Ka zam ngawih ngawih a, ka thin a rimin ka zak em em bawk.

Ka luhlul ka chhuah a, ka tawngchhuak ve ta ... "Mi ring rawh u, kan chak ang. Ka save vek ang", ka ti ta a. Penalty chu kan pet tan ta, kan pet hmasa zawk a. Kan pet goal lo nghal pang. Ka ven a hun ta, goal-ah chuan ka ding vang vanga, an striker, a hma pawha goal hnih ngawt rawn thuntu ngei kha a rawn pen chhuak a. Ka zirlaipui inkhel en te chuan min rawn au vak vak a, save rawh aw..tiin. Ka dinglamah a rawn pet a, ka risk fuh em avang chuan ka beng per a, ka save chu a ni ta. tichuan kan pet leh a, kan pet goal a... Vawi hnih ka save a, pakhatin goal ban a pet per bawk a. Tichuan kan tumpuite chu penalty-ah goal thun miah lovin an tlawm a, hnehna kan chang ta. Ka hlim kher mai.

SEMI FINAL

Kan khel chho ta zel a, kan vannei a, kan chak chho ta zel bawk a. Semifinal chu kan thleng ta. Pachhunga University college nen kan inkhel dawn ta. Pachhunga College nen hian tournament tan hmain friendly match kan lo khel tawh. Nasa takin buaina a chhuak a, inkhel chhunzawm theiloin kan game chu tih tawp a ni a. Inter college-ah kan in tawng leh dawn nia an rawn ti a, keini chuan..ee.... kan intawng leh dawn khawp..lo chak ve char char rawh u..kan ti ve a, kan tin ta kha a ni a. Tichuan Semi final-ah kan intum dawn ta chiah chiah bawk nen, ahmaa boruak lo awm bawk nen. Lammualah chuan college dang dang students, kan boruak lo hre ve a inkhel en tum chu an lo tam em em a. An ni mai an ni lo, buaina a chhuah tak thuta thelhdai tur Police pawh chu field sirah chuan an awm thup bawk.

Kan inkhel tan ta, game-ah kan hneh em em a, harsa lote chuan goal 3 chu kan thun ta mai a. Kan hneh mah mah avang khan boruak duhawmlo engmah a thlen kha kan beisei tawh lo. Mahse hun a tawp tep tihin, through ball an rawn inpe a, mahse a lum chak a vangin kei khan awlsam tak khan tluchungin ka lo man mai a. Mahse an striker sam buk tak khan ka hrawkah min rawn pet lui hram, a na ka ti em em, ka thin a rim em em bawk. ka tho a, chupa chu ka tham a, ka rek ta nawk nawk a. mahse kut kan inthlak tak tak hmain midang an rawn tlan khawm a, kan buai ta luih luih mai a. Mahse kan la chak zawk avang khan kan captain Puipuia chuan min rawn thelh dai thei ta hram a. Yellow card min pe ta ve ve a. Tichuan 3-0 chuan hnehna kan chang a, kan hlim em em, final chauh kan hmabak ta. Game pakhat zawkah Aizawl college chuan Zirtiri College chu an lo hneh ve chiah bawk a. A hma kuma Final-a kan hnehloh te nen bawk chuan Final kan khel leh dawn ta.

FINAL FRIDAY

Friday a ni. Final kan khelh ni tur chu a ni. Chhun dar 1:00 PM-ah Lammualah Aizawl College , Inter College Football Defending champion nen Final kan khel dawn. Kan phur em em a, kan huphurh em em bawk. Huphurhawm an ni chiang a lawm, an player han en reng reng pawhin ... Aldrin, Vannunmawia, Zaia, Lalhmuchhuaka, Subroto Cup-ah pawh lo kal an awm nual bawk. Tin, Tun thlenga 1st div Team tha la ni reng, FC Kulikawn a khel kha an awm nuk bawk a. Huphur viau mah ila, John-a, Lal pa-a, Hmahruaia leh Dinsangate kan nei ve tho a, kan zam bik chuang lo.

College-ah chuan dar 11:00-ah kan kim a, Game khelh dan tur kan sawi khawm a, Common room-ah chuan kan dingkual a, kan inkai theuh a, Pathian hnenah chuan chakna kan dil a, kan inhlan a. Kan tawngtai rual zawh chuan Lalpa tawngtaina kan sawi rual a, Final khel tur chuan Lammual lam chu kan pan phei ta.

Lammual kan va thlen phei nak chuan 'Mizoram chhunga College zirlai zawng zawng chu an lo pungkhawm a ni maw'...tih mai tur chuan Lammual chu College color hrang hrang chuan a lo khat a. Kan College chu hlawm khatin hmun khatah an lo thu khawm a, an tlim hmur maia, chutih laiin Aizawl College pawh College lian tak an nih a vangin an lo tam em em bawk a. Kan inkhel en chak vang hrim hrima pung khawm kha tam mahse hemi ni hi result puan leh lawmman sem ni a nih avang pawh chuan tam tak chu an rawn fuan khawm ve bawk a. Pachhunga College leh Zirtiri College te chuan 3rd place an lo khel mek a , zirlaite chu an lo in au tawn vak vak bawk nen. A boruak chu pui tak a ni.

Dressing room-ah chuan kan lut khawm a, muang fan raih chuan kan insiam a, khatiag khawpa tamah khan final khelh kha chu duhthusam a ni, chuvang chuan inkhelh kan chak tawh takzet zet a ni. Kan insiam zawh chuan AR Cinema Hall bul Basketball Court lamah chuan Warm up la tur chuan kan phei ta dam dam a. Kan College thutna lam a ni bawk a, a nuam kher mai. Kan hming hrelo kha an awm talo emaw tih mai tur khan min lo au luai luai bawk a, College aiawh nih kha a lo ropui thlawt a ni. Warm up kan lak lai pawh chuan min rawn au vak vak hlawm a, nia... min hria ang chu, kan college tan thi leh thau pawlhin kan tang a, kan zawng zawng kan chhuah a ni tih kan lantir thin avang khan. Aw... kan college kha kan va lo hmangaih thin tak em !!! Miin lo sawi chhe ta se, insual peih at khan kan tan thin kha ni a. College Life kha a lo nuam a ni.

Inter College-a Football level hi a sang a, hei vang hian students nikherlo pawhin an en nual bawk thin. Tin, MFA hnuaia football club hrang hrangte pawh player tha zawngin an lo chhim ve hlawm thin bawk. Tun thleng hian College level football hi chu ka la ngaisang a, hmuhnawm pawh ka la ti. Ka theih chuan final hi chu ka la en deuh ziah.

FINAL

Inkhelh tan a ni dawn ta. Pavilion thlang lamah chuan Aizawl College player te nen chuan chhuah mai inring chuan kan awmkhawm a, Kan lo inkhelh pui thinte an nih avangin kan innel hlawm hle a, tha taka khelturin kan in wish tawn a. Referee te chuan players checking an rawn nei diat diat a. "Kan zotlang ram nuam", hla chu ring takin an rawn play ta, chutah Aizawl College player te nen chuan field lai lam chu kan pan phei ta a. Field chhung kan lut chiah mai chu College Students Lalmmual khat tlat chu ring takin an au hluah hluah a, a zamawm hle mai. Kan inchibai kual zawh hnu chuan game chu kan tan ta a.

Beisei ang ngeiin game pawh chu a tang nghal et awt khawp mai. Kan innawr tawn zak zak a, Aizawl college ball khawih a nalh zawk mahin a lang. Kei nin Forward tha tak Lalhmingsanga kan nei a, throuhball kan vawrh deuh chhen, Aizawl College defender ten ven harsa an ti khawp. An midfielder Zaitea te experiance an lo neih that tawh em avangin game boruak sangah an buailo, an rawn nawr na ve khawp mai, an forward Lalhmuchhuka lian lemlo nain ball a thiam a, hmun rem leh remlo a thliar hrang lo, vawi hnih lai chu goal post a rawn pet per. A bak chu First half-ah hlauhawm a awm hran lo, midfield-ah kan inbei nasa.

Half time ah chuan kan thiam dan tawk tawkin kan han infuih tawn a. Tichuan Second half chu kan tan leh ta. Player te kan inbuk tawk tawn ve ve a, clear chance a awm hleithei lo. kan tan em avangin ball pawh a ken rei theih loh a, kan inchhuh zung zung a, a entu ni ta ila hmuhnawm ka tih ve khawp chu ka ring ka thiante inkhel kha. Thil danglam em em a thleng lo, kan inhnehtawk em em a, thil mak a thlengte a nih ngawt tawh loh chuan goal thun chu theihloh a ni, kan defender te an that rual in an ni pawh kan sutlang thei bik lo a ni. Referee-in a hamrik chu a ham ri tuar a, hun a tawp ta. Tunah chuan Penalty shootout hmanga chakzawk zawn a ngai dawn ta. Ka chak rual rualin, ka va han huphurh tak em. Kha tih laia ka zam zia kha coach khan hria selang chuan " Football khel ve tlak i ni lo", min ti ngei ang.

Centre ah chuan kan thu kual a, tunge pet hmasa dawn tiin kan inrawn khawm a. Tupawh kha an zam a ni tih an hmelah khan a lang thei. An maimitchhing a, Pathian an au a ni tih a hriat ngawih ngawih. Chak loh kha thih hrehin kan hreh a ni. Coin toss-ah kan chak a, goal ven hmasak chu ka thlang ta a.

Goal ban bulah chuan ka va phei a, ka lu leh goal ban chu ka chuktuah a, Pathian hnenah a awmpuina ka dil a. Kan pet tan ta. Min bum chiang thei hle, A nilo lamah ka dive zuk zuk a. Pali ve veinkan pet tawh, ala goal vek, kan la inhneh tawk. Pakhat ve ve chiah pettur an awm ta. Hei hi ka save a, kan lamin an pet goal chuan kan champion a ni mai dawn. Mahse an rawn pet goal a, kan pet goal ve si loh chuan kum zawin runners up kan ni dawn tihna a ni. Ka zam em em a, Pathian ka ko mawlh mawlh bawk. Chutah Vannunmawia (Republic Veng) chu a rawn pen chhuak, Ani hi Higher Secondary School Games leh a hma kum final-a a penalty pet ka lo dan sak tawh a ni. Ka thaw huai, mahse vawi thum a zawna ka vena pet goal loh chu a duh dawn lo tih a hmelah chuan a hriat ngawih ngawih. A pet ta a, chhak lamapangah ka thlawk chho, ball a rawn kal fu lutuk, ka kut dinglam chuan ka dang ta hlauh mai. Lammual chu a ri ta hum hum a, Entu zawng zawng kha kan pawlte an nita a nianga tih theih khawpin an thawm chu a ring a ni. Kan lam atangin Johnathana a rawn chhuak. A pet goal chuan kan chak dawn, ka en ngam lo. Hamrik a ri, a pet ta, chhaklam sirah chuan net puar pawpin a pet ta. Kan champion chu a ni ta....

WE ARE THE CHAMPIONS

Hrangbana College zirlaite field chhungah an rawn tlan lut. Keini pawh chu enge thleng tih pawh ngaituah lo chuan kan tlankual ve ta vak vak mai a. Thiante leh zirlai puite chuan min rawn pawm a, an te chel chul a. Keini pawh chuan player kan ni e tih pawh ngaihtuah chang tawh lo chuan Hrangbana College Flag a pawl ngei chu kan keng a, kan tlankual pui ta fua fua a. Football hi nunrawng thin viau mahse Champion nawm zia hi eng level-ah pawh hian a nuam a, thu mai chuan ka sawichhuak thiam lo a ni e. Kan college-a inngaihlo em em, kum khat chhunga vawi 5 ngawt insualte pawh kha, thian dun ang mai hian an rawn inkuah a, an zuang vak vak a. Lawmman semna chuan a zuita a, Cup kan han chawi a, Queen hla "We are the Champions", an rawn play zet kha zawng, a va han nuam tak em.

Lammuala function chu kan zawh hnuin College BUS chuan Aizawl khawpui chu kan fang ta a, BUS pali vel kan inzui a, kan zai a, kan lam a, a va nuamin a va han hlu tak em. Sumin khang hun kha leilet leh theih dawn chu nise ka inseng ngam ang tih ka hria. Kum ruk lai a liam hnu hian khang ka khelhpui, ka thiante kha khawiah nge an awm tak angle ? Unau ang maiin kan in en a, kan inkawm ngaih em em a, kan thu a rual a. Pakhat pawh miin lo tina se, kan vai khan kan tangrual vek thin. Mifel lo tak tak kan ni hlawm, mahse khati taka Pathian kan mamawh leh kan koh nasat chhanna chu kan hmuta kha a ni a. Khami tuma champion team-a telte kha chuan Pathian hi a lo awm tak tak a ni tih kan hrechiang a ni.

I mamawh lo maw ?

2010-09-11T11:29:00.000-07:00

Zingah fim takin ka tho a, chaw tui taka ei tur ka nei. Chhunah office kal nan motor a awm . Tlaiah ka rawn haw leh a, chaw tui taka ei tur a awm leh tho. Zanah tui takin ka mu leh mai. Harsatna ka neihin thian tha tak tak min thlamuan tur ka nei. Mahni thawhchhuah ngeiin ka inenkawl a, ka damlohin damdawi in tha deuh deuh a awm a, in enkawl nan pawisa pawh ka nei bawk. Ei leh barah pawisa ka neih avangin harsatna ka tawk ngai bawk lo.Current pawha awm tha a, NET pawh a chak tha, thian hla tak tak a mi pawh ka be zung zung thei. Hei hi ka nun chu a ni a, mamawh dang ka neih em em ka hre hran tawh lo.

Pathian awmpuina ka mamawh hran hlei nem, thian tha tak tak ka nei a, ka mamawhte chu an nin min pe thei reng bawk. Pathian tih damna kher a ngai em ni ? Damdawi in tha tak tak a awm bawk a lawm. Tuna ka nun danah hian Pathian pawh han mamawh em em na ka nei hran lo.

Mizoram kilkhawr takah pawh hetia kan khawsak theih tawh chuan Khung sap ram kan tih hmuna sap ho te khuan Pathian hi an va han mamawh dawn lo tak em.. An mamawh zawng zawng chu a kim ang.

A dik reng e, hmasawnna hian kan rinna hi a tichhe ve mek zel a ni. Pathian mamawhna tak tak kan neih si loh chuan Engvang kher chuan nge Pathian lam kan hawi ringawt ang ? Amaherawh chu heihi kan lo hriat hmaih thin a ni... Pathian awmpuina tello chuan second khat pawh hi tunge mahni nunna chelh thei awm ? A awmpuina avang zawk chuan kan thaw a, kan nung a, kan lam bawk thin.

Eng anga hausa/rethei pawh ni ila, ka nunna hi Pathian hian min ven sak a, Ama hming avang chauhin he khawvelah hian ka nung ve a ni. Khawvela pawisa leh thil hlu, rangkachak leh lunghlu zawng zawng pawh hian nunna pakhat pawh a lei thei si lo. Heihi kan hriat fiah hma chu Pathian kan mamawh a ni tih hi kan hre ngai lo ang. Kan kut te, ke te a bun rum hnuah chauh ni lovin, tunah hian A mah chu i hnaih ang u, tichuan A ni'n min hnaih dawn si a. Harsatna khur atang khera auh kan tum chuan kan tlai hman ang tih a hlauhawm a ni. "Hmuh awla a awm lai hian Lalpa chu zawng ula, a hnaih lai hian ko rawh u".

ka lei mit ka chhing ta

2010-09-04T12:36:00.001-07:00

Ka chau ta khawp mai, rei ka daih tawh dawn lo tih pawh ka hre ta. Ka khum bulah chuan chhungkhat laina hnaite chu an awm thap a, ka meng peih tawh lo a ni ber e. Theih tawkin ka'n tang leh a, ka mit chu ka'n meng a; an beisei a bo a ni tih an hmelah chuan ka hmu, an tawng ri chu ka hria, mahse enge an sawi pawh ka hre thei tawh lo. "Ngawiteh, men pawh chu a hahthlak ta em mai, ka'n chhing leh lawk ange", ka ti a. A hnu rei vak loah chuan k harh ta hlawl mai a, e he... ka mumang a lo ni maw... tih pah chuan ka'n hawi kual a. Chutah keima khum ngei a keima mu lai chu ka va hmu ta. Ka chhungte chuan min tah laih laih bawk a. Enge a awmzia ?? heihi ka mumang a ni em le ? tiin ka'n inzawt a, mahse engkim mai chu a tak vek a ni ta si.

"Tunah chuan mihring ka chang zo ta lo a ni maw, heihi a lo ni maw THIHNA an lo tih chu. Kei ngei pawh hi ka lo thi ve thei a ni maw.. Ka thiante leh midang chan tur emaw ka lo ti thin a, mahse hei keipawh chu ka thi chiang ta chu a ni a. Heihi a lo ni maw thihna chu". Ti a, mak ti tak leh buai taka ka awm lai chuan pindan bang chu a chunglam atang chuan a rawn kak thla a, eng pawl nalh tak hi a rawn eng sut mai a. Aw a ni nge ni lo ka hre lo, chiang tak hian "I kal a hun ta e", tih chu ka hria a. Chutah chiah chuan... "Eheu... Chatuan ram ka pan dawn ta tak tak a ni maw.. Vanram leh Hremhmun a awm tak e.." tiin ka in ngaihtuah harh a.

Khawvela ka dam lai khan Lal Isua duh loh zawng ka ti hnem a ni tih ka hrechhuak ta uai uai mai.. Amaherawh chu tling lo chung chunga a rawng ka lo bawl sak Lal Isua khan ka sualte a tleng fai tih chu chiang em em in ka hria a, Ka chungchang an ngaihtuah hunah ka aia Lal Isua ding tur chuan ka thla a timuang a, hlim tak leh nghakhlel tak chung chuan chu eng rawn kalna lam chu ka pan phei ta a.

He hun danglam leh kan la tawn ngaihloh hun hi.... tu pawhin kan la tawng vek dawn. Zanin hian a ni thei, naktukah pawh a ni thei. Thi ve tur pawh hian kan indah chhin ngai meuh lo, tin, hetiang lam hi kan ngaihtuah duh bawk hek lo. Setana hian kan ngaihtuah a phallo a lawm. Hremhmun tla tura han indah changte hian kan hlauin, kan khur mai thin,.... chutah chuan Pathian hnaih duhna thinlung kan lo nei vat mai.. Hei tak hi setana hian a hria a, thih hnu piahlam thil hi kan ngaihtuah a phal lo a ni.

Hun danglam tawng turin i thlarau a inpeih tawh em ?

Han hawichhuak teh

2010-08-21T12:47:00.000-07:00

Lal Isua i Lal leh Chhandamtua i pawm ni atang khan Indona Field-ah i zuang lut ve nghal tih i theihnghilh tawh em ni ? Hei hi a ni Indona Thianghlim chu.

Han hawichhuak teh, hmelmapa hian nasatakin Mizoram pawh a rawn la duai duai anih hi. A kalna chinah chuan thalai tam tak a tudawl a, a salah a hruai.

I birukna khur chhung atang khan rawn chhuak la, tlangpawngah hian rawn ding kang teh khai. Phaizawl zau duaia hmelmapa chetla lai saw i hmu em. Saw.... i nupui fanau, i tu leh fa, unau leh thiante manin salah a hruai dum dum a nia. Talh fiang lekin nasa takin a nghaisa mek a nih saw.

Helai tlangpawng atang hian sawng i hmangaih em em te setana'n a sawsa lai saw i thlir reng dawn em ni ? Hetah hian ding reng ta la, he i awmna hmun pawh hi naktukah chuan an rawn thleng ang a, an rawn la leh mai dawn asin.

Unaupa, i kawlhnamte chu a tuiek tawh a ni maw ? Engatinge hetah chaua i lo biruk ni.. Tuipui sen pawh vaw chat a, chhum ding leh mei alha a mite hruai thin, mitthi tawh Lazara meuh pawh kaitho tu kha i ring zo ta lo em ni ? Josua'n a koh pawh khan khawvel inherdan tibuai rapin a che a nih kha. Awle, nangmahin i do dawn hlei nem. Indona chu Lalpa Indona a ni, I Pathian chuan a do pui dawn che a sin.i hmanruate chu tat hriam la, I daichin apiang i ram. Hma hruai rawh le, i hnungah hian Baala hmaa thingthi ngailo thalai rual tamtakin an rawn zui che a nia.

Indona hriamhrei i hman hi khawvel thil a ni lova, Kulhpui thiat theihna Pathian hriamhrei thil tithei tak a ni zawk.( 2Korinth 10:4,5)

Thisen inchhuah

2010-08-03T04:44:00.000-07:00

Hmun lun lai leh puipunna hmuna han kal chang hian tleirawl ho banah hian hetiang hi ka hmu leh nual thin . An mahni ka hriatte chu kan han zawt a, anni chuan zawhte hamna an ti leh mai thin. Mahse zawhte chuan khatiang em em kha chuan a ham thuk ka ring ngai lo. Teenage girl an ni tlangpui a, pangai tak tak leh chhungkaw pangai tak atanga seiliante pawh an ni hlawm. Satanism nen inzawmna a nei anga tiin dilchhut taka zawh tur ka zawng a, Internet lamah leh lehkhabu lamah ka zawng kual ta a. Sap ho chuan hman atang khan henghi an lo ching tawh a, Tin, Film eng eng emawah chuan a lang nual bawk a.Tichuan Mizoramah chuan a reiberah Kum 2 liamta atang vel khan an ching chho niin ka hria a, ka hresual tam lo maithei.

Chiang zawkin pakhat ka kawm thei ta hlauh mai a, a chhan leh vangte ka'n zawt a... A ni chuan lungngai em em leh rilru na em em a awm chang hian hetia mahni leh mahni thisen inchhuah a, na intawrhtir hi kha a rilru hahna leh rilru natna atanga a chhuah theihna niin a ngai thin a, tichuan mahni leh mahni chu a inzaithi ta thin niin a sawi. A bik takin tleirawl (Hmeichhia) ho banah hian ka hmuhnem bik a, thenkhat chuan an ke leh taksa peng dangah an ti thin a ti bawk. A tlangpuiin an ngaihzawngte nen an inbreak hian tleirawl ho hian hetia bana thil hriama in zai mai hi an ching ta niin a ngaihtheih.

Satanism nen a inkungkaih em ?

Dilchhut takin ka zawt ta zel a, Hetiang satanic-te inthawinaa thisen an hlan nen hian inkungkaihna a nei em ? tiin ka zawt ta a, Ani chuan Satanism nen inkungkaihna a neih loh thu in min chhang a. " Hei hi chu lungngaihna nasa tak ata chhuah kan duh a, kan thisen a chhuah hian kan harsatna te chu kiang duak turin kan ngai a, kan ti ta thin a lawm, Setanic thil nen chuan inzawmna a neilo", tiin min chhang a. A nihleh tichuan in lungngaihna chu lakkian a ni ta thin em ni ? ka'n ti leh a.... "Ka hrelo", tiin min chhang a.

Nihleh Pathian thu nen inzawmna a nei em ?

Bible-ah in lungngaih leh harsatna in tawh changin inzaithi thin rawh u a ti em ? Lal Isua pan rawh u a ti zawk si a.. Chuti a nih chuan Pathian thu nen chuan a inpersan ta daih a nih dawn chu !!! Thil pahnih chiah a awm si a, Pathian leh Setana ??? Chutiang chu Pathian atanga chhuak a nih loh chuan Setana hnen atanga chhuak a ni tih sawi nawn a ngai lo ang.

Hetiang deuh hian

Hetia mahni thisen inchhuah nena inkungkaih riaua hriat ka nei a.... Hman deuh kha chuan puithuna (Superstition) pakhat kan neih thin chu ' Kan lukham hnuaiah rose par dah ila, kan nupui pasal tur kan mumangah kan hmu thei', tih kha a ni a... Mahse tun lai tleirawlteah chuan a dang ta daih mai.. 'Kan thisen hi hriau hmawrah tat ila, kan star em em te thlalakah vit bur ila, tichuan anni chuan min hmangaih thei', tiin an han practise ta a, a lo thleng dik ta ngei bawk si a.... Hetiang hi inthawina chikhat a lo ni si a, an ni chuan hreloin an lo pracrise a, athleng dik a, an zawngchhang ta a, setana hnenah thisenin an inthawi thin tih an han hriatchhuah meuh chuan a lo tlai ta thin a, chhuah an duh,mahse mahniin an chhuak mai thei ta thin lova..hetianga buai hi an tam khawpmai... a pawi a ni.

In naute an him em ?

Tleirawl hetiang practise rual kan nei em ? An lo ti ve tawh nge an la him ? An hriat loh laiin thuk takin an lut thei reng si a, chuvang chuan in hrilhhriat a tul khawp mai. Media lamah kan thang chak ropui si a, film kan en tam si, tlema nalh leh thianten an duh hi chu an ti ve zel si a, a buaithlak a ni. Tin, film..a bik takin thlahrang film-ah te hian eng eng emaw technique thar deuh deuh an rawn ching chhuaka , an ni chuan a tak ang thei tur berin an chang bawk si..an han practise a... a lo dik zel bawk si a... kan fimkhur a ngai ta hle mai... Prevention is better than cure ...

A ngai em em thin che asin.

2010-07-31T12:18:00.000-07:00

Nula leh tlangval inngaizawng hi an awm a, nula chuan tlangval chu a hmangaih em em a, a bula awm a thlahlel ngawih ngawih thin. Tlangval pawh chuan a hmangaih a, hun a neih chuan a nula-i inah chuan a leng thin, phone pawhin an in be ngun em em a, sms pawh an inthawn cham chi bawk.

Khua a lo rei a, mipa zawk chuan a thlahthlam tan ta tlat mai. Kar khatah vawi khat nula inah chuan a leng ta tawk mai . Nula chuan enge thil awmzia tih a zawh pawh chuan a buai lutuk thu leh hun a neih tam loh thuin a chhang mai thin.

Zing a rawn ni a, nula chuan a hmangaih hnen atang chuan morning wish dawn in beisei takin a phone a en a, message a awm lo. Nula chuan a'n wish pawhin chhanletna a hmu khat hle tawh bawk. Chhun a rawn ni a, "enge i an" tiin a va sms a, tlangval chuan "ka tha e" tih ringawt te hian a rawn chhang thin. Hmeichhia chu a lungleng em em a, a hmangaih chuan a ngaipawimawh loin a in hre bawk nen, a rilru a hah em em thin.

Zan a rawn ni a, a hmanghaih chu rawn leng se a ti.. "rawn leng rawh", tiin sms pawh a thawn zan tin, amaherawh chu zan tin hian a nghak thlawn mai a ni ta. Mut dawn dar 10 vel hian tlangval chuan "gudnite" tih ringawt hi a rawn thawn a, chutiang chuan a duh tawk em em zantin thin. Nula chuan lungleng em em in a hmangaih chu a lo ngak reng thin .

He tlangval ang chiah hi kan ni, Pathianin min hmangaih in min ngai em em a. Zing kan han tho a, zing tawngtaina hun han hmangta hi kan tam awm love. Chaw kan ei a.. a then chuan "Aw Lalpa chaw leh thil tinreng... " tih kha kan sawi a, kan duh tawk . Chhunah nilengin hnaah te, zirlaiah te kan buai thin. Zan a lo ni a, rei tawk kan online a, kan mut dawnah "Zaninah min veng la, Lalpa kan thil hlauh ata".... tiin tawitein kan tawngtai.. A then chuan kan la mutthluk san bawk nen.

Hun hi engtia rei nge Pathian tan kan pek ve thin le ?? Heti fakau hian min hmangaihin min ngai a ni si a. Nangmah hmangaih leh ngai em em tu che khan i koh hun nghakhlel em emin nitin zantin hun a hmang thin a sin.

Tawngtaina chhangtu Pathian

2010-07-25T19:00:00.000-07:00

Favang a rawn thleng a, khua a nuamin thian hova han chhuah vah chakna a awm. Nitin office-ah buai taka khawsa thin kan nih hlawm avangin Ni thum lai chawlh la ila, Tichuan Chalfilh tlangah ni hnih riakin i hawi khawthawng ang u kan ti ta a. Kan phur em em, pawisa kan phal ang tawk tlem lua awm lo chuan kan thawh khawm a, kan vai chuan mi 8 kan ni thei dawn a, kan phur tak zet a ni.

Kar khat chiah a awm tawh, kan committee a, kan mamawh tur chu kan nei kim ta. Tunah chuan kal chiah hmabak a ni tawh. Zantin khan kan tawngtai a, kan ruahmannate a hlawhtlin theih nan. Chutih lai chuan vanduaithlak takin ka ke dinglam chu ka bilh ta hlauh mai, ruhkhawih thiamte ka pan a, a khawih rem hnu chuan mar tha takin min tuam sak. Ka rah ngam mai ka ring. Amaherawhchu a lo na deuh a ni, ka rap ngam ta hauh lo mai. Kar khat chiah a awm tawh si, ka dam hman dawn si lo.

Kan inbuatsaih ve nasa tawh si a. Ngaihtuahna thar ka nei, Ka Pathian hi engkimtithei a ni, nidanga ka damloha a hnena ka tawngtai pawhin damna min pe thin alawm…tiin kar khat chhung chuan nasa takin ka ke a dam hmanna tur chuan ka tawngtai ta char char a. Naktuk mai a ni ta, kimloa kal kha thiante pawhin nuam an ti dawn lo tih a chiang, chutihlai chuan ka ke chu ka la rap tha ngam bawk si lo. Kar khat chhung ngawrh takin ka tawngtai a nih kha.

Hma ka sawn pawh ka hre lo, khawnge Pathian ? Danglam ngailo Pathian a ni lawmni ? Ngatinge a hmaa min chhan a, tunah min chhan tak loh ? Tiin nasa takin zawhna ka inzawt, Chalfilh tlanga chawlh hman ka chak em avang chuan. Thiante hnenah chuan naktuk zingah chauh ka confirm ang, naktukah pawh ka la dam thut thei,..tiin beiseina sang tak ka nei a, Pathian pawh ka ring a ni tih ka hria.A tuk zing a rawn ni ta, kan kal tum ni chu a ni.Mahse ka ke chuan ziaawm lam a pan hauh lo, heti a nih chuan ka kal thei dawn lo a ni tih pawh ka chiang. Hrehawm ka ti em em a, Kal dawn darkarah pawh Miracle a la awm thei a ni tih ka la ring fan.

Mahse ka beiseina chu a thamral ta. Khawnge Pathian ? Khawnge ka rinna ? ka ti..mahse Pathian dem tur hian tunge maw ka nih le tiin ka inngaihtuah harh a. Ka chunga thil thleng chu ka pawm thiam ta. Thiante chu an kal ta, Monday-ah an chhuak a, a hma ni Sunday khan kan thianpa pakhat Delhi atangin a rawn haw a, a ni chu a kal ve chak em a, inbuatsaih lemlo chuan a kal ve ta chawt a, ka Bedding leh bungrua eng eng emaw chu a chhawm ta a, mi pariat tho an nih avang chuan ka tello pawh chuan an hlim tho dawn tih ka hria.

Hlimtakin ni thum chhung chu Chalfilh tlangah chuan hun an han hmang a, khatih chhung zawng khan kal ve chak rengin hun ka hmang a ni. An rawn haw ta a, kan thian pakhat last minute-a kal a kha Malaria-in a rawn damlo haw ta hluah mai. An rawn haw chu thawk pawh la hmanloin damdawi in lamah chuan an inbuaipui ta a. Ka ke nat aia rei daih chu dam tha em em loin hun a hmang ta a ni.

Heta ka hriatchian tak em em chu, Pathian hian kan tawngtaina hi a chhang vek tih hi.

Amaherawh chu amah kan hnaih theih dan tur zawng zelin kan tawngtainate chu a chhang thin zawk a lo ni. Kan tawngtaina hi kum khat hnuahte min chhang a, tunah pawh min chhan nghal chang a awm thin bawk. Amah kan hlat phahna tur thilte a nih phei chuan thil dangin min chhang daih thin. Kan thianpa pawh kha Delhi tlangah khawvel takin a nun a lo hmang thin, mahse khatia a rawn damloh vak takah kha chuan Pathian ngaihsakna chang a rawn hre ve ta a, kei lah Malaria in damlohna ka tawh loh phah mai bakah a ni’n Pathian lam a hnaih phah ve ta zawk a.

Tawngtaina chhangtu Pathian a ni.

Portable Native Instruments Guitar Rig 3.2.0

2010-07-13T21:17:00.000-07:00

Portable Native Instruments Guitar Rig 3.2.0 | 267 MB

Guitar Rig3 hi a awlsam zawng chuan guitar effect a ni a, bass guitar atan pawh a hman theih a ni.I computer-ah load la, i guitar nen connect la, awlsam takin guitar ri nalh tak i perhchhuak mai thei ang. Classic amps, cabinets, mics leh effects zawng zawng kha hman nuam taka remkhawm a ni a, drag and drop a ni mai. Sound card tha tak i neih phei chuan studio recording atan pawh a tha ber pawl a ni. Proffesional studio te pawhin nasa takin an hmag a, tin.... Live performance atan pawh an hmang bawk.

Top Features

* Twelve supreme-sounding guitar and bass amps

* New matched cabinet module provides tried and true classic sounds in seconds
* 44 perfectly emulated guitar effects
* 17 guitar and six bass cabinets, four rotary speakers and nine microphones
* Includes Rig Kontrol 3 foot controller with Audio/MIDI interface
* Intelligent preset management for fast access to a huge selection of sounds for all styles
* Essential tools: Integrated tuner, metronome and two tapedeck modules for easy recording
* Premium special features include a loop machine and powerful modifiers
* Dedicated "Live View" for performing on stage
* Dynamic Tube Response Technology® delivers a profound sonic quality

Download From HF
http://hotfile.com/dl/54682454/650532f/Portable.Native.Instruments.Guitar.Rig.3.2.0.part2.rar.html
http://hotfile.com/dl/54682485/1a20dea/Portable.Native.Instruments.Guitar.Rig.3.2.0.part1.rar.html
http://hotfile.com/dl/54682496/eb6c16c/Portable.Native.Instruments.Guitar.Rig.3.2.0.part3.rar.html

Download From FS
http://www.fileserve.com/file/9yhxutZ/Portable.Native.Instruments.Guitar.Rig.3.2.0.part1.rar
http://www.fileserve.com/file/8Z3U9tB/Portable.Native.Instruments.Guitar.Rig.3.2.0.part2.rar
http://www.fileserve.com/file/JT7AnV9/Portable.Native.Instruments.Guitar.Rig.3.2.0.part3.rar

He Khawvelah eng vanga piang nge ka nih ?

2010-07-10T10:51:00.000-07:00

Mihring hi tu siam nge kan tih chuan ..Pathian siam kan ni..kan ti mai. Pathian siam kan ni tih hi Kristiante chuan kan pawm mai. Mahse eng vanga piang nge kan nih tih hi ngaihtuah rauh rauh chang kan nei thin.

A chang chuan mihring ngaihtuahnaah heihi a lo awm ve thin.... 'Eng vanga piang ve kher nge ka nih le, he khawvelah hian harsatna tam tak tawk tur leh, kan tawh zawh pawh a kan sual chuan chatuan hremhmuna kal kher kher.... he programme hi tu planed nge ? Pathian chungnung bera Planned a nih chuan min siam lo tawp se a tha mai lawm ni ? Hetia Pressure nasa tak hnuaia khawvela awma, vanram kaltheina chance te min siam sak mahse.. thil harsa tak hlen tur te a ruat a.. min va bawl kual nasa ve ?? He khawvela hrehawm tawrh zawh hnu pawha chatuan mei dil tlakna tur a la awm tho hi...min va nghaisa ve.. ' tia inngaihtuah rauh rauh chang kan nei thin.

Kan ngaihtuah dan chu mihring lam atang chuan dikna chen pawh a awm a ni. Mahse Mihring leh khawvel thil zawng zawng hi eng vanga siam nge a nih ? tih hi kan hriatchian chuan Pathian kan fak ngei ang. Pathianin lei leh van leh a chhunga thil awmte zawng zawng hi a tan tangkaina enge awm ? Siam lo sela, a tan a pawi em ni ?

Enge a siam chhan ber ?

Pathian lehkha thu atanga kan hmuh dan chuan, Pathianin khawvel leh a chhunga thil awmte a siam chhan berte chu, thil tha sang ber puitlinna tur a ni a, thil tha sang ber chu amah Pathian ropuina chu a ni, tih a ni.

Mahni Hmasial Pathian ??

Mi thenkhatin, Pathian chu...chutianga ama ropuina ngawt tura thil a siam a nih chuan mahni hmasial a ni maw ? an ti a ni thei e ; mahse a dik a ni. "Dikna lal tiang chu a ram lal tiang a ni a", thil dik ber chu a thawh dan tur a ni. Dikna danah chuan chawimawi tlak ber apiang chu chawimawi ber tur a ni a, ropui tlak ber apiang chu ropui ber tur a ni a, chumi dana ngaihtuah chuan Pathian chu mi zawng zawng aia chawimawi tlak ber leh ropui ber tur a ni . Chuvangin Pathian pawhin a tlak ber atana engkim a siam chu a dik a ni. "Atan engkim a awm a, azara engkim awm bawk atan chuan"(Heb. 2:10-ah) tih a ni a, engkim hi Pathian tan a ni a, engkim hi amah avanga lo awm a ni. A hmangaihna leh thatna tihlan nana a siam a ni a, chu chu ama ropuina tur a ni.

Mihring chu nge vang kher chuan nge a siam tak ?

Van angel leh seraf te hi Pathian fak tur hrim hrim a program sa an ni a, automatic-in Pathian hi an fak reng. Chu chuan Pathian ropuina a la phawk chhuak zo lo. Lei leh van leh leichhungah rannung tinreng a siam, heng zawng zawng hian Pathian ropuina pawh chu a la puang chhuak zo lo...Hengte hi chu thlarau pawh neilo an ni a, Pathian in awm rawh u a tih dan a awm ve mai an nih avangin Pathian Pathianna pawh an hre ve thiam lo.

Chutah...mahni duh thu ngeia faka, faklo thei mihring ; chhia leh tha hria, duh thlang thei leh ama anpui ngei a siam ta. Hei zet chu Pathian pawhin a dah sang rapthlak khawp mai. Mihring hian Pathian ropuizia chu a puang chhuak thei ta..hei hi a ni Pathian lawm famkimna chu. Lal Davida pawh khan "Mihring hi enge maw a nih a, i hriat reng thin ni", a tih thlawt kha. A ngaihpawimawh zia kan hriat chian theihna tur chu... mihring suala kan tluk hnuah chhanchhuah nan Amah ngei a rawn thi a nih kha.... min chhanchhuak satliah a ni lo, Pathian hmangaihna leh ropuina a rawn puang(introduce) a ni.

He Khawvelah eng vanga piang nge ka nih ?

Kan thupui chhanna tur chu heihi a lo ni ta... Mihring kan lo awm ve ringawt nachhan hi chu, Pathian ropuina tifamkim turin. Thilsiam hluber leh Pathian hnuaichiah chanvo pek kan nihnaah hian awmlo ata awm ka lo ni hi ka lawm a, Pathian chu fakin awm rawh se.

Water Brushes for Photoshop

2010-07-10T05:23:00.000-07:00

Water Brushes for Photoshop
1 .ABR file (containing 59 brushes) | 25 Mb

Tui per nalh tak tak leh soft mawi em em siam nan a tangkai em em. Midang siamsa download mai lovin, nangpawhin nalh takin he brush hmang hian wallpaper i siam thei. a rit lova, 25Mb chiah a ni a, download chhung pawh a rei lo. Download la, proffessional angin wallpapers nalh tak tak han siam ve chhin teh le.

Download link
http://hotfile.com/dl/53637876/acc647e/water-brushes.rar.html

NOD32 Antivirus Scanner 30.06.2010 v.5241

2010-07-01T09:51:00.000-07:00

NOD32 Antivirus Scanner 30.06.2010 v.5241 | 15.6 MB

Antivirus software that effectively protects against all types of viruses and "spyware" (Adware / Spyware / Riskware) programs. Eset NOD32 has all the features characteristic of the modern means of protecting your computer. By some measures, Eset NOD32 exceeds many popular antivirus programs. Works as a scanner.

UNDO [Ctrl+Z] (Sunday Pual)

2010-06-27T01:53:00.000-07:00

He khawvela i awm chhung hian thil tam tak i tawng a, hlim em em chang i neih laiin lungngaih em em chang i nei tawh thin. A chang chuan khawvel hi i ning ngawih ngawih thin ang. Harsatna hi tawk vek tur kan ni, mahse kan han tawh chiah hian mi tawh ai hian a na thin.

Thil tam tak kan zir a, thil tam tak kan tawng. Thian tha tam tak kan chhar a, thian sual tam takin lungngaihna min thlen bawk thin. Thil tha tam tak kan tih laiin kan thil sual tih ten lungngaihna min thlen bawk. Kan thianten theihnghilh tawh mahse chhung rilah hian ser nung angin a cham reng thin.

"Aw..piang nawn leh ila, kha thil kha chu ka ti lovang mawle"... ," Khawvel hi a bul atangin tan that leh theih se, he nunkawng hi ka zawh tawh hauh lovang"..."Lo piang lo law law zawk ila"..."Kar hmasa kar tirah khan let leh thei ila, hetiang hian ka awmlo tur"........ti a lungngai taka kun ngawih ngawih chang kan nei thin.

Photoshop chu nise History-ah ka kal anga, ka tihsual laite hi ka delete ang te kan ti a, Mihring nun ah hian UNDO hi awm se tih changte hi kan nei thin a ni.

Mihring nun hi a lo UNDO theih asin, Photoshop a History-a kan kal ang hian a hmaa kan tihsual kha siam that leh theih a ni a sin.

Lal Isua Krista hmangin i nun kha UNDO rawh, i thil lo tihsual; theihnghilh hmak i duh ngawih ngawih te pawh kha Lal Isua chuan Eraze Tool aia faiin a nawhreh thei asin. I sual chu Computer wndows, virus in a tihchhiatvek angin buai in dum mahse Lal Isua chuan Windows Fresh-a load ang maia fai leh bawlhhlawh awm lovin a lo silfai thei.

I thih hma chu i la tlai love, i sualna, lungngaihna leh harsatnate chu Isua kebulah nghat la, a ni chuan vur aia varin a lo sil ang chia, program thar nangmahah a rawn load dawn a ni. Nangman Load thiamlo mahla, Super Admin a ni kan tih kha, Program zawng zawng ziaktu a ni a, a man a thlawnin a lo install dawn a ni. I nuna Programing language diklo leh thalo zawng zawng kha Lal Isua hmangin FORMAT la, Pathian duhzawng Program load rawh le. Nangmah chuan khawvel hi i hmachhawn ngamlo a ni maithei, Thlamuantu leh vengtu ANTIVIRUS, 'Thlarauthianghlim' a pe ang che.Mahse i UPDATE ve reng chu a ngai dawn a ni.A awmzia chu i ONLINE(Pray) ve ziah a ngai dawn tihna a nih chu, chuti lo chu virus thar a rawn chhuak zel dawn a (Setana thar, nilovin, athlem dan tactic thar).

Kan Miss duh tak

2010-06-19T13:45:00.000-07:00

kum engemaw zat aliam ta. Mahse zan tin hian ka lah hrechhuak thin, vawiin nia thil thleng ang mai hian.He ka taksa hi a thih hma chu zan tin hian chiangtakin ka hrechhuak zeldawn ta a nih hi.

Govt. Mizo Higher Seconday School-a Class XII kan zir lai a ni a. 1st Period ah chuan Accounting kan chawk, kan ning lutuk..Kan Sir a chhuak ta; second period ..... tum loh deuhin teacher rawn kal remchan loh avangin chawhnua tlanbo kan tumna subject chu an rawn sawn ta thut mai. Kan Miss, Pathian thu tawk...kan nin em em kha a rawn ka ta. A class hi chu Devotion period a ni ringawt mai. A KTP em em a, a sawi turte pawh hi kan lo sawi khalh tawh thin. Zirlai chu kan zir zo ta vat a, minute 20 tre traw chu a sermon leh dawn chiang.

Drugs leh zu chungchang a sawi leh ngei dawn e, Joseph-a kan thianpa a hau leh ngei dawn e kan ti a, kan lo thlir reng. Mahse vawiin chu a sermon thupui a thlak ta thut a. "Tawngtai", chungchang a sawi ta daih a. A'n sawi chho ta tak tak mai a.. khua a lum bawk si. Kan ning lutuk, chutah hnialna tur phet kan zawng ta a.

Zan in mutdawna intawngtai hian thingthiin in tawngtai tawh thin dawn nia...a rawn ti chiah chu ka phur nasa ta mai. Kei hnial hrat kha tuma request ngai lo khan ka ding ta nghal a. Enge thingthit kher a tulna ? Keimahni leh Pathian inkar, kan inbiakna a ni a. Position danglam bik chu enge a ngaih kherna tur ? Rilru leh tik tak zeta tawngtai chuan .... chu aia tha chu a awm chuang em ni ? Duh leh thu chung pawhin, duh leh mu chuang pawhin...Kan rilru zawng zawnga kan tawngtai chuan a tha a ni mai........ ka ti a. Ka student puite chuan kut an lo beng dar dar a. Thil hria inti tak leh titha inti tawk chuan ka'n thu a. Kan Miss chu ka chhang dang chiang bel bawl khawp mai. Ka zirlaipuite pawhin an hrechiang. Sawitur a hre lo, chhuah mai a tum. a chhuah hma chiah chuan ", Practise ve chhin rawh u, a danglam a nia", a rawn ti hram a.

School kan bang a, zanah chuan test kan neih dawn avangin lehkha ka zir ve a. dar 11:00 a rawn ri, ka mut a chhuak hma thin khawp mai lehkha zir chuan. Mu tur chuan ka inbuatsaih a, tih thin dan pangaiin tawngtai tur chuan ka thu leh ta a. Mahse ka tawngtai thei ta tlat lo, enge a chhan pawh ka hre lo. Thlarau mi an tih hi ni ila chuan a chhan leh a vang ka sawi thei ang ka ring. Ka hrethiam lo. Tuman thingthi turin min nawr lui lo, mahse thingthit tur a ni tih chu ka hrechhiang em em si. Ka thin a rim em em, a ngaihna ka hrebawk si lo.Tawngtai lo chuan ka mu ngai bawk si lova, tawngtai ngei chu a ngai.Hrehtak leh thinrim treuh chung chuan ka thingthi ta a.Thinrim em em chung chuan ka tawngtai ta a ni. Ka'n Amen chiah chu ka hawi vang vanga.. Thil danglam keimahah a awm ka hre lo.....ka hrelo thlawt.......mahse chhungril takah chuan thil danglam chu a awm si. Ka sawi thiam lo, danglamna a awm ka hre lo, mahse thil danglam chu a awm chiang si a.

Khami zan atang khan thingthiin mutdawn hian ka tawngtai ta ziah a, thil danglam chu a awm a ni mahse ka sawi thiam lo. Kan Miss kha chiang takin ka hnial dang, ka hneh, hrilhhai takin ka siam bawk, khami ni khan hnehna ka chang chiang a ni. Mahse zanin thleng hian ka hnehlo a ni tih ka hre chiang. Amah pawh ka la hrilh ngai lo, ka sawi chhuah vawi khatna a ni. Kan Miss nunah khan Pathian kha lo awm lo se... tun thleng hian hnehtu ka ni reng ang.

Kan Miss duh tak, tunah khawnge i awm ka hre lo... lawmthu ka hrilh tak meuh meuh che.

Top 10 colleges of India 2010

2010-06-19T01:43:00.000-07:00

Mizoram University BA II year result chhuah rual hian India rama college tha 10 thlanchhuah hi tarlang teh ang..Mizoram University hnuaia Colleges ho hi eng tikah nge an lan ve ang? Tih zawhna inzawt chungin.

Top 10 colleges of India 2010

Fonts Nalh dangdai 14000

2010-06-16T05:28:00.000-07:00

536 MB | NO PASSWORD!!!

Graphic desiners te leh DTP khawih thinte tana tangkai em em chu hawrawp (Fonts) a ni a. A chang chuan Fonts hi duhzawng hmuh mai a harsa thin, he fonts collection ah hian hawrawh 14000 lai a awm a, 536 MB a lian a ni bawk. Hotfile leh file serve in download link ka pe a, i duh zawk zawk download mai rawh lem.

Download :

http://hotfile.com/dl/48564343/17882cf/Fantastic_14000_-_Font-L9s.part01.rar.html
http://hotfile.com/dl/48564345/95a8682/Fantastic_14000_-_Font-L9s.part02.rar.html
http://hotfile.com/dl/48564349/35c1fb1/Fantastic_14000_-_Font-L9s.part03.rar.html
http://hotfile.com/dl/48564354/349e3bf/Fantastic_14000_-_Font-L9s.part04.rar.html
http://hotfile.com/dl/48564358/689bc53/Fantastic_14000_-_Font-L9s.part05.rar.html
http://hotfile.com/dl/48564361/1f5a590/Fantastic_14000_-_Font-L9s.part06.rar.html
===============
http://www.fileserve.com/file/CM6M7SE/Fantastic_14000_-_Font-L9s.part01.rar
http://www.fileserve.com/file/cdFwvtu/Fantastic_14000_-_Font-L9s.part02.rar
http://www.fileserve.com/file/6DTncbw/Fantastic_14000_-_Font-L9s.part03.rar
http://www.fileserve.com/file/bB4uMFV/Fantastic_14000_-_Font-L9s.part04.rar
http://www.fileserve.com/file/zpb4nDg/Fantastic_14000_-_Font-L9s.part05.rar
http://www.fileserve.com/file/E97jRuY/Fantastic_14000_-_Font-L9s.part06.rar

Autodesk Maya 2011 ENG iSO (x32/x64). Includes New Features and Essential Training (2010)

2010-06-14T13:56:00.000-07:00

Autodesk Maya 2011 ENG iSO (x32/x64). Includes New Features and Essential Training (2010) | 4.52 GB

Autodesk Maya 2011 software features powerful new tools for helping create and repurpose character animation: enhanced skinning capabilities and non-destructive live motion retargeting. Its new 3D Editorial timeline helps accelerate pre-visualization and virtual movie-making workflows, while an invigorated user interface helps improve artists’ efficiency and creativity. Maya 2011 addresses today’s demanding production requirements with its high-performance viewport display of large scenes, integrated color management, scene segmentation, improved rotoscoping, and new UI toolkit. With support for 64-bit as Windows operating systems, Maya is now more accessible than ever, offering artists an end-to-end creative workflow at exceptional value.

Content on 09.06.2010:
* Autodesk Maya 2011 x32/x64 English;
* Autodesk Maya 2011 New Features;
* Autodesk Maya 2011 Essential Training.

1) Autodesk Maya 2011 x32/x64:

System Requirements For 32-bit Autodesk Maya 2011

* Microsoft® Windows Vista® Business (SP2 or higher), Microsoft® Windows® XP Professional (SP3 or higher), Microsoft® Windows® 7 Professional, or Apple® Mac OS® X 10.6.2 operating system
* Windows: Intel® Pentium® 4 or higher, AMD Athlon™ 64, AMD Opteron™ processor, AMD Phenom™ processor
* Mac® computer: Intel-based processor
* 2 GB RAM
* 4 GB free hard drive space
* Qualified hardware-accelerated OpenGL® graphics card
* Three-button mouse with mouse driver software
* DVD-ROM drive
* Maya Composite media cache requirements for playback:
o 10 GB minimum, 200 GB recommended
o HDD: IDE, SATA, SATA 2, SAS, SCSI
* Microsoft® Internet Explorer® 7.0 or higher, Apple® Safari®, or Mozilla® Firefox® web browser

For 64-bit Autodesk Maya 2011

* Microsoft Windows Vista Business (SP2 or higher), Microsoft Windows XP x64 Edition (SP2 or higher), Microsoft Windows 7 Professional, Apple Mac OS X 10.6.2, Red Hat® Enterprise Linux® 5.4 WS, or Fedora™ 11 operating system
* Windows and Linux: Intel® EM64T, AMD Athlon 64, AMD Opteron, or AMD Phenom™ processor
* Mac® computer: Intel-based processor
* 2 GB RAM
* 4 GB free hard drive space
* Qualified hardware-accelerated OpenGL graphics card
* Three-button mouse with mouse driver software
* DVD-ROM drive
* Maya Composite media cache requirements for playback:
o 10 GB minimum, 200 GB recommended
o HDD: IDE, SATA, SATA 2, SAS, SCSI
* Microsoft Internet Explorer 7.0 or higher, Apple Safari, or Mozilla Firefox web browser

Year: 2010
Version: 2011
Developer: Autodesk Inc
Platform: Microsoft Windows XP & Vista & 7
Compatible with Windows 7: Full
Language: English
Medicine: Yes

2) Autodesk Maya 2011 New Features:

Author George Maestri explores the significant and robust feature set in Maya 2011 that add functionality for its 3D workflows in Maya 2011 New Features. This course covers the addition of Bezier curves for NURBS modelers, the Connect Component and Spin Edge tools in the polygonal modeling mode, and rigging tools for character animation. Enhancements to rendering and special effects are also reviewed. Exercise files accompany the course.

Topics include:
* Choosing colors with the Color Picker
* Using the new Shelf Editor
* Adjusting skin weights with color feedback with Paint Skin Weights
* Connecting characters to skeletons with Interactive Skin Bind
* Making object-level soft selections
* Constraining objects to polys
* Using the camera sequencer
* Exploring the Hypershade window improvements

Year: 2010
Manufacturer: lynda.com
Country: United States
Language: English
Author: George Maestri
Duration: 1,3 hours
Sample Files: present
Format: Clips QuickTime (. Mov)
Video: AVC 960x540 15fps ~ 100Kbps
Audio: AAC 48kHz 2ch 96Kbps

3) Autodesk Maya 2011 Essential Training:

In Maya 2011 Essential Training, George Maestri demonstrates the tools and feature set in Maya, as well as the skills necessary to model, texture, animate, and render projects with this deep and robust piece of 3D animation software from Autodesk. This course takes an in-depth tour of Maya's interface, including navigating and manipulating objects in 3D and customizing the workspace. The course also covers object creation and modeling basics, shading and texturing, surface mapping techniques, character rigging, and lastly, rendering and final output. Exercise files accompany the course.

Topics include:
* Getting familiar with the Maya interface
* Organizing scenes
* Creating hierarchies
* NURBs modeling for solid objects
* Adding color to models
* Applying bitmap textures
* Working with mental ray materials
* Polygonal modeling for characters and organic objects
* Deforming with the Skin tool
* Setting up lights and cameras
* Creating realistic effects such as depth of field
* Working with the Timeline
* Creating animation cycles
* Batch rendering
* Rendering with the mental ray engine

Year: 2010 Manufacturer: lynda.com
Country: United States
Language: English
Author: George Maestri
Duration: 9:00
Format: Clips QuickTime (. Mov)
Video: AVC 960x540 15 fps ~ 100Kbps
Audio: AAC 48kHz 2ch 96Kbps
Sample Files: present

DOWNLOAD :

http://hotfile.com/dl/47422716/bdf0f1d/Autodesk.Maya.2011.Includes.part01.rar.html
http://hotfile.com/dl/47422718/8847a7b/Autodesk.Maya.2011.Includes.part02.rar.html
http://hotfile.com/dl/47422720/63fb3fd/Autodesk.Maya.2011.Includes.part03.rar.html
http://hotfile.com/dl/47422722/09a625c/Autodesk.Maya.2011.Includes.part04.rar.html
http://hotfile.com/dl/47422724/ffe125f/Autodesk.Maya.2011.Includes.part05.rar.html
http://hotfile.com/dl/47422727/51fe7e7/Autodesk.Maya.2011.Includes.part06.rar.html
http://hotfile.com/dl/47422729/3bf5522/Autodesk.Maya.2011.Includes.part07.rar.html
http://hotfile.com/dl/47422731/63ef5fd/Autodesk.Maya.2011.Includes.part08.rar.html
http://hotfile.com/dl/47422734/f555c60/Autodesk.Maya.2011.Includes.part09.rar.html
http://hotfile.com/dl/47422736/90a4f57/Autodesk.Maya.2011.Includes.part10.rar.html
http://hotfile.com/dl/47422738/c9b6c28/Autodesk.Maya.2011.Includes.part11.rar.html
http://hotfile.com/dl/47422739/b8b1137/Autodesk.Maya.2011.Includes.part12.rar.html
http://hotfile.com/dl/47422741/50731ee/Autodesk.Maya.2011.Includes.part13.rar.html
http://hotfile.com/dl/47422744/60e6557/Autodesk.Maya.2011.Includes.part14.rar.html
http://hotfile.com/dl/47422745/c0ad8b1/Autodesk.Maya.2011.Includes.part15.rar.html
http://hotfile.com/dl/47422747/f5c3100/Autodesk.Maya.2011.Includes.part16.rar.html
http://hotfile.com/dl/47422749/84ded82/Autodesk.Maya.2011.Includes.part17.rar.html
http://hotfile.com/dl/47422751/7128ca2/Autodesk.Maya.2011.Includes.part18.rar.html
http://hotfile.com/dl/47422754/f3246bc/Autodesk.Maya.2011.Includes.part19.rar.html
http://hotfile.com/dl/47422756/c47e506/Autodesk.Maya.2011.Includes.part20.rar.html
http://hotfile.com/dl/47422757/c425eac/Autodesk.Maya.2011.Includes.part21.rar.html
http://hotfile.com/dl/47422761/78e1dce/Autodesk.Maya.2011.Includes.part22.rar.html
http://hotfile.com/dl/47422762/e301d8a/Autodesk.Maya.2011.Includes.part23.rar.html
http://hotfile.com/dl/47422763/22f7247/Autodesk.Maya.2011.Includes.part24.rar.html
http://hotfile.com/dl/47422766/a0c11f7/Autodesk.Maya.2011.Includes.part25.rar.html

Digit FastTrack (jan-dec 09 pdf)

2010-06-11T11:25:00.001-07:00

Aizawl Civil Hospital a ralkhel

2010-05-24T03:08:00.000-07:00

Aizawl Civil Hospital (OPD Building) 24.05.2010 : Dar 12:23 PM a ri chiah, Thawm ring lutuk inchung lam atangin a rawn ri. Mangang bak lekin inchung lam atang chuan damlo inentir turte an rawn tlan thla, tlanchhuahna awm ang angah chuan an tlan chhuak nuaih nuaih a. Damdawi ina thawk te Doctor leh nurse te pawh rang takin an tlan chhuak ve bawk.

Raipuar pakhat kha gate bulah an dang bet a, an nek rawn a..a hrehawm a ti khawp mai. Tin, damlo pakhat pawh a tlanchhuahna lamah a tlu palh, midang rawn tlan chhuak an tam ve bawk si a. an chil rawn zui..mahse hliam na tuar an awm love.

Kei Ka room-ah hnathawh pahin ear phone-in hla ka lo ngaithla a(Skillet hla Don't wake me tih kha). Kan hawi chhuah nak chuan thawhpuite zawng zawng an lo bo duak, Ka hla paly chu ka off a, mangang au leh tlan thawm ka hria.. Chutah ka camera ka chuh vat a, video in ka la mai dawn emni le ka camera hi SLR a ni si lova... te tiin rilru ka seng hman a.

An rawn tlanchhiatna lam chu panin chung lamah chuan a rang a rangin ka tlan chho ve ta nghal..mipui sa himna zawnga rawn tlanchhiate chu ka'n tawng ta a..a hahthlak khawp mai.

Bomb a puak/kangmei a chhuak/lir a nghing/ eng ber nge ni ang tiin an rawn tlanchhiatna lam nia ka hriatah chuan ka tlan chho ta vak mai a.. Inchung ka han thlan chhoh nak chuan vai ho cement compressor (cement an tih mukna khawl) ri lek kha a lo ni a..

Chasen

2010-04-30T11:54:00.000-07:00

Kristian Band tharlam tak leh ril tak, rawn lar chho mek an ni. Chasen in vuahin Chasen tih hi an band khaipa ber leh vocalist Chasen Callahan-a hmingchawia phuah a ni a, Chasen Band hi Callahan-a din niin hun harsa tak tak alo paltlang hnuah tunah khawvelin tunge a nih a rawn hre chiang ta.

Chasen band hi Greenville, South Carolina-a piang a ni a. He hmunah hian Chasen Callahan-a hian Worship Pastor hna thawkin, thalaite hi Youth camp te leh Conference-te a neih pui thin a. Nipui a lo thawt apiang hian chawlh hmang thalaite a kianga music play tur hian a sawm khawm thin a, music ngaihthlaknawm tak takte an play thin. Mahse nipui a lo zawh chuan thalaite chuan school an zawm leh thin avangin band nghet tak a nei thei thin lo. Tichuan Evan silver leh Aron Lord-te chuan mumal takin an rawn

zawm ta a, Bassist Jared Barber pawh chuan a lungthu kimna tur chuan chasen band chu a rawn zawm ve ta. Chutah zet chuan recording tiin an bur ta nghal chur chur mai a, an inkawp fuh hlawmin A rawng an bawl sak hi an hriat chian em avangin an thawk rim a, 2009 kum chhung zawng kha chu music compose leh recording neiin hun an hmang a ni.

Hetihlai hian Callahan hian Marathon Church-a a rawngbawlna worship leader hna chu a thlahthlam chuanglo. Sunday tin hian thalai 5000 chuang an rawn pungkhawm thin a, Pathian thu hrilin Pathian fakna hun nuam leh zangkhai tak a neih pui thin. Pathian chuan chu ringawt chu Callahan-a_ah hian a la duhtawk lo. Callahan chuan " Pathian chuan rawngbawlna zau zawk nei turin min duh a ni", tiin sengkhawm hna chu zau zawka thawh a tum ta a. Chasen band hian radio-ah hla hit pahnih 'Crazy/beautiful' leh 'Drawn' chu an rawn nei ta nawlh mai .

March ni 3, 2010 khan an debut album "That Was Then, This Is Now". chu an release ta hlawl mai, he album chhunga hlate hian belhchian an dawl em em a, an hla tamzawk hi callahan-a ziak a ni a, a hun tawn atangin a ziak deuh ber. He vang hi a nia rilru khawih tak tak leh ril tak tak a nih hlawm. "Airplanes", hi Callahan-a'n a thianpain a boral san laia a boruak tawn atanga a ziah a ni a, He album-a hla nalh em em mai "There is Love", hi State danga rawngbawlna an neih laia a ziah a ni a. A thlen inah mei a ai laiin Nashville-a a nupui leh a fapa thla khat leh a chanve a hmuh tawh loh chu a ngai em em mai a, a'n han biak pawh pawhin 'ka hmangaih che' tih tawngkam ringawt hian a hmangaih zia leh a ngaih zia chu a hrilhfiah bawk si lo. Tlang sang taka mal ngawih ngawiha thu ni hian a inhria a. Chutah Pathian chuan a hnenah thu a rawn sawi ta a, "Khatia i nupui leh fapa i hmangaiha,i ngaih ngawih ngawih ang chiah khan keipawh hian ka mite hi ka hmangaih a, ka ngai ngawih ngawih thin a sin, ka hnenah rawn kal rawh", a rawn ti a. 'There is love' chu a rawn ziak chhuak ta a ni.

Coffee

2010-04-27T12:05:00.000-07:00

Tumahin Coffee kan han in hian hriselna lam kawng a kawk ang tih pawh kan ngaihtuah ngai loh laiin, tunhnai mai a ‘Research’ an neihah chuan natna hlauhawm tak tak : Zunthlum, Lungna leh Thin natna(Thin ro) in venna atan alo tangkai hle tih hmuhchhuah a ni.

Coffee-ah hian ‘Caffeine’ a tam em em a, a hmingthan phah reng a. Mahse Caffeine chu kan thatpui tak chu a lo ni lova. ‘Antioxidants’ an tih ‘Phenol’ te, a rim siamtu (aroma compounds)te, ‘Oxazoles’ ten natna insiam tur an lo dang thei a. Coffee a awm bawk Chlorogenic acid hian taksa a thlum tam (Glucose concentration) tur a lo veng bawk a ni. ‘The Journal of the American Medical Association’ rawn ziak danin; Nu 27,000 kum 55 leh 69 inkar a upa, kum 15 chhung teh meuh mai an lo zirna ah chuan, nitin coffee No 6 chuang in thin chuan in ngailo aiin; za ah 35 zetin zunthlum an vei tlem a.
No 4 atanga no 6 in chu 28% in an vei tlem bawk tih hmuhchhuah a ni. Hei bakah Lungphu-chawl vanga thi 15-19% in an tlem phah bawk a ni. Norway ho hmuhchhuah ve thungah chuan, no 1 atanga no 3 in ho chuan in ngailo aiin, 24% in lung natna an vei tlem zawk bawk. Zunthlum venna atan chuan, nikhata no 6 aia tam in pawh a that laiin; Lungna atan chuan no 1-3 a tawk mai a, a aia tam in pawhin a thawk that belh chuang lo a ni.

Antioxidants hi Grape-ah te, Blueberries-ah te, Rashberries leh Serthlum ah te pawh a awm ve a. Mahse Coffee-ah hian alo tam daih zawk a ni tih an han hmuhchhuah hian, Scientist-ho pawhin mak an ti a. He Antioxidants hi zu in ho Thinro (Cirrosis) leh Thin cancer venna atan a lo tha ve tho mai a. Coffee-a caffeine awm hi chuan thisen luang a ti muang thung ngei a ni.

COFFEE : The health drink.

# Coffee in hian Zunthlum, Lungna leh Thin natna a veng.

# Antioxidants Coffee-in a pai hi, Grape, Blueberries, Rashberries leh Serthlum pai aiin a tam.

# Heng Antioxidants te hian kan ‘cell’ chhe tur a veng a ni.

# Coffee hian ‘Chlorogenic acid’ a pai avangin, taksa a thlum inchhek khawl tur a veng.

# Coffee hian Lungphu chawl- thihthut lakah min veng thei a ni.

Hman a kan hriatdan kha chuan, Coffee hi Lung lam natna nei te tan in a thaloin kan hria a. Tun Research thar berah chuan a rawn letling hlauh anih hi. Coffee hi engtia in tur nge : a hang, a thlum, bawnghnute pawlh an ziak tel lo.

Photoshop Layer Mask Tutorial - digimalt

2010-04-25T12:21:00.000-07:00

1. A hmasa berah chuan dublicate layer i siam ang.

2. Layer chung zawk (background copy) kha i edit phawt anga,..Filter-ah i kal anga, Noise ah chuan Dust & Scratches kha i click anga, Dust & Scratches(Radius pixels) kha i photo quality azirin i edit anga,..keichuan 2 ka pe a, tihian a tawk viau a..

3. A dawtah chuan Gaussians Blur i pe leh anga,..(Filter-Blur-Gaussians Blur)..Hetah pawh hian i picture quality azirin Radius pixel kha i pe mai ang..tlema phe deuh tur a ni a, nakinah kan combine hunah a hmai mamna tur ber kha a nia..

4. A dawt lehah chuan a tih anna turin noise tlem pek a ngai ve thin a.. a mam deuh puak hi chuan a lem a ang thin..a tlangpuiin 0.7 ka pe tlangpui..

5. A dawt lehah chuan Layer Mask i pe ang a... a hnuai a mi ang hian..

6. Layer Mask(Background copy) i pek kha pain bucket hmangin rawng dum i fill anga...

7. Background layer kha a rawn lang anga, layer chung zawk(background copy) kha chu a invisible ta phawt a..

8. Brush tool i la anga,..airbrush soft round 50% flow kha i hmang anga...

9. Chuan colour select naah khan white color i thlang anga..

10. Brush opacity level kha 50% velah dah la..

11. A hmai pixel thalo lai emaw...mam se i duh lai kha brush chuanhan hru ta la,a lo mam kuar kuar anga,..mahse a mitte, a hnarte i hruk nasat chuan a fiahlo vek thei a nia..

12. A tawpah chuan layer zawng zawng kha i merge tawh dawn nia..a hnuaia a lemah hian Flattern image tih a lo inclick a,,heihi mistake a ni,...merge visible zawk tur a ni e..

13. Tichuan picture nalh leh hmai mam tak...sap model-te vun mam nalh em em nachhan chu i lo hre ta a..

Thlipui

2010-04-25T11:35:00.000-07:00

28th March, 2010 (Sunday) khan thlipui na tak chuan Mizoram Hmar tlangdung a nuai a. In tamtak luah tlak lohin a awm, Pathian ni tlai dar 3 velah rual leh thli a rawn thawk a, nasa takin Hmartlangdung khuate hi a nuai hlawm a. Darkar 2 vel hnuah a bang leh mai a. Rial lian tak tak kuttum tiat vel tam tak a tlak avangin inchung rangva a deng pawp fer fur a. Tukverh darthlalang pawh a keh vek ti ila kan sawi sual lovang. Inchung tam tak a la a, zanah pawh inkhawm lovin mahni buai buai in an buai hlawm, Khawasak phung a buai zo vek a ni ber. A reh vang vang tawh dawn emaw tih hnu zan dar 10:30 velah a aia na a rawn thawk leh a.. Hetah hian nasa takin in leh lo a suasam a... He thli leh ruah leh rial thawk hi kum 30 hnua hmartlangdunga a thawh nat leh ber niin an sawi.

Suangpuilawn khua phei chu an tukverh darthlalang thawmthat leh nan Aizawlah darthlalang an rawn lei a.. 407 trip khat teh meuh mai an phur chho a ni.

Darlawn khua pawh inchung pawp thawmin a tuk hian an buai em em a..tumah thenawmte pui hman an awm bik lo. Mahni buai buaiin an buai vek niin an sawi bawk. Rial a rawn tlak leh mai an hlauh avangin an darthlalang lei pawh an vuah lawk ngam lova.. thli leh ruah heti chung hian an tuar deuh chawt chawt a nih chu kar khat chhung chu.